يَا مُلهِمَ الأشعَارِ كلُّ قَصِيدَةٍ فِي الحُبِّ كانَ خِطَابُها أهوَاكَ ٰ

Part «22»

~عند فداء واحمد~
جلسو على الطاوله
احمد: وش تحبون تطلبون
ادم: ابي قهوة
احمد التفت على فداء : وانتي ماتبين شى؟
فداء اكتفت بالسكوت
احمد: اذا تبين شى قولي لاتستحين
فداء طالعته بغيظ وجع مايفهم مابي منه شى غبي: لارد
احمد ابتسم: اجل بطلب لك على ذوقي
فداء تنهدت وقربت لادم: ادم مابي شى
ادم فهمها: احمد فداء ماتبي شى
احمد عقد حواجبه: على راحتها ونادى النادل وقال له يجيب قهوتين وحلى
احمد ناظر ادم: ندخل بالموضوع
ادم: انت ليش تقدمت لاختي؟
احمد ابتسم: لاني اعجبت فيها وابيها بالحلال سويت شى غلط؟
ادم التفت على فداء: وانتي ليش وافقتي عليه ولاتحاولين تكذبين علي لانك تدرين اكثر شخص اعرفك انا واعرف قلبك مين حب
احمد عقد حواجبه وش يقصد اعرف قلبك مين حب لاتكون تحب وانت وش دخلك واذا تحب المهم اخذ انتقامي ابتسم بخبث
فداء تكلمت واخيرا: استخرت واحس ارتحت له وافقت
ادم: انتي مالحقتي تستخري اول ماكلمك ابوي وافقتي
فداء بلعت ريقها: انا اعرف من قبل ماابوك يكلمني
ادم بصدمه: كيفف لايكون
احمد تدخل:لا لا ماكلمنا بعض اختي يلي قالت لهاواناكنت ابي اجس نبضها قبل مااتقدم مااحبيت اتفشل صح فداء؟
فداء هزت راسها ب اي
ادم: طيب ليش رجعتي منهاره وتعبانه واغمى عليك؟؟
فداء بتوتر: ادم انت تدري وش يلي حصل معي عشان كذا كنت تعبانه
ادم: فداء اذا ماتبينه قولي وهذا انا اقولها قدامه لو اختي ماتبيك تحلم فيها
احمد عطاها نظره
فداء: لا لا ادم انا مرتاحه واافقت يمكن يعوضني عنه
احمد ب استغراب: عن مين؟؟ مين تقصدين؟؟
فداء ماتبيه يعرف: ادم نمشي
ادم وقف وطلع من محفظته ٣٥ ريال يدفعها
احمد تدخل: شدعوه احنا بنصير اهل
ادم: لا معليش حط الفلوس على الطاوله ومسك يد اخته ومشى
احمد: في شى مخبينه هذول الاثنين وانا لازم اعرف لا بطقاق مايهموني
وقام حاسب ومشى

~نرجع عند انفال وسلمى ~
سلمى: اللعبه يلي لعبتيها علينا انك خنتي احمد وانك ماتبيه ممكن هم يصدقونك لكن انا مستحيل قولي لي وش يلي خلاك تقولين كذا انا اعرفك كنتي تحبين اخوي اكيد صاير شى تكلمي
انفال بتردد: اذا قلت لك مابتقولين لاحد
سلمى: لا مابقول بس تكلمي
انفال: والله اني سويت يلي سويته فيه عشان مصلحته انا سمعت ابوي يبي ينصب عليه ويدخله السجن وانا مالقيت حل غير انه يطلقني لانه مستحيل اقوله ان ابوي طماع وقلت له اني خنتك واخوك ماقصر فيني
سلمى انصدمت: انتي وش تقولين
انفال: لاتقولين لاحمد اياك
سلمى: بس اذا ماقلت له بيدمر حياة فداء
:مين هو يلي اذا ماقلتي له بيدمر حياة فداء؟؟
التفتو وانصدمو من الشخص يلي قدامهم

