يَا مُلهِمَ الأشعَارِ كلُّ قَصِيدَةٍ فِي الحُبِّ كانَ خِطَابُها أهوَاكَ ٰ

Part «14»

ابو احمد: اسمع انا مارح ادخل عبدالعزيز بس والله وهذاني حلفت اذا تجيب سيرة العنود على لسانك استحي على وجهك
محمد نزل راسه: اسف ياعمي واتمنى تعذرني ومن الحين العنود بس بنت خالتي وممكن ياعمي تنادي ساره انا بنتظرها ب السياره
ابو احمد: طيب بناديها وراحت ساره مع زوجها والندم جالس ياكلها اكل
فداء بخوف: انفال اعقلي لاتروحين الشركه
انفال: مستحيل اسكت له
فداء: طيب يمكن بس يهدد
انفال: لا احمد بيسويها ولازم احد يوقفه عند حده وانا اعرف ابوه مابيرضى وبيوقفه عند حده
فداء: طيب جدك جاي اليوم انا بروح المستشفى عشان علاجي بيستفرد بامك وانتي تدرين كيف جدك
انفال تنهدت بجلس معاهم شوي وبعدين بروح
فداء: عنيده
انفال ضحكت: طالعه عليك
فداء بنص عين: كيف طالعه عليك وانت اصغر مني
انفال بعدم اهتمام: عادي المهم طالعه عليك
فداء: بقوم اجهز نفسي
انفال: يلا قومي وقولي لي وش بيقول الدكتور
فداء بنفسها وش بيقول غير ان حالتي جالسه تتقدم: طيب تدرين مهند مو مداوم اليوم كان ودي اشوفه
انفال: فداء يكفي لا تعلقين نفسك بوهم انسي احسن لك لا تعذبي نفسك لانه ابوك مستحيل يرضى بشخص فقير عشان كذا يا اختي ابعدي عنه اسمعي انا بحاول مع جدك انه هو اللي يدخلك الجامعه تدرين هو عنده واسطات كثير ممكن يدخلك الجامعه و يعطيك المنحه كذا بدون فلوس عشان ابوك ما يعترض تدرين للحين ابوك ما في خبر عنه ادم يدور عليه بس للحين مختفي جدي متوعد فيه ويبي ياخذ امي سمعتها تبكي وتقول يبه تكفى الا اولادي لا تبعدني عنهم بس سمعته يصارخ

تخيلي يقول والله اني باخذك اذا ما شفت وجهه ممكن ما ابعدك عن اولادك الا اذا رجعك واسمعي انا ما عندي بنت ترجع لي مطلقه عشان كذا يا بنيتي حاولي انك ترجعي له والا ما بيصير خير انت تعرفين ابوك ايش يسوي واذا قال كلمه مستحيل يتراجع عنها لو تشوفين امي كيف صارت تبكي الحين ابوك وقته يختفي الله يسامحه وش سوى فينا
فداء: الله يعين امي على جدي تكفين لا عاد تجيبين سيره ابوي يعني للحين ما كلمت لارا استحي اناظر وجهها بعد اللي سواها ابوي كيف جاء من قلبه انه يتحرش فيها مالي وجه اني اكلمها البنت تشوفه بكوابيسها تخيلي الله يعين بس يلا انا بروح اجهز نفسي عشان ادم ما يعطيني كف
انفال تنهدت: خلاص لا تشيلين هم روحي كلميها لا تقطعيها عشان ابوك اصلا واضح ان البنت ما كانت تبي تقول لك عشان ما تخسرك يلا روحي تجهزي الله يوفقك يا رب ادعي لك وانتبهي لنفسك وانسي مهند
فداء: ان شاء الله يلا انا بروح اتجهز وتكفين اذا جدي جرح امي وقفيه عن حده
انفال ضحكت: ايش اسوي يعني ليكون محسبتيها حرب الله يصلحك يلا يلا قومي تجهزي يكفي سوالف الحين ادم يهجم على الغرفه وما يرحمنا هههههههههههههههههه
فداء ضحكت وقامت: يلا

ادم: يلا يا فداء مشينا
فداء: يلا بس بجيب شنطتي
ادم: طيب يا عيون اخوك لا تتاخرين انا بنتظرك بالسياره
وفداء راحت تجيب شنطتها وشافت امها جالسه: يمه انا بروح
الهنوف بحنيه: انتبهي لنفسك
فداء باست راسها: ابشري يمه لا تزعلي نفسك عشان ابوي الا ما يرجع وجدي ما يسوي شيء
الهنوف تنهدت بضيق: ان شاء الله وانا وامك مستعده ارجع لابوكم عشانكم انتم ما ابي انحرم منكم الله لا يحرمني منكم يلا يا ماما موفقه
ومشت فداء ركبت السياره: ها تاخرت عليك
ادم: شويات مو كثير
فداء بضحكه: اسفين اسفين انا للحين زعلانه منك بس يلا
ادم بنص عين: اقول اص
فداء بضيق: تدري ما ودي اروح واترك امي اصلا ماله داعي اتعالج انا كذا كذا ميته
ادم تضايق: فداء كم مره تكلمنا بهذا الموضوع انتي باذن الله تتعالجين وبتعيشين لساتك صغيره لا تكوني محبطه لهالدرجه
فداء بتلطيف للجو: اسمع بس نطلع ابي ايس كريم مالي دخل
ادم عرف انها تتهرب ماحب يضغط عليها: ابشري كم عندي فداء انا؟
فداء: بس وحده وهي انا
ادم: ايي
فداء ابتسمت وبنفسها ياترا لو قلت له بيتصرف انا خايفه على انفال شكله احمد حقود الله يبعده عني بس اخوي يمكن يتهور ويقتله ويروح فيها بسم الله عليه مستحيل اخليه يعرف ادري فيه قد ايش يحبني ومستحيل يخلي شى يضرنا الله يستر بس وان شاء الله مايكون بالشركه ومايمنعها وصلو وسوا الفحوصات
الدكتور : فداء مب لازم تهملين نفسك ابعدي عن السكر وعن اللحمه الحمراء لانها تقوي المرض وانتي الحمدلله ببدايته وان شاء تتعالجيني المهم تكوني قويه وتكون ارادتك قويه