احفاد آل حارث

بارت27

#أحفـاد_آل_حارث

الكاتبة🥀: سـدرة الطائي

كالو ماتجي وكالو عليك بعيد
ودرب كلش طويل البينك وبيني
شح مني الدمه كد مابجيت أعليك
واعاتب بالكمر هلبت يواسيني
ظلم كلش ظلم تحيا وتموت بشوك
وجا شنهو العمر من تذبل رياحيني
تعب حتى الورق حبر ودمع مخبوط
وحسرة ويا الگلب تأذيني وتبجيني..

ـــــــــــــــــــــــــــــــــــــــــــــــــــــــــــــــــــــــــــ

شهد، نزلن دموعي من سألته دقيقه اصفن وارجع اسأله ظل يباوعلي بحزن ومتردد يحجيلي وانه اشيل بروحي وانركع وگلبي صاير نار رجعت اتذكر كلشي واحاول ابلع غصتي وارجع اسأله

شهد. ممصطفى جاوبنيي

اقترب حضني حيل ويمسح على راسي

مصطفى. وعدتج شهد بس اعرف ياهو الگتل بنتنا اخذ روحه بيدي بس اهدي راح تتخبلين

دفعته بكل قوتي مثل ماتوقعت
شهد. وخرر عرفت اني ماراح تصدگوني مو شبيه اني وماتصدگني
مصطفى. شهد انه شوكت كتلج مااصدكج حبيبتي خلي عندج صبر شويه تحملي اوعدج ماخليج وحدج واخليج تتخطين كلشي بس اصبري وياي مو من حقنا نتهمها واحنا ماعدنا ولو دليل ومستحيل غيري يصدكج وانتي جنتي بهيج حاله جاي تفهميني
شهد بجي. اي اي شسوي هسا

كعدت عالجربايه ابجي واعصر دشداشتي ضمني لصدرة وخله ايده على خدي

مصطفى. لاتسوين شي بس اريدج تصبرين
شهد. حتى لو اصبر طول عمري منو راح يكدر يرجعلي بنتي؟

مصطفى بحزن. مو كتلج لاتنزلين دموعج ليش تجرحين گلبي
شهد بدموع. بس اريدها جاي اشوفها كل يوم باحلامي ياخذوها مني اني انطفيت بدونها هاي فرحتي كتلت بنتنا ومانقذتها داكولك دفعتني والدفعه جانت حيل قويه وانت تدري هيا اضخم مني وسمينه ودفعته من كبل لااوكع اني تأذيت من الضربه مو لأن وكعت هيا تعمدت تكتلها واني ماكدرت احميها جاي احترك جاي احترك مصطفى اااا

نزلت بالكاع املخ روحي واصرخ واضحك تهسترت اني اضرب نفسي وهو يلزمني حيل يمنعني حضني واحس بدموع تنزل على رگبتي هديت شويه وخرت ايدي وانا ابجي بلا صوت هذا وضعي وحالتي بسببهم ررغم هالشي جاي اصبر ولازم اصبر وادوس على نفسي

مصطفى. انسي شهد بروح اهلج انسي تلفت اعصابي من وراج ماداعرف اتصرف وياج ليش تأذين نفسج ومو انتي السبب گلتي سحر السبب وانه اروح احرگها هيا واهلها

فتحت عيوني بصدمه خفت من كلامه رغم السووه وياي مو مال يحرك الكل اني مو مثلهن الله موجود وياخذ حقي منهم اباوع مصطفى هز راسه بتوعد كمت وجلبت بيده يمشي على اعصابه اجلب بيده واسحبه اريد احجي بعد ماكدر انعقد لساني كوه تسيطر على دموعي لحد مانزلت جوه شفت رائد موه انطق