~عند الجوهره ~
جالسه تحس بالم اخذت نفس وقامت وراحت جلست جنب عبدالعزيز ومسكت يده ورصت عليها عبدالعزيز لف عليها: تحسين بالم
الجوهره ابتسمت وقاومت : عادي مغص الحين يروح وين رائد؟
عبدالعزيز: نيمته
الجوهره ابتسمت له وحضنته: زوج مثالي واب مثالي
عبدالعزيز: وزوجه مثاليه وام مثاليه
الجوهره كانت بتتكلم بس جاها طلق: ااااااه
عبدالعزيز قام: فيك شى؟
الجوهره: عبدالعزيز بولدددد
عبدالعزيز: طيب طيب بجيب عبايتك وبقوم رائد
الجوهره هزت راسها: بسرعههه اااااه
عبدالعزيز اخذ رائد وسدحه بسياره ورجع لبس الجوهره عبايتها
الجوهره بكت: مو قادره امشي
عبدالعزيز حملها بدون تردد ودخلها السياره ورجع قفل باب البيت وانطلق ب اقصى سرعه لاقرب مستشفى دق على احمد يجي ياخذ رائد دخلو المستشفى وعلى طول دخلوها غرفة ونادو دكتورتها
جا احمد هو ونوره
نوره: ها ياولدي وش صار
عبدالعزيز بقلق: تولد خايف عليها يمه
احمد: توكل على ربك وين رائد
عبدالعزيز عطاه المفتاح: روح السياره نايم خذه
احمد هز براسه واخذ المفتاح وراح له شافه صاحي ويبكي اخذه وحطه بحضنه: حبيب عمه ليه يبكي؟
رائد بطفوله: عمو وين بابا وماما؟؟
احمد: ماما تعبانه شويات وبابا اخذها دكتور
رائد: بيدلبوها ابله(بيضربوها ابره)
احمد: اي
رائد بخوف على امه: بس توزع (توجع)
احمد: لا ماتوجع ماما بطله وانت بتصير بطل مثلها وماتخاف من الابره
رائد بفرح: اي اي بتل بتل ( بطل بطل)
احمد حطه ورا وحطله حزام الامان ومشى للبيت بعد نص ساعه وصل ونزل ونزل رائد معه حمله: تعال لعند عمه سلمى
رائد: وعمه ثلوى؟
احمد ابتسم بالم واشر على السماء: فوق عند الله
رائد: وانا بئد ابي الوح ئند الله(وانا بعد ابي اروح عند الله )
احمد مسح على راسه: بسم الله عليك يلا ندخل ودخله وعطاه لسلمى: انتبهي عليه انا بروح عند عبدالعزيز ساره تروحين؟
ساره: اكيد استنى بس البس عبايتي بنات بنتي ب امانتكم حتى ارجع
احمد: منتظرك ب سياره
جا فهد وشاف رائد فتح يدينه: تعالل
جاه رائد يضحك وحضنه: عموو
فهد: روحه وش جابك هنا؟
رائد: ماما ئند الدكتول (ماما عند الدكتور)
فهد ناظر سلمى: وش السالفه؟؟
سلمى: تولد
فهد: اها الله يقومها بسلامه
مرت ٣ ساعات وللحين محد رد له خبر
عبدالعزيز بتوتر: ياخي يطلعو يطمنونا
ساره: ترا عادي ولاده لاتبالغ
عبدالعزيز ناظرها: ترا مو وقتك التفت على احمد: ليه جبتها حتى توترني زياده وترفع ضغطي
ساره: انا رفعت ضغطك كثر خيرك يلا مين باقي ماتكلم وهزأني
احمد: ساره شايفتيه قد ايش متوتر لاتضغطي زياده
ساره بكت: ترا ماقلت شى بس انتو مو قادرين تستحملون تسمعون كلمه مني انا اوريكم اذا خليتكم تشوفون وجهي ظنيتكم عون طلعتو فرعون ومشت وتاركتهم
نوره كانت بتمشي وراها وقفها احمد: خليها لوحدها عشان تفكر
نوره تنهدت: الله يهديها
عبدالعزيز واحمد: امين
~عند ساره ~
بكت وراحت دقت على محمد رد عليها
محمد: ساره؟
ساره ببحت صوت: تعال خذني
محمد اخذ مفتاحه: وينك؟
ساره : قدام مستشفى ال****
محمد: وش موديك هناك فيك شى؟
ساره: اظن مااهمك وسكرت راحت الكفتيريا تشتري مويا حتى ماتبكي زياده شربت شوي وجلست تتامل الناس بعد ربع ساعه دق جوالها وقامت بدون ماترد شافت سيارته وركبت ورا: ممكن توديني البحر؟
محمد مستغرب منها: فيك شى البيبي فيه شى؟
ساره: توك تسال عن يلي ببطني وديني البحر مابي اتكلم
محمد حس انها مضغوطه سايرها ومشى
وصلو البحر ونزلت على طول وماكانت منتبه على السياره يلي جايه بسرعه توسعت عيونها وحطت يدها على وجهها بس حست في احد سحبها
: انتبهي يااختي
ساره انحرجت وبعدت: اء اسفه
محمد رص على يده وراح لهم: وش صاير هنا
ساره: محمد ماصار شى بس انا ماكنت منتبه ل السياره واشرت على يلي انقذها وهذا سحبني
محمد مد يده يشكره ورص عليها: شكرا
يلي انقذها استغرب: العفو
محمد سحب ساره: من وين مسكك؟
ساره مافهمت عليه: وش تقصد؟
محمد بعصبيه: قلت من وين مسكك؟
ساره: وانت وش دخلك؟
محمد: وش دخلني؟
ساره: اي وش دخلك ناسي انك مطلقني يعني مالك علاقه فيني راحت وتركته جلست قدام البحر تاملته شوي وبكت قهر من اهلها محمد جلس جنبها بصمت وعطاها مويا اخذتها وشربت منها حتى تطفي قهرها
محمد: انا السبب؟
ساره التفت وبغصة: انت احد الاسباب كلكم ضدي انت واهلي
محمد نزل راسه: اعتذر
ساره: مابي اعتذارك
محمد ناظرها: ترجعيلي؟
ساره ضحكت بسخريه: محمد انا هنت نفسي اول ماتزوجتك ومابعيد ذي الغلطه
محمد: عشان عيالنا
ساره: عيالنا مابينقص عليهم شى بتجي بتشوفهم متى ماتبي مااقدر ارجعلك وانا للحين اشوف العنود بعيونك
محمد: العنود بتصير بذمة رجال وانا بنساها
ساره ضحكت: سنتين ماقدرت تنساها الحين بتنسى؟
محمد: اذا ساعدتيني اي
ساره: وكيف؟
محمد: ارجعيلي ومايكون بخاطرك الا الطيب
ساره تنهدت وجهة نظرها للبحر تفكر: ابي وقت افكر فيه مابي اتسرع
محمد: براحتك
أنت تقرأ
يَا مُلهِمَ الأشعَارِ كلُّ قَصِيدَةٍ فِي الحُبِّ كانَ خِطَابُها أهوَاكَ ٰ
General Fictionالنبذه ياحلوين..... احمد بعصبيه: بعدين معك فداء: اففففف ابي اكلم اخوي احمد قام وعطاها كف: قلت لا يعني لا فداء ناظرته بحقد وقامت: تدري انت انسان حقيرر ماالوم اختي وقت حبت غيرك ،، أردفت بعصبية :واحد مثلك يستاهل الخيانة. احمد فار دمه وضربها ورفسها و...