~عند لارا~
من وقت يلي صار ماطلعت من غرفتها خايفه منهم مو متقبله انهم مب اهلها يعني هي مايصير تعيش معهم ومو متقبلة فكرة انها بتصير زوجة نواف ماتاكل زين نحفت ذبلت طالعت بصورة ابوها ليتك رميتني بالميتم ولا ربيتني كنت دائما اشوف الكره بعيون امي كنت اقول مستحيل ام تكره بنتها وليش تكرهني كنت دائما احط اعذار لتصرفاتها لضربها لقسوتها بس الحين عرفت ليش لاني مب بنتها نزلو دموعها وانهارت تبكي الا انفتح الباب بقوة ناظرت لجهة الباب شافت زوجة عمها ونظراتها حقد وكره لو العيون تقتل كان قتلتني
ام نواف بكره: ماصار الا اخذتيه يابنت الشوارع
لارا خافت بس مابينت: احترمي نفسك
ام نواف ضحكت: ليش انتي مو بنت ح****
ابو نواف صرخ: عهوود
ام نواف التفت: والله ماياخذها اذبحها ولاياخذها مستحيل اخليهم يقولون زوجت ولدها لبنت حر***** مستحيل احفادي تكون امهم بنت حر**** سكتها صفعه على وجهها شهقت لارا
ام نواف بغصه: تضربني ياعبد الرحمن؟ عشان بنت الشوارع
ابو نواف: اي اضربك واكسر راسك وبحده: اذا تعرضتي لبنت اخوي او قذفتيها بيصير شى مايعجبك
ام نواف بقهر قربت لعند لارا وكانت بتضربها الا احد يمسك يدها
نواف: يمه وش تسوين الله يصلحك
ام نواف: اتركني خليني اموتها مستحيل تاخذها نواف لا انت ولدي
قاطعها ابو نواف: اذا ماتزوج نواف بنت اخوي وماتم الزواج اعتبري نفسك طالق سامعه وعيشي عند اخوك يلي زوجته باخليك خادمه عندها ولدك نواف تحلمين تشوفينه وانا قلت يلي عندي
~بيت ابو ادم~
فداء نزلت بسرعه
الجد: شوي شوي يبه لاتطحين
فداء ونفسها منقطع: انفال
انفال: وش فيك؟
فداء: لارا
ادم التفت بسرعه لما سمع اسمها: وش فيها
فداء: بتتزوج نواف ولد عمها
انفال: ايش تمزحين
فداء: لا لا ماامزح توها تقولي وقالت اشياء غريبه زي هم مب اهلي ومدري ايش
ادم اكيد عرفت: فداء البسي عبايتك والحقيني
انفال بلقافه: لوين
ادم: سررر يلا فداء بسرعه
فداء راحت تركض
الهنوف والجد: شوي شوي لاتطحين
ادم وكانه تذكر: انفال لما رجعنا الملاهي ليش كنت مرتعبه
انفال تذكرت يلي صار
سلمى: بس اذا ماقلت له بيدمر حياة فداء
:مين هو يلي اذا ماقلتي له بيدمر حياة فداء؟؟
التفتو وانصدمو من الشخص يلي قدامهم
سلمى: فهد؟
فهد رفع حاجبه: اي فهد تكلمي تقصدين احمد
سلمى بلعت ريقها: فهد لاتتدخل
فهد ضحك بسخريه: تمام بقول لاحمد وهو يعرف بطريقته
انفال بقوة: وانت وش دخلك بعدين عيب تتسمع علينا زي الحريم
فهد رفع حاجبه: نعم؟ انا اتسمع عليكم جيت وسمعت اخر كلامكم
انفال بلعت ريقها: رجاء لاتتدخل بشى مايعنيك ولايخصك وكانت بتمشي الا وتحس في يد قبضت على يدها التفت: انت كيف تتجرا تلمسني اترك يدي
فهد: مب تاركها الا حتى تقولون وش الموضوع
انفال بحده: يعني مابتترك يدي
فهد عاجبه الوضع: اي مابتركها يلا قولي مين يلي تتكلمو عنه
انفال اخذت نفس ورفعت يدها وعطته كف ترك يدها وحطها على خده اخذت شنطتها: استحي على نفسك مره ثانيه وياويلك تجرب تلمسني سلمى انا بمشي ومشت
فهد بصراخ: مين انتي حتى تمدين يدك عليك انا اوريك بردها لك وبتشوفين
صحت من الذكره: هاااا
ادم: وش فيك سرحتي
انفال: ولا شى لما رجعت مرعوبه كنت شايفه قطه وانت تعرفني عندي فوبيا من القطط
ادم: ماعندك سالفه وبصراخ يلا فداء
فداء: جيتتتت
~عند فهد~
وهو يلمس خده: انا انا فهد ال**** تجي هذه تمد يدها علي والله لو ماكان في ناس حولنا ولا كانت موجوده سلمى حتى اعلمها هالحقيره كنت ذبحتها اخ بس طلع الدخان وقام يشرب فيه يهدي نفسه وهو يلعن ويسب فيها ويتحلف انه يدمرها ويخليها تركض وراه
فهد: والله مااكون فهد لو ماخليتك تركضين وراي وتبوسين رجلي حتى ارضى عليك يا انفال جت بباله فكره وابتسم بشر طفى الدخان يلي بيده وراح متوجه لغرفة سلمى دق الباب
سلمى: تفضل
فهد دخل
سلمى لما شافته كتمت ضحكتها
فهد بقهر: ياويلك لو تضحكين
سلمى: وش تبي كف ثاني وصارت تضحك
فهد بحده: بنتتتتت
سلمى وقفت ضحك: وش تبي
فهد جلس على سريرها: اسمعي ابي اعرف وش مخبين انتي وانفال واذا ماحكيتي لي بجيب رقمها وبحاول العب عليها وانتي تعرفيني
سلمى: فهد انت صاحي
فهد: تكلمي وعد مااقول لحد
سلمى تنهدت وقررت تقول له خافت ينفذ يلي براسه: طيب
عدل جلسته: وش الموضوع
سلمى: الموضوع ان انفال ماخانت احمد
فهد: اذا ماخانته ليش قالت له انها خانته وتحب غيره دمرته شفتي كيف كان
سلمى: غصب عنها
فهد ب استهزاء: كيف غصب عنها
سلمى حكت كل شى له وهو منصدم