احفاد آل حارث

بارت43

#احفاد_ال_حارث

#سـدرة_الطائـي

‏كُل شيءٍ في هذه الحياة مُغلف بالعناء ، لذلك اختر على الأقل ما يستحق أن تعاني من أجله .

ــــــــــــــــــــــــــــــــــــــــــــــــــــــــــــــــــــــــــــــــ

كعدت بليل اريد اخابر محمد دورت على جهازي هم زين اكدر اتواصل وياه اتصلت بيه بسرعه

ريحانه. الوو
محمد. الو حبيبي
ريحانه بدموع. محمد ابويه يريدنا نتطلك
محمد. شنو؟ ابوج يحجي بكيفه
ريحانه بجي. والله العظيم عمامي محرضي اعرفهم شنو هذا اكيد عمي الجبير بس المشكله عمي الثاني قابل علمود يريدني ازوجه الابنه الله اعلم شنو حاچين وشنو ابويه عرف

محمد. اهدي سدره ماكو شي لاتخافين يجوز ابوج ضايج من شي وعصبي هسا اني اجي واحجي وياه
ريحانه. لا لاتجي هسا تعال باجر بس والله سالفه ماتطمن ابويه استغربت من حجي غيروه عليه حتى داحس مايريدك نهائيا اني خايفه
محمد. لاتخافين حتى لو يصير شي خوما بكيفهم اطلكج ليش هي لعبه بيديهم شيسوون خلي يسوون اخذج غصبا عنهم توكلي ونامي باجر عندج دوام

غصيت ماكدرت اكوله ابوي حابسني ومانعني من الدوام كلت يجوز يغير رايه ومجرد كلام

نمت واني قلقه وكعدت وبدلت كل ظني اروح للدوام قافلين الباب لل8ونص كعد ابويه وامي طلعت فتحته سحبتني بتوتر صارت ورى الباب

ام ريحانه بهمس. ابوج يريدج تطلكون لان عرف هو جان عنده علاقه قبل ويا وحده اجنبيه
ريحانه. شنوو؟
ام ريحانه. اشش ابوج راح يهدده حتى يطلكج وكليله لايجي واذا اجى خلي يجيب اهله لج ماما الله اليستر عمامج حادين سچينتهم اصلا همه طول عمرهم مارادوج على ماانخطبتي يتعاركون عليج وعمج عنده ذهب يم ابوج يشتغل بيه اخاف اني اخاف ابوج ينضر بيها

ريحانه بجي. يمه دخيلج شنو تحجون انتو ليش مااعرف اني ليش محد يريدلي الخير يمه لاتخلي ياذي محمد الله عليج يمه مامدر اتحمل اموت وراه والله والله ادري بعلاقته وحاجيلي كلشي بس انتي ماتصدكين محمد ماعنده شي وكل شباب الا ماحبو
ام ريحانه. لج بنتي يكول جان يشرب مخدرات يكول من تقدملج ليش ماحجى هالشي ويروح يضر بنتنا
ريحانه. يمه سوالف قديمه والله وهاي هم اعرفها هو مايشرب هالشي والله العظيم واليشربهن اصلا مجنون يصير يمه انتي تصدكين محمد هيج هو من جان مراهق جان اكو بنيه وياهم هي هاي حبها جانت تشرب مخدرات وعلى فكره هو ضحيه صار حاله حال الطلاب

ام ريحانه. مستحيل مااصدك محمد يسوي شي غلط كلت يجوز هو قبل احد شربه شي ابوج مايصدك يكول حتى اهله ماحجو بالسالفه وهو خايف عليج هم وهسا عمامج مسوين همه الزينين ومحد غيرهم
ريحانه بجي. انتي احجي وياه
ام ريحانه. جيبي تلفونج اخابره لايجي