#احفاد_آل_حارث
#سـدرة الطائي
تصويت
يالمبتعد عني
ابتعد مني
شثكلهن ذكرياتك تعبني
ـــــــــــــــــــــــــــــــــــــــــــــــــــــــــــــــــــــــــ،،،،،،
شهد بفزع. فززتني
مصطفى. وين صافنه عيني
شهد. منعسه مو صافنه تره شايف حالي والله حنام واني واكفه شو ماكلت عيوني
مصطفى. استغفرلله شهد المرة تكول صباح الخير الرجلها انتي عالنكد بويه عيوني عيوني
شهد. لاوالله مو من گلبك ماريد اصلا
مصطفى. شلون مو من گلبي شمدريج انتي ماتكليلي شهل نكد بعد عقلج خارج التغطيه شلون تنكدين من الصبح
شهد. هههه منعسه والله
لزم جف ايدي وباس راسي
مصطفى. هسا تنامين عيوني
شهد. الله شكد حلو اسمعه منك عفيه خلي نبطل نروح اريد انام بحضنك
ضميته وخليت راسي ع صدره غفيت اني واكفه وهو ظل يحرك بيه رفعت راسي بنعاس
ـ اكو شي؟
ـ ماكو شي نامي ياعروك گلبي
ـ صدوك؟
قسور بصياح. ماكو مستحى ماكو خجل كله علني اثنينكم يرادلكم اهل فوك راسكم وخلي يشوفون التربيه الوصخه
مصطفى بخزره. لك عليمن هاي عليك؟
قسور.عمي شتسوي سوي بعد صايره قديمه تره عيب عليك كلساع حاضنها وبايسها كدامنا افتهمنا اخذها وروح الغرفتكم مو كدامنا مره نشوفك بالمطبخ خاتل والبارحه بالهول
شهد بصدمه. عزاا هاي شوكت شديحجي مصطفى احجي وياه
قسور. لزمي رجلج يالفاهيه مكشوف تره وانتن يالنسوان كيدجن عظيم مسودنته وتكلي شوكت
مصطفى. ضب السانك واشرد احسلك لااجي اكسر العوده على راسك وتدري عاد وين اخليها
قسور. هههه وعلي قويه هاي جاي انبهكم خو تسووها هناك بكربلاء احسلكم لتجون
شهد بخجل. وانته شايفني
مصطفى. عوفيه هذا تفكيره وصخ مادري شلون راح يتوب
قسور. من اتوبون عاد اتوب وياكم
كاله وطفر لحكه مصطفى وهذاك يضحك يغثه طلعو بره ضحكت ورحت للساحه ظل يباوعل لملابسي اول مره يشوفني هيج لابسه عبايه وكلشي متغطي من شافني هيج سألني يمكن ماجان منتبه جوه ابتسم ظل يباوعلي خجلت
ـ شكو حبيبي تباوعلي
ـ ماكو شي بس شهد مداكدر اشيل عيوني عنج
ـ ههه بࢪاحتك حبيبي اني مو متضايقه عادي
ـ شطالعه يابويه حتى العبايه محليتج بطلت اقنعج
ـ ليش
ـ وعلي شفتج من بعيد جنج وحده ايرانيه
ـ ههه معقوله يعني حلوه لو لا
ـ شكࢪ بنيتي تنكطين حلاوة
ـ كافي تره گلبي مايتحمل بعد راح انزع العبايه وامشي براحتي كوه امشي عدل بيها
ضحك وخله ايده جوه حجابي يفوت شعري الطلع من فوك سمعته كام يردد كلمات اول مره اسمعها
ـ انت بلسم وانت دم يتراوح بشرياني.. شلون انساك.. گلبي ساكن بالنجف واسمك سكن بلساني.. روحي وياك.. شلون عن عيني تغيب وانت لجروحي طبيب.. بقى يردد بيها صفنت للمعنى كلش حلوو لزم ايدي اخذني للساحه شفت ناس دخلو لابسين عبايات همات سلمو علينه ومن صدمتي
YOU ARE READING
احفاد آل حارث
Rastgeleبين اربع حيطان وحدي احس الدنيه بدت تفتر بيه مادري شنو سبب هاي الاصوات ليش الناس مداتفهمني محد يصدكني اكولهم جاي اسمع صوت راح تأذيهم هاي المره عبالهم تخبلت هه هو اني مداصدك بنفسي اهلي حيصدكون؟ رجعت لفراشي تغطيت وخليت راسي جوه لمخده ورى ربع ساعه دخل ع...
