"မုန်တိုင်းလာတော့မှာ အသက် လေးလေးငယ်နဲ့အိမ်ပြန်ရအောင်"
သက်ပိုင်၏ မျက်ဝန်းတို့ဟာ မယုံနိုင်ခြင်းပေါင်းများစွာနှင့်။
သြရှရှအသံ၌ အက်ကွဲမှုတို့ဟာ ရောနှောနေခဲ့သည်။
ပယင်းမျက်ဝန်းထဲမှ မျက်ရည်တို့ဟာ ပါးပြင်ထက်သို့လိမ့်ဆင်းလာခိုက်
ဝင်သက်ထွက်သက်တို့က အနည်းငယ်တုန်ရီလို့သွားသည်။
"လေးလေးငယ်...ဘာကိုဆိုလိုတာလဲဟင်"
စိုင်း သက်ပိုင်၏ ပါးပြင်ထက်သို့လက်ဖဝါးအား အပ်လိုက်ရင်း
မျက်ရည်စတို့ကို လက်မနှင့်ဖိသုတ်ပေးလိုက်သည်။
"အသက်"
"ဗျာ"
ခပ်ရဲရဲနှာခေါင်းလေးအပြင် မျက်ရည်စများနှင့် မျက်လုံးဝိုင်းဝိုင်းကလေးများနှင့် အနှီကောင်လေးဟာ တကယ့်ပင်ချစ်စရာကောင်းလှ၏။
"တစ်ခါတစ်လေ ငါမင်းကိုနားမလည်ဖြစ်မိတယ်။
ငါ့ရဲ့အလုပ်အကြောင်းကိုငယ်ငယ်လေးကတည်းက နားလည်ခဲ့တဲ့မင်းက၊
ငါကဘယ်လောက် အန္တရာယ်များတဲ့သူဆိုတာကိုသိပြီးသား မင်းက
ငါ့ကိုချစ်တယ်လို့ပြောတဲ့အခါမှာ
ငါမင်းကို တကယ်နားမလည်နိုင်ခဲ့ဘူး။
ဘာကြောင့် ငါ့ဘဝထဲကိုတိုးဝင်ချင်ရတာလဲ၊ဆူးတွေများတဲ့ ခြုံထဲတိုးဝင်လိုက်ရင် သွေးအပြတ်ပြတ်ထွက်သလိုမျိုး ငါ့ဘဝထဲဝင်လာလို့မင်းမှာပိုကောင်းသွားတာဘာမှမရှိဘူး အသက်။"
ထိုစကားကိုပြောလိုက်တော့ သူ့ကိုစိုက်ကြည့်လာသော ပယင်းရောင်မျက်ဝန်းတို့ဟာ "ကျွန်တော်က လေးလေးငယ်ကိုဘာပဲ ဖြစ်ဖြစ်ချစ်နေမှာ"ဆိုတဲ့အဓိပ္ပါယ်ကို ဆောင်လေသည်။
စိုင်း ခပ်ရေးရေးပြုံးလိုက်ရင်း သူ၏လက်နှင့် သက်ပိုင်၏လက်များကိုဆုပ်ကိုင်လိုက်သည်။
"ဒါပေမဲ့လေ...ငါအတ္တကြီးချင်တယ်
သက်ပိုင်...မင်းကိုငါ့ဘဝထဲကိုဆွဲသွင်းချင်တယ်။မင်းအနားမှာနေချင်တယ်၊
မင်းကိုငါပဲပိုင်ချင်တယ်"
"ဆိုလိုတာက"
"လေးလေးငယ်ကလည်း ပေါက်စ
ကိုအများကြီးချစ်ပါတယ်"
YOU ARE READING
In Love With An Old Mafia(Complete)
Romance****** Start Date-Mar.31.2023 End Date-Nov.17.2023 *****
