احفاد آل حارث

بارت26

احفاد _ال_حارث

#الكاتـبه: سدرة الطائي

ورداتي نبدأ البارت من تاريخ 1/1/2024

وكل عام وانتو بخير❤

صاير ماتحن كلش هل ايام
وحيل تغيرت بيك المودة
تجر گلبي وتحسبه بطرف الرموش
لاعينك تشبگه ولاتهده

      ـــــــــــــــــــــــــــــــــــــــــــــــــــــــــــــــــ

كعدت من النوم اليوم السابع الي اكعد بيه هيج فازه ومخترعه
الساعه بال5الصبح

فزيت ادفر برجلي وعيوني تتكلب

ــ شهد كعدي كابوس كعدي لاتخافين

فزيت على هزه الجسمي كمت جسمي يرتعش كوه اسحب النفس وازفره كام جابلي كلاص مي كوه اشرب حنجرتي ملتهبه خايفه من الشفته اباوع بالغرفه ماكدر احجي من التعب ماعبالك كابوس
ـ شلون صرتي شهوده

ـ حنجر تي.. تو جعني
ـ على كد ماصرختي شايفه هالمره؟
ـ مصطفى اني مامرتاحه صدكني داشوفه احسه حقيقي مو كابوس
ـ شبيدي شهد مو اخذتج لشيخ كبل يومين وكل يوم اقره عليج
ـ اي لهذا اكولك لو كابوس جان راح
ـ لاتخافين ماكو شي اني وياج
ـ والله خايفه يريدون يگتلوني اني وبنتي شنو هلكد احنا على گلبهم كاعدين
ـ منو همه اتحده واحد يجي بس يمسكم احرگه وعلي
ـ بس اني ماريد واحد منه يتأذى وماريدكم تعوفوني

ابتسم خله ايده يمسح بوجهي وخر شعري عن وجهي وحضني
ـ ماريد اسمع هالحجي منج كل مره اكول لان خايفه واسكت بس هالمره اعاقبج

ـ ضمني حيل لاتعوفني مو بيدي ياروحي شسوي بس هاي تره المره الرابعه اشوف حيه لازمه بنتي وانت تباوع مقهور وعفتني
ـ اششش اهدي اهدي كلشي ماصار مجرد حلم هذا بسبب خوفج علينا ولان انتي بفتره حمل صعبه عليج تتأذين وتتحملين وهورموناتج متخربطه
ـ لا لا مو هيج متأكده اني هذيج المره الي جتي بيتكم هيا حاجتني

مصطفى بغضب. مو كتلج لاتحجين وياها ليش ادخلوها البيت بلكت باگتكم شلون عقل عدكم بس فهموني وشوكت هاي ماكلتلي
شهد بدموع. لاتتعصب والله العظيم ماقصدي اضم عليك شي والمره حاجتني كلت بس هالمره

مصطفى. وهسا جاي تفكرين بحجي العرافه كل يوم لج كله جذب ليش تصدكون حرامم شلون اطببون مره تجذب عالعالم

شهد. ماصدكت والله باوع هسا تذكرت والله مو بالي
ـ نامي شهد كافي تفكير غيرج مجاي اعرف شبيج
ـ وانت تنام؟
ـ نامي انتي هسا انا ماعوفج
ـ لاتعوفني

سحبني تمددت ع صدره ونمت

كعدت الظهر اباوع الساعه بال11ونص

شهد. عزااا مصطفى ليش ماكعدتني هئ واني عبالي بعد وكت

كمت سبحت ولبست دشداشه شتويه وبيها كبع وجيوب لفيت شالي ونزلت ويا البنات جيت اساعدهم لزمت صحن مريم اخذته مني وسحبت ادي كعدتني
شهد. ها
مريم. ها؟ كل عقلج تشتغلين ولج باعي بطنج صايره شكبرها
شهد. هسا جاي تعيبين على بنتي ولج عكب تجي وهيا تكتلج لان مابيه حيل اتعارك وياج
مريم. اوي دروحي غير اريد مصلحتج بعدين انتي هاي اخر يوم ترتاحين بي نوب حمل ودراسه
شهد. تره حلوه الدراسه اصلا اشتاقيت للمدرسه وبس اريد اروح بس حماسي احسه صفر صديقاتي مو وياي
مريم. نور وياج هيا تنتبه عليج
شهد. محسستني رايحه احارب مو دوام شبيج
مريم. مو صوجج صوج التخاف عليج