زمن الملوك والرعاع
البارت التاسع والعشرون
#مملكة الشمال
بيت جواد
طبول الحرب
جواد : انت فعلاً يا چينرال عاوز حوراء تروح للرعاع ومع سمراء ، انت عارف سمراء دى عملت فى حوراء ايه ؟
موسى : اه عارف يا جواد
جواد : ولما انت عارف ازاى تفكر انك تحطهم مع بعض ، انت مش عارف احساس حوراء تجاهها ، حوراء بتحلم كل يوم تنتقم من سمراء ، هى مش واحده هزمتها فى حرب وخلاص لا ، دى عرضتها لاصعب حاجه عليها ، عرضتها للخيانه وعرضتها للذل وقصاد الجميع
موسى : عارف يا جواد
جواد : ولما انت عارف ، ليه عاوز تخلينى اكسرها ، انا منعتها تنتقم وقدمتها ليكوا قبل كده ، هفضل اعرضها لموقف اسوأ من الى قبله
موسى : انا فاهم يا جواد بس الامور بقت اكبر مننا ومن كل الافكار والاحاسيس ، الموضوع اكبر من احساس الانتقام والحب و الكره ، الموضوع شعوب هتدمر وممالك هتنتهى وتاريخ هينتهك و ارض هتُسلب ، احنا مش بندافع عن مملكة الشمال بس ، احنا بندافع عن ارض الممالك والرعاع احنا بنحارب عشان شعوبنا
جواد : عارف كل الى قولته يا جينرال ، لكن ديماً فيه الف حل
موسى : بس ده افضل حل يا جواد ولو فى ايدنا ليه منستخدموش
جواد : لأنه على حسابها ، حوراء من يوم ما جت المملكه وهى مش عايشه فى امان ، كل حاجه كانت تخوف ، تخاف اعرف هى مين ، وتتحبس وبعد كده تخاف تتعدم ، وبعد كده تخاف من نفسها وانها متقدرش تمنع نفسها عن سمراء ، هفضل اعرضها لكل ده اد ايه
موسى : صدقنى يا جواد احنا بنعمل ده عشان ننهى على الخوف ، والخوف مش هينتهى الا لما تخلص الحرب دى ، كمان انا شايف انك انت الى خايف
جواد : اه خايف ، خايف عليها ، خايف تروح ومترجعش ، حوراء غيرت حياتى الى كانت بلا طعم قبلها ، حوراء عملت لحياتى معنى
موسى : يعنى شايف ده قرارك
حوراء ؛ بعد اذنك يا سيدى واسفه انى سمعتكوا ، بس لو ده هيفيد فأنا موافقه
جواد : موافقه ازاى
حوراء : يا سيدى انا عارفه ان وقت الحروب مفهوش عواطف ولو ده الطريق للنجاه يبقى لازم نمشيه
موسى : هى بتفكر صح يا جواد
جواد : انتى عارفه الخطر الى بتعرضى نفسك ليه
حوراء : متقلقش يا سيدى انا اتعملت مع اخطر من كده وهرجع بسرعه لانى مش هستحمل ابعد عنك
#قاعة الحكم
استقبل الملك ادهم سمراء واجتمع بها وحدهم
الملك : اعتقد ان استعدتى جزء كبير من صحتك يا سمراء
سمراء : انا بخير يا مولاى بفضل رعايتك
الملك : طيب هل اقدر اعتمد عليكى
سمراء : اكيد يا مولاى انا محتاجه يكون ليا دور
الملك : احنا لازم نتواصل مع الرعاع مساندة الرعاع هتكون مهمه فى الحرب وبما انك علاقتك بميسون قويه فهحتاح انك انتى الى تعملى الدور ده
سمراء : سموك عاوزنى اروح للرعاع واتواصل مع ميسون ؟
الملك : اه يا سمراء
سمراء : طيب ممكن استأذنك اخد نوران معايا
الملك : لا نوران هتفضل عشان تهتم بطفلك انا اخترت شخص تانى هيكون معاكى ويساعدك
سمراء : مين الشخص ده
الملك : حوراء
سمراء : حوراء ! تقصد سموك حوراء الى كانت قائدة الرعاع
الملك : ايوه
سمراء : هى عايشه وموجوده هنا ؟ وهل هى موافقه انها تكون معايا ؟
الملك : اه عايشه وموجوده اما موافقتها فهى اكيد هتوافق
سمراء : اعتقد انها مبتكرهش شخص فى حياتها اكتر منى
الملك : مفيش وقت للحب والكره ، اما النجاه والفوز بالحرب او الضياع
سمراء : عند سموك حق ، انا تحت امرك ، تحب نتحرك امتى
الملك : بكره تتحركوا
سمراء : تحت امر سموك انا على اتم الاستعداد
أنت تقرأ
زمن الملوك والرعاع
Genel Kurguفي زمنٍ طويت فيه صفحات التاريخ، حيث لم يبقَ من الحضارات سوى رماد، كان البشر ألدّ أعداء أنفسهم. أنهكتهم الصراعات حتى صارت الأرض ملطخة بذكريات الفناء والخسارة. الطبيعة، الصامتة منذ أمد بعيد، قررت أخيراً أن يكون لها كلمة، فهاجت وارتعدت، وأرسلت غضبها كع...
