#حفـاد_آل_حـارث
#سـدرة_الطـآئـي
لا ذنبَ لِلنهر ، لا ذنبَ لِلقارب ، الراكِب تُغرقهُ أحماله
ــــــــــــــــــــــــــــــــــــــــــــــــــــــــــــــــــــــ
بعد دخول العريس وفقره العرسان طلع ليث وصار وكت العشا واني ميته جوع كعدت اكلت بالبدايه واستلمت جهالهم نوب جتي وحده مره حجت وياي وطلبت مني ادير بالي على ابنها بين ماتاكل لان عدها طفل ثاني اصغر وطبعا اني قبل لزمته سولف وياه
ريحانه. شسمك حبوب
ــ ماعندي اسم هههه
راد يطفر لزمته من ايده
ريحانه. شوف تره صح اني بنيه وصغيره بس تره اربيك لاعبالك تفلت مني جاوبني
ـ اجاوبج خاله بس طلعيني شويه بره
ريحانه. ليش
ــ اني كبير مو صغير تخلوني وي نسوان
ريحانه. هههه واذا اصلا الك الشرف تكعد ويانه رغم هيج بس راح اطلعك بشرط نصير اصدقاء بين ما ماما تخلص
ـ اي خاله
ريحانه. ياخاله كول ريحانه اسمي ريحانه وانت شسمك
ــ زين العابدين
ريحانه. وااو اسمك حلوو بس طويل راح اكولك زيوني زين تمام
ـ تمام هسا راح اطلعيني
ريحانه. يلا ناخذ جوله بدون علمهم بس لحد يشوفنا مانطول
طلعته وهو كاعد عاقل وكفته بصف الباب الخلفي ويباوع عالدبك وركص الزلم وشكله يدور على ابوه حسيت تاخرنا
ريحانه. يلا زين تاخرنا واني تعبت خلي نطب جوه هسا ماما ادور عليك
زين. ماا مااطب يمكم
ريحانه. شنو واني شعليه زيوني كافي بعدين تشوف ابوك
لزمت ايده وهو دفعه وماكدرت الزمه راح يركض باتجاههم بدون وعي كمت اركض واصيحه راح بغير اتجاهه واني اركض بالكعب لو بيدي انزعه بس اخاف اغفل
حيل خايفه شنو اكول الامه واني السبب اني طلعته لي لبالي اغيرله جو وهسا شون اطمئن كله صوجج ريحانه السويتي غلط وهاي امانه امنتج عليها المره متت قهر ادور عليه دخت واني وادور وماكو واصيح باسمه وصرت كدام الباب الامامي وكدام الف عين وماعرف شسوي حايره
حسيت بيد تشد على زندي واحسني طرت مدرب شلون ركضت هيج حسيت بيه يطببني من الباب الخلفي دفعته ايده وردت ارجع صحت
ريحانه بقلق. لا لا وين عوفني
محمد. وييين ويين تردين بهاي الملابسس ريحانه بسرعه اشوفج جوه وحسابج بعدين
ريحانه بقلق. لامحمد.. زين.. زين وينك زيوني
رحت اريد اركض واحس رجليه ماتعيني رجع سحبني ولزم ايدي حيل
محمد. شبيج منو زين
ريحانه. شبيك اني ماطالعه متقصده تره زين طفل مره امنته يمي شرد راح الابوه محمد اختفى هيج ماكو فص ملح وذاب
محمد. حتى لو شلون اطلعين هيج ريحانه
ريحانه. اذا مالكيته بيدي حموت اني وانت تكولي شلون اطلعين اني حروح ادور عليه وانت ظل احجي هيج
محمد. ماتروحين اني ادور عليه انتي روحي ادخلي والبسي شي فوك ملابسج وتعالي استفسر منج عسريع
YOU ARE READING
احفاد آل حارث
Randomبين اربع حيطان وحدي احس الدنيه بدت تفتر بيه مادري شنو سبب هاي الاصوات ليش الناس مداتفهمني محد يصدكني اكولهم جاي اسمع صوت راح تأذيهم هاي المره عبالهم تخبلت هه هو اني مداصدك بنفسي اهلي حيصدكون؟ رجعت لفراشي تغطيت وخليت راسي جوه لمخده ورى ربع ساعه دخل ع...
