«عند لارا»
جلست ايام وهي تفكر بكلام بيلا تنهدت ودقت على امها: السلام عليكم
منى: وعليكم السلام، كيفك يابنتي
لارا: بخير يمه ، انتي كيفك؟
منى: الحمدلله بخير دريتي فداء رجعت وادم تزوج
لارا: ادري فداء قالت لي، يمه؟
منى: روح امك
لارا: بيلا قالت لي كلام وانا من ايام متلخبطه
منى: بنته؟
لارا: اي
منى: وش هو؟
لارا: قالت ان ابوها ندمان ويبي مني اسامحه
منى: وانتي تبين تسامحيه
لارا: اول شى انفعلت وانهرت عليهم بس بعدين فكرت وقلت ان ربي يسامح عبده اذا اخطا ليش انا مااسامح
منى تنهدت: اسمعي يابنتي هذا مهما كان ابوك وانتي بكرا بتتحاسبين اذا زعل عليك او غضب عليك هذا مهما كان ابوك واجب عليك تبريه وربي بيحاسبه على يلي سواه
لارا بغصه: يعني اروح لعنده؟
منى: اي روحي وخليه يشوف بنت منى قد ايش قلبها طيب وابيض
لارا: ان شاءلله، يلا يمه تبين شى
منى: اي قولي له امي تسلم عليك
لارا: ابشري، يلا مع السلامه وسكرت من امها وطلعت لشقة نواف ودقت الباب: نوافيييي
نواف فتح الباب وباابتسامه: روح نوافك وسحبها داخل: امريني عيوني
لارا: كلمت امي من شوي
نواف: اي؟
لارا: وقالت لي روحي
نواف فهم عليها: طيب يلا اجهزي اخذك لعنده
لارا: كيف فهمت؟
نواف قرب منها: انا افهم عليك قبل الحروف تطلع من شفاهك
لارا ابتسمت وباسته على خده: ربي مايحرمني منك
نواف: امين، ولايحرمني منك يلا انا بدق لخالد يوصلنا تعرفين ماعندي سياره هنا ويلي استأجرتها صحابها اخذوها
لارا: يلا بروح اجهز ونزلت شقتها وشافت رولا: انا بروح اتجهز
رولا: وين رايحه؟
لارا: رايحه انا ونواف عند ابو بيلا
رولا: اهاا، متاكده من قرارك
لارا: اي، امم رولا خالد بياخذنا
رولا فز قلبها على اسمه وسوت نفسها مب مهتمه: طيب؟
لارا: وش طيب؟ اقولك خااالد
رولا: خلاص شلته من قلبي كان مجرد اعجاب بس
لارا: اي عشان كذا شفت لهفتك وقت سمعتي اسمه، طيب شرايك تروحين معنا؟
رولا: لا لا ماابي بجلس هنا اكمل دراستي تدرين باقي اسبوع على الاختبارات النهائي وبعدها في اجازه
لارا: ادري بس انتي عارفه ان امس في حرامي دخل على جارنا يلي تحت وانا خايفه عليك
رولا: لاتخافين بحط جنبي سكين يلا طسي
لارا: وربي انك زي الماعز
رولا راحت غرفتها وهي تضحك بس بعدها اختفت ابتسامتها وبكت :كيف تبيني اروح واشوفه واتعلق اكثر فيه وهو يبي غيري مااقدر انا لازم ابعد عنه وانساه لازم مسحت دموعها ومسكت كتابها
لبست لارا وناظرت جوالها يلي يرن: هلا... يلا بنزل.. باي ناظرت غرفة رولا تنهدت ومشت نزلت وركبت السياره: السلام عليكم
نواف وخالد: وعليكم السلام
خالد: اخبارك لارا؟
لارا وكان جتها فكره تنهدت: بخير، بس
خالد: بس ايش؟
لارا: خايفه على رولا
خالد التفت عليها: وش فيها؟
لارا: مافيها شى بس امس في حرامي دخل على جارنا وخايفه يدخل عليها وهي لوحدها وخاصة انهم مامسكوه للحين
خالد بقلق: وليه ماجت معك؟
لارا: تقول عندها دراسه
خالد تنهد وفكر: لحظه ونزل من السياره وطلع فوق
نواف ناظر لارا يلي تبتسم: وش عندك؟
لارا: بعدين اقولك
وقف عند باب شقتها ودق الباب
رولا: افف ك العاده تنسين غرض لك فتحت الباب: وش نسيتي
خالد ب ابتسامه: نسيناك
رولا انصدمت: خالد؟
خالد: بشحمه ولحمه، يلا بسرعه البسي وتعالي
رولا بلعت ريقها: لا مااقدر عندي دراسه
خالد: رولا ادخلي والبس ولا بخلي نواف ياخذ لارا وانا اتم على الدرج احرسك
رولا: تحرسني؟ من ايش؟ وليش؟
خالد: من الحرامي وليش احرسك عشاني خايف عليك
رولا: خايف علي؟
خالد: عندك مشكله ب السمع، خلصيني يلا
رولا: لا ماابي مشكور
خالد: تبين ادخل البسك؟
رولا انفجعت: ها؟
خالد ضحك: امزح معك، يلاا ادخلي البسي
رولا برضوخ: طيب انتظرني
خالد: لاتطولي انا بنزل السياره ونزل
رولا سكرت الباب: اففف كل ماانوي انساك تخليني اتعلق فيك ليش؟ بس لحظه كيف عرف بسالفة الحرامي؟ يهىىىى لارا الدبه اوريها وراحت تلبس ونزلت وركبت ورا جنب لارا وسلمت وبعدها قرص يد لارا: آآآي
نواف التفت: وش فيك؟
لارا: ها ولا شى
نواف رجع راسه قدام ولارا بهمس: ليش قرصتيني؟
رولا بهمس: ليه خليتيه يطلع
لارا: عشان يخليك تجين وشفتي خلاك تجين وغمزت لها
رولا: وجععع اوريك انتي عارفه اني جالسه احاول انساه ليه تخليني اتعلق فيه وهو قلبه مع اختك؟
لارا: مين قالك انه يحب اختي؟
رولا بحزن: تصرفاته
لارا: انتي مجنونه توهمين نفسك لو تشوفين لما قلت اني خايفه عليك كيف خاف عليك غبيه
رولا طنشت وناظرت الدريشه وابعدت الاوهام يلي جتها بعد كلام لارا
خالد كان سامع حديثهم وبنفسه: اجل بتنسيني؟ طيب يارولا نشوف اخرتها معك
وصلو بيت بيلا ونزلو كلهم لارا بلعت ريقها وسمت بالله وحطت اصبعتها على الجرس ورنت جت الخدامه فتحت الباب
لاراE: هل بيلا هنا؟
الخدامه: نعم تفضلي سوف اخبرها
لارا هزت راسها ودخلو وجلسو بالصاله لارا تاملت البيت بس قاطعها صريخ بيلا: انتوو هنااا؟
خالد ضحك: لا هناك
بيلا سلمت عليهم: ياهلا ومرحبا تو مانور البيت
لارا: بوجودك حبيبتي
بيلا بحماس: وش تشربون؟
لارا: انا ماابي شى شوفيهم هم وبتردد: وينه؟
بيلا ب استعباط: مين؟
لارا: بيلاا!!
