يَا مُلهِمَ الأشعَارِ كلُّ قَصِيدَةٍ فِي الحُبِّ كانَ خِطَابُها أهوَاكَ ٰ

part «42»

الجميع كانوا مجرد ندوب وخدوش
وحدك كُنت الطعنة.

~عند لارا~
منى تحاول فيها: يابنتي ماله داعي تسافرين ادرسي هنا
لارا: يمه تكفين خليني اسافر وابعد عن هنا
منى: بس توني لقيتك كذا بتتركيني؟؟
لارا: مستحيل اتركك بس اخلص برجع
منى تنهدت: مثل ماتبين
لارا مسكت يد امها: انا من وقت كنت صغيره كان في شى ناقص فيني ابوي (يلي رباها) الله يرحمه ماقصر ابدا معي هو اجمل اب بالنسبه لي بعمره مااحسسني اني مب بنته بالعكس للحين اذكر خوفه لما وقعت في المسبح وكنت بموت واغرق بس هو سحبني تدرين يمه اول مره اشوف دموعه كان يبكي وللحين اذكر وش قال:(يابنتي تكفين اصحي مقدر اعيش بدونك يلا يابابا اصحي يلا انتي قويه) وقتها صحيت وشفت الفرحه بعيونه عكس شخص وهو ريم هي الشخص الوحيد يلي كانت تبيني اموت وقتها كنت اعرف انها تكرهني بس كنت انفي هذا الشى من عقلي وكنت اقول هذي امي مسحيل مافي ام تكره بنتها وقت مات ابوي انصدمت ماقدرت استوعب يلي صار وقتها حتى اني قلت له نفس كلامه يمكن يصحى:( يبه تكفى اصحى مقدر اعيش بدونك يلا يابابا اصحى انت قوي) بس ماصحى ريم رمتني عند عمي الله يرحمه وزوجة عمي ورتني الويل ضربتني هانتني بس ماتجوز على الميت الا الرحمه لحتى دخل بحياتي نواف كنت حب اهتمامه كنت احبه خوفه علي كنت احب حبه لي ولما تقدم لي تذكرت جملة قالها ابوي لي:(يابنتي لاتركضي ورا يلي تحبيه اركضي ورا يلي بيحبك هو بيسعدك) بس خذلني وتخلى عني وتركني هو الانسان الوحيد يلي قلت عنه مستحيل يتركني حتى انتي قلت يمكن تطفشين مني وتتركيني بس هو ماتوقعته عشان كذا يايمه انا ابي اسافر ابي انساه انا هنا بتعب تكفيين لاتزعلين ولاتضايقين
منى كانت تبكي على كلامها وحضنتها: انا ماصدقت لقيتك تبيني اتركك مجنونه انتي انتي من روحي قلبي شافك قبل عيني وانسي نواف صدقيني هو الخسران انسانه مثلك وبس يوعى على نفسه بيعض اصابعه ندم

~بتركيا~
ادم وانفال سافرو تركيا ووصلو واحمد راح استقبلهم واخذهم من مطار اسطنبول وركبو السيارة ومتوجهين لقصر احمد
ادم: ليه ماجبت فداء
احمد: انا قلت لها تجي بس رفضت وقالت تبي تستقبلكم بالبيت
انفال تناظره بعتب
احمد استغرب نظرتها توقع
حقد
غيره
خوف
حب
لكن عتاب صد وكمل سواقه
ادم: اسطنبول تجنن اختيار رائع
احمد ضحك: اختيار اختك انا لو علي ممكن كنت رحت الماليدف او لندن او اسبانيا انا تركيا جيت لها من قبل بس لجل عين تكرم مدينه
ادم: اوو اجل يحظ اختي فيك متى ناوين ترجعو
احمد: ماادري يمكن شهرين او ثلاث بنتم هنا شهر وبس يخلص بنروح لندن
ادم بمزح: ش رايك ترجع معنا وتزوجني اختك وبعدها سوي يلي تبيه
احمد ضحك: افكررر
وصلو وقبل ماينزلو احمد شاف شى واستغرب منه ومشي وتاركه
فداء فتحت لهم الباب وحضنت ادم بقوه وبكت: اشتقت لك
ادم ضحك: ترا في ناس ميته غيره
احمد بتمثيل: تراني سامح لك الحين بس عشانها مشتاقه لك بس بعد شوي تحضنها او تقولها ياقلبي وياعيوني اذبحك
فداء ماهتمت لكلامه وناظرت اخوها: وش فيك نحفان ماتاكل صح؟
ادم: كنك نسيتي انفال؟
فداء بصدمه: انفال جت
انفال ناظرتها: ماتبين تسلمين
فداء كانت بتصد عنها بس ماتبي تخلي احمد يتشمت فيها ومشت لعندها وحضنتها بقوة تحت انظار احمد

