أحفـاد_آل_حـارث
#الكاتبه سـدرة الـطائـي
ولقَد رأيتُكِ في مَنامي رؤيةً
وما زلت اغمضُ راجياً تكرارُها..
ـــــــــــــــــــــــــــــــــــــــــــــــــــــــــــــــــــــــــــــ
بعد مرور يومين
صار عندنا عرس من كرايبهم
قمر: ريحانه شلون يعني ماراح تجين
ريحانه. اي واصلا ماعندي فستان البسه ماعرف مالي خلك والله وعندي هواي درس
قمر: بكيفج بس والله لو تغيرين جو هالساعتين ترى العريس كلش ويا محمد علاقته قويه وعزمه واكد عليه لازم تجين انتي عروس عندج فساتين هواي مال جهازج شلون ماعندج؟
ريحانه: مو بيدي دشوفي هالاتي لوين واصله شوفي شكد تعبانه ياريت هاي ساعتين انام بيهن
شهكت بتعب ماظل وقت الامتحاناتي واني تاخرت بسبب استاذ الفيزيا جنت اداوم بفتره المراجعه
عافتني وطلعت مسحت دموعي ورى نص ساعه انفتح الباب اجى محمد من الدوام وكالعاده ماستقبلته وحابسه روحي بهاي الغرفه
اجى باس خدي وراسي اردفت:
ريحانه: الگوه حبيبي ماتزعل مو؟ والله موبيدي ونسيت وقتك
محمد ابتسم. مازعل منج ريحاني شلونج اليوم
ريحانه بتعب. الحمدلله بس تعبت تعبت
محمد. ماظل شي حبيبي فتره وتخلصين
ريحانه. يجي يوم واخلص
محمد. وداعتج تخلصين بس تركي الدراسه اليوم ارتاحي كم ساعه ريحي نفسج باجر عدنا عرس
ريحانه. ها نسيت اكولك مااروح
محمد باستغراب. ليش ماتروحين العريس صديقي
ريحانه. ماعندي ملابس وتعبانه
محمد. شلون ماعندج ملابس كنتورج منترس
ريحانه. ايي انت ماراح تفهم البنات عرس مامتحضرتله يعني مامجهزه نفسي حتى اروح
محمد. شنو هالحجي عندج وقت الى باجر انتي تكدرين جهزي نفسج والباقي عليه
استغربت من كلامه هزيت راسي ورجعت اكمل دراستي رغم مبتعده عنه بس ماكو غير حل حتى ادرس وبس هالفتره
واني كاعده اقره حسيت بتعب وكمت صارت تلعب نفسي واريد اتقيئ طفرت رئسا تقيئت ورجعت للغرفه اختل توازني يمكن لان جاي اتعب وماانام
طلع محمد من الحمام باوعلي ابتسم
محمد: هاي منو شعجب جيتي للغرفه
ريحانه. تعبانه والله تعبت
محمد: سلامتج ريحاني لااتعبين نفسج كافي ارتاحي وقت عندج واهم شي صحتج
هزيت راسي وبديت اغفى حسيت بيه صار يمي تمدد وحضني
ريحانه. ليش تمددت انزل اكل
محمد. ماكدر اعوفج انتي صارلج شكد تنامين بهذيج الغرفه
ريحانه. بس اني حتى لااضوجك
محمد. ماتضوجيني.. مشتاقلج
ريحانه. ههههه واني بهل حاله متت ههه مااظن حبيبي
محمد. بكل حالاتج احبج واشتاقلج
ريحانه. شلون جان يومك
محمد. لاتغلسين
ريحانه. ماغلست اني تعبانه
محمد. شنو رأيج تبقين يمي واريحج
ريحانه. يعني شلون
محمد. اسهر وياج عالدراسه
ريحانه. لاانت وتسهر وياي وباجر وراك دوام
محمد. عادي لاتشيلين هم المهم انتِ
YOU ARE READING
احفاد آل حارث
Randomبين اربع حيطان وحدي احس الدنيه بدت تفتر بيه مادري شنو سبب هاي الاصوات ليش الناس مداتفهمني محد يصدكني اكولهم جاي اسمع صوت راح تأذيهم هاي المره عبالهم تخبلت هه هو اني مداصدك بنفسي اهلي حيصدكون؟ رجعت لفراشي تغطيت وخليت راسي جوه لمخده ورى ربع ساعه دخل ع...
