#احفاد_آل_حارث
#الكاتبة سـدره الطائي
لگيتك ساجيه تودي اعله باچر
لملمت بالگوه روحـي
وسافريتك
ــــــــــــــــــــــــــــــــــــــــــــــــــــــــــــــــــــــــــــــــ
دخل قسور عصبي ويغلط وادم بحضنه مغطى دم حيل انصدمنا لزمت ايد ماما ووكعت من الصدمه كلنه نباوع الآدم مغطى بالدم وامه فرفحت من البجي عمتي وكعت بالكاع ولطمت من شافت حالته.. احمد ومصطفى جانو بالمضيف اجو يركضون ولحكوهم الولد طب احمد عيونه صايره بگصته واديه ترجف مايكدر يلزم ابنه
احمد برجفه. شبيييهه ولكممم احجووو ابنيي شصااببهه مسااع جان يلعبب مابيه شي ولك ليش مو امانه برگبتك روحت ابني
قسور بغضب. انته شجااي تحجي الله شاهد ادم اعتبره ابني لك تربه وياي لك انت شمدريج شصار وياه كل مره تعال ذب السالفه بيه هسه خلي ناخذه للمستشفى بسرعه واحجيلكم بعدين مو وكته راح نفقده
اباوع اثنينهم يرجفون وامه
ماتقبل تعوفه تبجي ضامته وتگول گلبي حاسسني راح ياخذوه ومايرجعوه الي كوه سحبو منهم احمد وكع بعد ماظل بيه حيل يشوف هيج ابنه وقسور مدمر فد نوب والكل قلق حتى بابا شبع قهر عليه وامي حاضنه اخويه الصغير وتقره ايات اجى مصطفى سحبه منهن شاله
مصطفى.علي جيب السياره بسرعههه
دلال بجي. لالا الله يخليك لاتاخذه هذا ابني اعتبر ابنك يصير بيه هيج تقبل ياخذوه منك
مصطفى بقهر. خويه جيبيه وداعتج مارد للبيت الا ابنج ويانه توكلي على الله وادعيله
طلعو كلهم يركضون واني بقيت مصدومه وابجي بمكاني كلهم طلعو بره لحكوو مصطفى مها والاء انفجرو مها حتى وجهه خمشته وتضرب رجلها بالكاع ورغد منتهيه بغير عالم تصفن بالكاع ودموعها وايده على بطنها تعبنه واحنا ننتظر ودلال گلبت البيت اطلع ملابسه وكلساع تريد تشرد ويلزموها اخر شي خابرت اخوها اجى اخذها
كعدت عالقنفه اباوع للساعه كل دقيقه تمر عبالك سنه كد مامركزه ويا الساعه حتى كمت اسمع صوت عقاربها
اجت ماما جايبتلي كلاص مي وكعدت تهديني واني بس ابجي
ام شهد. قدر وصار مايصير هيج انتو كبل تنفعلون ادعوله هسه منو يكول ماعايش
شهد. الله يسمع منج والله انكسر گلبي على دلال شسوت بحالها
ام شهد. هو هذا شعور الام بنتي من تخاف او تفقد اي واحد من اطفالها او يصيبه شي
شهد. ماما اني خايفه
ام شهد باستغراب. من شنو تخافين؟
شهد. انتي مو تكولين هيج هذا شعور الام لمن تخاف على اطفاله ماما تره دلال هم قويه وهادئه سوت هيج بس صدكيني لو اني ماكدر اخلي نفسي بمكانها ابد صدكيني اموت
ام شهد. اسم الله بنيتي ماكو شي ان شاء الله.. كلشي يصير قضاء وقدر.. اذا بعدج خايفه ومتوتره خابري زوجج وسأليه
شهد. بلكت مشغول او معصب
ام شهد. ميخالف خابريه عالاقل نعرف
YOU ARE READING
احفاد آل حارث
Randomبين اربع حيطان وحدي احس الدنيه بدت تفتر بيه مادري شنو سبب هاي الاصوات ليش الناس مداتفهمني محد يصدكني اكولهم جاي اسمع صوت راح تأذيهم هاي المره عبالهم تخبلت هه هو اني مداصدك بنفسي اهلي حيصدكون؟ رجعت لفراشي تغطيت وخليت راسي جوه لمخده ورى ربع ساعه دخل ع...
