احفاد آل حارث

بارت 29

الكــــاتبة: ســـدرة الطائي

#آحفــــاد_آل_حـــارث

ما غفت عيني كلي شلون رايك والعمر محسوب وجلمات الشماتة تكول ناسيني طلابه وي العشك وأيامي كلهن ليل وشمس حبك ظلم من ما تضوّيني كافي من العتب راح أختم الأبيات وأحجيلك سطر بي كل عناويني مثلك ما شفت ولا رايد ولا ريد وأحبك موت عنوان لدواويني ري العمر مشوار تكضي أيامه وتعدي ريت العمر مشوار تكضي أيامه وتعدي ولو أدري الوكت دولاب ياخذ بينه ويودي جا ما شمت الشمات بيه ولا خنت ودي ولاخليت دمعي يسيل تيزاب وحرك خدي

ــــــــــــــــــــــــــــــــــــــــــــــــــــــــــــــــــــــــــــــــــ

تعبت غفيت شويه وكعدت على صوته كمت فتحت عيوني
شهد. احنا وين
مصطفى ابتسم. كعدي رويحتي وصلنا
فتحت عيوني متفاجأة باوعت من الجامه بفرحه المطار يخبل نزلنه استقبلونا ورحنا اخذنا الجنط شكد جان تعاملهم حلو ويانه خصوصا لمن يدرون احنا عراقيين طلعنه من المطار وكفت منشأة كبالنه صعدنا بيها تأخرنا لحد ما وصلنه الفندق نزلنه للفندق كلش فخم وحيل جبير واحسن شي بيه كلهم عرب حتى الموظفين واكل عربي دخلنه انطتنا رقم الغرفه وصعدنه طول المسافه احنا واحد يهدد الثاني لحد ماانفتح الباب وعالم صارت كبالنه استحيت طلعنه وصلنه للغرفه
شهد. الصالات هنا تجنن لو نكعد هنا
مصطفى. الله كريم خلي نشوف الغرفه بالاول

فتح الباب ودخلنه الغرفه اكبر من غرفتي اضعاف وبيها غرفه سويت وغرفه ثانيه صغيره ومطبخ صغير ويا الصالة وبلكون صغير بالغرفه وبلكون الثاني جبير من الصاله يجي والوانه حيل عجبتني هادئ وفخم
مصطفى. عجبتج الغرفه؟
شهد. الله تجنن.. شنو هاي الجرباية منو مسوي هيج
مصطفى ضحك. عبالهم عرسان لان حجزت غرفه الجبيرة مال عرسان
شهد. واكول ليش جبيره عزاا
مصطفى. هيا هاي اكبر غرفه عدهم
شهد. بس احنا مو عرسان وهمه تعبو وزينوها هلكد باوع الميز شكد صارفين عليه والشموع
مصطفى. عليش مقهوره عليهم احنا هم راح نعرس
شهد بخجل. عيب عليك شنو نعرس بابا اني متزوجه من كم سنه
مصطفى. تردين الصراحه مني شهد چني عايش وياج يوم
شهد. ليش
مصطفى. اخر فتره جنت اشتاقلج وانتي ماتحسين بيه شريرة
شهد. شسويت حتى تكولي هيج مو داكولك من نجي هنا اني اريدك تشتاقلي
مصطفى. مو عليه شهد هالحجي ماقتنع بيه ولبسج والمكياج والعطر وتخلين شعرج فوك وجهي وبالاخير تكليلي اوخر بس سهله اااخ شهد اذا مااطلع قهري بيج
شهد. شنوهذا ماقبل
سحب ايدي وباسني حيل خليت ايدي ادفع راسه انكطع نفسي گوه وخر سحب شالي كله وطار الدبوس مادري وين صار دفعني عالجربايه وسد حلكي ...

كعدت الدنيه مغرب لبست الروب فوك البجامه وطلعت دورت بالصاله مصطفى مو هنا دك تلفوني

شهد. الوو وينك
مصطفى. كعدتي؟
شهد. اي قبل شويه
مصطفى. زين انه عشر دقايق ويمج جايب عشى
شهد. اها اوك لاطولل جوعانه
مصطفى. ماطول لاطلعين بره
شهد. اوك باي