انفال بكت: انا اسفه سامحيني
فداء باستهبال: خلاص لاتبكي لاتخافي قلبي طيب واسامح
انفال مسحت دموعها وضحكت: ماتبطلين حركاتك
فداء ضحكت: هههههههههههههههه مستحيل
احمد سمع صوت ضحكتها: جعلها دوووم ياعيوني
فداء عشان ادم مايحس: امين يلا ادخلو الغذا جاهز
انفال مسكت يد فداء وشافتها مجروحه: مين مسوي فيك كذا؟
ادم راح لها وشاف يدها وناظر احمد يبي تفسير
احمد: امس واحنا رايحن السوق ضاعت مني وفي واحد حاول يسرق شنطتها بس اختك قويه ماخلته وفي الاخر وقعت على الارض اتوقع منه تقدم منها: انا باخذها واعقم يدها انتو خذو راحتكم واخذها وطلعو غرفتها
احمد اخذ الاسعافات الاوليه وتقدم منها وجلسها وصار يعقم يدها بحذر وحط لصقة جرح وباس الجرح: توجعك؟
فداء جاتها قشعريره من بوسته وسحبت يدها: وش رايك يعني؟ تجرح وتداوي؟ وش وضعك بالله وش تحس فيه
احمد: اخوك بدا يشك تصرفي ولا ماتشوفين شى يعجبك
فداء: يصير خير احمد؟
احمد: نعم
فداء: ابي ايسكريم
احمد: بتمرضين بعدين ابتلش فيك
فداء طلعت من القهر وابتسمت بخبث وشافت ادم: ادم
ادم: عيونه
فداء: ابي ايسكريم واحمد رافض
ادم شاف احمد نازل: وليش رافض؟
احمد: عشانها بتمرض
ادم: معه حق
فداء ناظرت ادم برجا: بلييز
ادم ضحك وقام: والله مااردك
احمد: لا خلك جالس انا بروح اجيب لها وطلع برا البيت شاف احد يناظر للبيت بغرابه ويراقب تقدم منه وعرفه انصدم وتوسعت عيونه: اننتتت؟؟؟؟

شاف احد يناظر للبيت بغرابه ويراقب تقدم منه وعرفه انصدم وتوسعت عيونه: انتتتتت؟؟؟؟
مهند: اي انا على بالك بتركها لك بااحلامك فداء لي وباخذها غصب عنك
احمد مسك ياقته: سكتت لك كثير لاتخليني الحين اذبحك
مهند بسخريه: حتى لو تزوجتها قلبها لي ومعي انا ممكن جسدها معك لكن روحها وقلبها معي اناا
احمد لكمه : ياحقير ذي زوجتيييي زوجتيييي لو شفتك هنا مره ثانيا ياويلك وقسم لاخلي امك تبكي عليك سامععع انقلع من هنااااا
مهند مسح الدم يلي طلع منه : ترقب باخذها وبتصير ملكي وبتشوف مشي وتركه لانه شاف احمد ممكن يذبحهه
احمد مسح وجهه وحاول يهدي اعصابه راح جاب الايسكريم ورجع البيت حط الايسكريم في الثلاجه وراح عند فداء شافها وحدها سحبها لغرفته
فداء بهمس: اتركني وش قاعد تسوي
احمد طنشها ودخل غرفته ودخلها وسكر الباب
فداء توترت ماتدري ليه: وش تبي؟؟
احمد تقدم منها وهو معصب مسك يدها: تدرين من شفت الحين انا ورايح اجيب لك؟؟
فداء ببرود: مهند؟
احمد انصدم من برودها: تعرفين انه هنا؟؟
فداء ضحكت: مااعرف بس توقعت نجحت خططتي ههههههههههههههه
احمد تركها: خطة؟
فداء: اي خطة انا عارفه مهند انسان اناني مايحب شى يكون له يصير لغيره عشان كذا هو يلاحقنا من مكان لمكان وحاطت بباله ان ياخذني واصير له وانا بوهمه اني بصير له واخدعه ولما يعرف وقتها بيحس بشعوري لما انخدعت منه وكذا اكون خلصت انتقامي
احمد رفع حاجبه: وتتوقعين بوافق؟؟
فداء ضحكت بسخريه: ومين طلب منك توافق انت تزوجتني عشان الانتقام وانا كذالك غمزت له كل واحد يركز على اهدافه وتركته وفتحت الباب ومشت