بيلا ضحكت: بغرفة المكتب انا بوديك نادت الخدامه وامرتها تهتم فيهم: بروح اوديها واجي اطلبو منها يلي تبونه والتفتت على لارا: تعالي اختي العزيزه ومسكتها من يدها ولارا ناظرت نواف وهو ابتسم بوجهها وراحت معها وصلو غرفة المكتب و بيلا دقت الباب: ابي العزيز انظر من اتى
ليث التفت على يلي ورا وابتسم: لارا؟
لارا: بيلا ممكن تتركينا لوحدنا
بيلا: بتاكيد وراحت وتركتهم
ليث كان بيقوم بس قاطعته: لو سمحت خلك بمكانك وانا بجلس هنا اشرت على الكنبه يلي قباله
ليث ابتسم وعدل جلسته: مثل ماتبين اجلسي
جلست لارا وصارت تلعب ب اصابيعها
ليث كان يتأملها: تشبهين امي كثير وفيك من امك
لارا بسخريه: امي تقول انك ماقتلتني عشاني اشبه امك؟
ليث تنهد: انا ادري اني غلطت وغلطي كبير بس انا بعد فتره رجعت ادور عليك بس مالقيتك تعالجت وكنت كل يوم ادور بس فقدت الامل وسافرت بريطانيا والتقيت وقتها ب ام بيلا وتزوجتها وجبت بيلا بس والله كنتي دوم على بالي كنت دائما اقول هي الحين شلونها هي بخير ولا ماتت كثير كنت ابكي وادعي لربي انه يغفر لي غلطي حتى اني دقيت على امك كثير كنت اقول يمكن لقتها بس مخبيه عني وخايفه عليها بس لما تتحسب فيني وتدعي علي كنت اتاكد انها مالقتك لحد ماجيتي مكتبي قلت هذا شبه مستحيل وش يجيبها لهنا بس بعد ماطلعتي شفت اسمك الكامل واسم الام وقتها عرفت انك بنتي ماتوصفين فرحتي وانا اشوفك بخير وانك تدرسين كنت دائما امشي وراك حتى احيانا الحقك بسيارتي من خوفي عليك صدقيني اني ماكنت بوعي
لارا مع كل كلمه يقولها تبكي وتحس انه صادق بس تحس مو قادره تسامحه ناظرته وشافت الحنيه في عيونه رق قلبها ومسحت دموعها: طيب انا بسامحك بس لان ديني وربي امر ب بر الوالدين وانا ببرك ومابي اكون عاقه بس ابيك تحط شى ببالك اني مابعتبرك زي ابوي الله يرحمه(يلي رباها) هو عوضني عنك ولا يوم حسيت اني مب بنته ف عشان كذا انا مو زعلانه منك لان ربي عوضني ب يلي احسن منك
ليث غمض عيونه وبعدها فتحها وابتسم: تامرين المهم سامحتيني، بس عندي طلب
لارا: وش؟
ليث: اسجلك بنفوسي
لارا كانت بتعترض بس ماتقدر ترفض طلب له وتصير عاقه: طيب وقامت: عن اذنك
ليث ب ابتسامه: اذا مابتناديني ابوي ناديني ابو لارا
لارا ناظرته وهزت راسها واردفت: قبل مااطلع امي تسلم عليك ليث ابتسم وطلعت بدون ماتسمع رده وشافت نواف وحضنته
نواف ابتسم وبادلها: انتي بخير عيوني
لارا هزت راسها ب اي
نواف: يلا نروح لهم
أنت تقرأ
يَا مُلهِمَ الأشعَارِ كلُّ قَصِيدَةٍ فِي الحُبِّ كانَ خِطَابُها أهوَاكَ ٰ
General Fictionالنبذه ياحلوين..... احمد بعصبيه: بعدين معك فداء: اففففف ابي اكلم اخوي احمد قام وعطاها كف: قلت لا يعني لا فداء ناظرته بحقد وقامت: تدري انت انسان حقيرر ماالوم اختي وقت حبت غيرك ،، أردفت بعصبية :واحد مثلك يستاهل الخيانة. احمد فار دمه وضربها ورفسها و...
