#احفاد_آل_حارث
#سـدرة الطائي
لگيتك ساجيه تودي اعله باچر
لملمت بالگوه روحـي
وسافريتك
ــــــــــــــــــــــــــــــــــــــــــــــــــــــــــــــــــــــــــــ
فتحت الاتصال واني اسمع صوت اختي تبجي خليت ايدي على گلبي اليرجف ماعرف شحجي ماعرف شكول خفت يصير شي لماما او بابا او بيبي بيها شي
شهد. احجوو شكوو كلولي رهف فذوه احجي رهف لاتعبيني كافي تبجين احجي مجاي افتهمج
رهف بجي. شهد ماما صار عدها ولادة
شهد بصدمه. شنوو ومنو وياها
رهف. بيبي وياها واني وحدي بالبيت
شهد بخوف. شلون يخلوج وحدج احمد وينه
رهف. احمد جان ويا اصدقاءه ومايعرف والرقم مقفل خايفه شهوده حبابه تعاي ماكدر اظل وحدي تعالي يمي
شهد. عيوني وروحي ظلي كاعده بالبيت وقفلي الباب لااطلعين جايه اني راح اجيج هسا لاتخافين وراح اتصل اشوف احمد وينه
رهف. ماريد احمد اريدج انتي تعالي
شهد بدموع. اي اي جايه هسا اخابر مصطفى واكله اشوف منو يوصلني الكم اي شي تسمعين عن ماما خابريني لان الطريق بعيد
رهف. اي
سدت الخط وكعت بالكاع ارجف ارجف وابجي على امي مادري على اختي ولااخوي الي مادري وينه اظل اتصل بيه مقفل واهلي كلهم مشغولين
انفتح الباب جتي رغد ومريم يمي
مريم. ولج شبيج شهد شصابج شصابج
اباوعلهن واني راح افقد وعيي ضايعه اريد اوصل الاهلي بس مادري شلون لزموني كوموني احجي وصوتي رايح من البجي
شهد بدموع. خابري مصطفى بسرعه بسرعه
مريم. غير تحجين شصار
شهد. امي داتولد واختي وحدها واخوي مفقود شنو شصار؟ خابريه كوليله رايحه الاهلي
رغد. ولج تروحين وحدج
شهد. اي اي ادري حتى لو مستعده اني اسوك واندعم المهم اوصللهم لى على جثتي
مريم. اتحملي شهد لاكلساع تبجين اندعيلها هسا جاي اخابره والله بس خلي يجاوب.. لايالله مايرد
شهد بجي. راح انجلط اليوم الكل مختفي ليش محد فكر بيه هيج الكل تخلى عني فوك ماخايفه عليهم
مريم. خابريه بموبايلج
شهد. اريد اروح اني راح اطلع موصوجي هو محاي يرد عليج
مريم. ولج تعاي شلون تطلعين هيج وبدون ماتكولين
شهد بجي. شسوي بس كليلي شيسوي حتى اروحلهم اريد اطمئن مريم مجاي تفهميني
ضمتني كعدت ابجي ربع ساعه جاها اتصال باوعت وكبل فتحته
مريم. احجي وياه
هزيت راسي بقيت اصفن شحجي هسا يقنعني ومايخليني اروح امسح دموع واطيح دموع سمعت صوته كام يحجي بخوف وقلق ويصيح
مصطفى. شصار شهد احجيلي شبيج جاوبيني
شهد. ماما اريد اروح لاهلي
مصطفى. كبل فتره رحتي يمهم
شهد بجي. موهيج رهف وحده بالبيت واخوي مفقود واهلي عايفيهم ورايحين للمستشفى ماما جاي تولد عفيه خليني اروح راح اموت اريد اهلي
مصطفى. شهد اهدي اول شي وانه راح اخابرهم واخلي احد يم اختج من تصيرين زينه اخذج
شهد بجي. والله العظيم انتحر اذا ماتوديني
مصطفى. لاخوله ولاقوه الا بالله شبيج تخبلتيييي منو ياخذج
شهد. اي واحد من الولد تكدر تكله
مصطفى. عدهم شغل حضري نفسج جايج
شهد بجي. فدوه لاتتأخر گلبيي محروك اني اختي تحتاجني وماروحلها شلووون اريح ضمييري گلي
YOU ARE READING
احفاد آل حارث
Randomبين اربع حيطان وحدي احس الدنيه بدت تفتر بيه مادري شنو سبب هاي الاصوات ليش الناس مداتفهمني محد يصدكني اكولهم جاي اسمع صوت راح تأذيهم هاي المره عبالهم تخبلت هه هو اني مداصدك بنفسي اهلي حيصدكون؟ رجعت لفراشي تغطيت وخليت راسي جوه لمخده ورى ربع ساعه دخل ع...
