زمن الملوك والرعاع

جنون

زمن الملوك والرعاع
البارت السابع والعشرون
جنون

#الجزيره
وصل طاهر الى الجزيره فى ظلام الليل ، اختار طاهر ان يبتعد عن مسار السفن ويصل الى شط الجزيره ، نحرك طاهر بين الاشجار حتى لا يشعر به احد و حاول ان يصل الى مكان عالى ، اختار طاهر هضبه عاليه وصعد فوقها فقد اختار طرف الجزيره ووجد انها محاطه بالجبال من طرفيها
شاهد طاهر السفن من الاعلى فقد كان حجم السفن كبير وعددها اكبر ولكن فضول طاهر لم يكن للسفن فقط بل كان لتلك الجزيره ، فقط وجد طاهر انها اكبر من اعتقاده بكثير ويبدو انها بها الكثير من الموارد

كان واضح على الجزيره حجم الرفاهيه والتطور والمبانى الشاهقه و الطرق الممهده ، اراد طاهر ان يعرف اكثر عن الجزيره ووجد ان هناك ابراج مراقبه فوق الجبال ظل يبحث بعينه حتى وجد طريق ممهد للصعود
صعد طاهر فى حذر الممر الجبلى الذى كان ممهد كأنه سلم حتى توقف قبل النهايه .. كان الجبل يطل من ناحيه على البحر ومن ناحيه الاخرى على الجزيره فى هذا الارتفاع علم طاهر ان الجزيره حجمها اكبر مما يعتقد بكثير ، تخفى طاهر جيدا وهو يرى حركة بعض جنود المراقبه حتى انه استمع لبعض الجنود يتحدثون

الجنود
-انت ايه قاعد يعنى ومش بتراقب الجزيره ولا البحر
*هراقب ايه يعنى ولا ايه الى هيحصل ، طول عمرنا موجودين عمرك شوفت حاجه حصلت ، ده حتى الارض الى وعدونا بيها بدأت احس انها مجرد خيال
-خيال ازاى ده كل المنتشر بين بنى صياد ان خلاص الحرب بقت قريبه جدا ، والاسطول هيتحرك قريب
*انا اصلا مش فاهم احنا ليه بنطمع فى ارض جديده واحنا عايشين على الجزيره وحتى عددنا اقل بكتير من اننا نملى الجزيره
-لان الارض دى اكبر بكتير ، واحنا موعودين بالارض دى نكون ملوك على اهلها و يبقى جنسنا هو جنس الملوك والاسياد والكل بيعمل لخدمتنا
*طيب ما احنا عايشين هنا فى الجزيره ايه الى يخلينا ندخل فى صراعات
-متنساش اننا بيتحكلنا عن الامواج الى ضربت العالم وازاى قضت البحار والمحيطات على الجنس البشرى ، ومن يوم ما وصل اجدادنا للجزيره وهم فى خوف ان ده يتكرر لأن ده لو حصل الجزيره دى هتختفى فى دقايق والارض المعهود اعلى من مستوى البحر بكتير على عكس الجزيره ، والاهم من كل ده اكيد فى يوم من الايام هيعرفوا بوجود الجزيره وهيقدروا يوصلوا ليها وقتها هما الى هيحاولوا يسيطروا على الجزيره وذه وقتها هيحصل بمنتهى السهوله وبدل ما نكون احنا الاسياد هنكون احنا العبيد

شرد ذهن طاهر فى ما يسمعه وتسائل لماذا لا يعيش العالم فى سلام لماذا يتصف الانسان بالانانيه وعدم القناعه ومحاولة الاستيلاء على كل شئ لماذا يسعى الانسان الى السيطره وزيادة النفوذ والحروب والصراع هل الانسان دائما يشعر بالخطر وشعوره بالخطر يدفعه الى الدخول فى صراع دائم ام دافعه هو الطمع والانانيه ام مزيج من كل ذلك ، غريبه هى النفس البشريه