احفاد آل حارث

37

#أحفاد_آل_حارث

الكاتبة:-سـدرة الـطآئـي

فضلاً لايك+تعليق من بين الفقرات

ـــــــــــــــــــــــــــــــــــــــــــــــــــــــــــ

طلعت صبيت الغده وكعدت اسولف ويا سوزان ع المشروع وگلبي ممرود على مصطفى مجاي يقبل ياكل ولايطلع ويشوف مريم ومريم ازيد بعد حالتها جاي تسوء عن قبل وماتقبل تنزل الا اذا مصطفى كعد بالصاله تجي ومنه سوزان يمنا مأجل الشغله

مر 10 ايام على شغلنا اني وسوزان حيل تعبنا بس جانت النتيجه حلوة وفعلا من اول يوم اجونا ناس والموظفات على كد الثقة

دخلت الغرفه ملاك سوزان دتحضر بجنطته ورشت العُطر خلته بالجنطة وغلقته شافتني ابتسمت كالت:
سوزان. شلوني!
شهد ابتسمت. تخبلين جنج ريحانة
سوزان. ههههه تدرين اشتاقيتلها بسرعة وراح ارجع اسافر
شهد. والله اني هم تعودت عليج وشوكت تحبين تعاي يمنا كُل الهلا بيج
سوزان. هههه لااطلعين عيني تره اجيج واسريها صُدك
شهد. عين غطى وعين فراش

اخذت جنطته ماقبلت اشيلهن واني هم ماقبلت منها اخذتهن انطيتهن الـ عبد الرحمن
خلاهن بالسياره وشغلها الها طلع قسور
اردف:
قسور. لك حرامات قطعه الكيك تضييع بهل سرعة
شهد بخزره. قَسوورر!!!

براء. عوفي عوفيي مو شون راح اوكله كيك يخبل
شهد. ستري علينا يمعودة حامل بعدين وين نوديج
براء. مو اني تاخذوه للنجف
باوعتله بغيرك وتكرص بي ضحك بصوت قوي
قسور. احتركنا من الغيرةة دخيلك ياعلييي

عضيت شفتي احبس ضحكتي واتفادى نظراتها علينا طلعت سوزان وكالعادة عُطرها يسبقها ابتسمت وكالت:

سوزان. هاايي
قسور. هايات
ندسته وكرصت ايده ارفعت:
براء. شويه الخ تحجي اروح اجيب تيب والزكة عليك
سوزان. ولهنا اودعكم كُلش فرحت وياكم وتونست ماشاء الله عائلة تخبل ربي يديم هالمحبة بينكم ويبعد عنكم كُل شر
براء بخزره. امييننن

حبست ضحكتي وهمست:
شهد. راح تاكليها شبيج دسكتي وتحملي الخاطر لبطنج
براء بغيره. احبة ماكدر

رحت حضنتها وبوسته سلمت عليهم من بعيد وصعدت بسيارتها وانطلقت فزيت من مكاني
براء. عوذاا هاي شوون هيج تسووق
شهد. فزيت من يمي
قسور. تكول تلمحلي
شهد. بشنو تلمحلك
قسور. يويل شهدهد مافهمت شنو يعني
شهد. هسا لو ولد داكول جاي يزحف بس مال بنيه تزحفلك بسيارته عود انت شنو هي ماترضى بيك
براء. عوفيي عوفيي تذكره بحبيبته
قسور بخزره. ياحبيبة يوليي عندي غيرج!
براء بغضب. اي اكو وهواي وراح تخذلني ادري ادري يعجبك ادور غيري واني ماخذني مزهريه قسور جاي تتراهققق كدامييي انتتتت
قسور بسخرية. اتراهق؟ ماراح احجي وياج راجعي نفسج