أحفـــاد_ آل_حــارث
الكاتبه: ســـدرة الطائي
مرات لو ناسي الذي بينك وبيني
لو تدري الدمع ما فارق العين ولا قلبي بغيابك مل ونيني مشتاق إني إلك...
مشتاق إني إلك ولك قلبي محتام
هاي الأرض ما توسع حنيني...
ــــــــــــــــــــــــــــــــــــــــــــــــــــــــــــــــــــــــــــــــــ
مسحت دموعي وانطيت الاختبار الامي
ماما بجي. الف مبروك حبيبتي شفتي شلون الله عوضج
خليت ايدي على بطني خايفه ومتوتره
شهد بدموع. واخيرا الله عوضني
ماما. بنتي هسا انتي بيا حال
شهد ابتسمت. صدكيني بعد كولشي مايهمني ومصطفى من اليوم اني راح انساه هو صار عنده عائله واني هم راح تصير عندي عائله ثانيه ووجودكم كافي
ماما. فدوه لوجهج حبيبتي خلص القرار بيدج بعد اذا تردين ترديله او اذا تردين تظلين ويانه بكل الحالات انتي بنتنا
شهد.لامتاكده من قراري مستحيل انذل وارجع اعاني يمه اريد ارتاح اليوم جان اصعب يوم امر بيه
عفته ومشيت مامهتمه ظلت تباوعلي بشك رحت اخذت سونار والدكتوره كالت عمره اسبوعين يعني حتى بعد مابدت اعراض الحمل والغثيان
طلعت وحجيت البابا بقى مصدوم وشايل هم
وصلنه البيت وكلت البيبي
شهد. كلكم ديرو بالكم تحجون اي شي المصطفى ولااريد يوصله شي عن الطفل لحد لاجر بس خلي يطلكني
محمد. والطفل شلون يتربى بدون اب؟ انتي لبالج اذا مادرى هسا راح بظل ساكت وبعد كم سنه يجي ياخذ طفلج
شهد. لاصدكني بابا ماراح اخليه بس ماريده يعرف اخاف يتراجع ومايطلكني خلي طفلي يعيش بلا اب احسن مو احسن مايكون بين ادين سحر؟ ههه شراح تسوي يعني هيج راح ادوس بطني وتكلي الله وياج وراح يسووني مخبله راح تنعاد الاسطوانه نفسها خلوني هنا عايشه بامان يمكم اشوف حياتي مستقبلي
محمد. ودراستج شلون راح ادرسين
شهد. عادي نفس الشي ع اساس ماجنت حامل واداوم واشتغل واتمرض
محمد. بنتي سمعتج راح تدمر
شهد. مايهمني لان اني مارايده كلشي بهل حياه بعد هاي تجربه فاشله مريت بيها اني اني الي عانيت وتأذيت مو العالم عايشه وياي حتى تدري العشته بابا اني كولشي مارايده انت بس كولي اذا ماعاجبك ابقى يمكم اطلع لو انام بالشارع هم ماارجعله خلص اني وياه وصلنه لنهايه الخيط وكل واحد يشوف حياته اني بكل الاحوال ضايعه مني سنه دراسيه
محمد بغشب. شهل حجي لجج بنتي خايفه عليج اريد اأمن مستقبلج مو سهله وانتي حامل ومطلقه شراح تسمعين حجي عليج شلون راح تتحملين ابوه الطفل ميصير تحرميه عالاقل لو يدري
شهد. محد يكله لحد مااولد واني كتلكم كلشي لاتخبلوني
ماما. ها هيه بنتي لج اهدي انتي حامل هسا ارحمي لبطنج اسبحي وتعاي اكلي ويانه وجهج اصفر
شهد. لان تعبانه
ماما. انتي كلشي ماماكله ودمج مصفر ومادري شلون ضغطج مرتفع يالله يارب شهل مصيبه الوكعت علينا اليوم والله راسي راح ينفجر
YOU ARE READING
احفاد آل حارث
Randomبين اربع حيطان وحدي احس الدنيه بدت تفتر بيه مادري شنو سبب هاي الاصوات ليش الناس مداتفهمني محد يصدكني اكولهم جاي اسمع صوت راح تأذيهم هاي المره عبالهم تخبلت هه هو اني مداصدك بنفسي اهلي حيصدكون؟ رجعت لفراشي تغطيت وخليت راسي جوه لمخده ورى ربع ساعه دخل ع...
