يَا مُلهِمَ الأشعَارِ كلُّ قَصِيدَةٍ فِي الحُبِّ كانَ خِطَابُها أهوَاكَ ٰ

part «36»

~عند فداء~
تجهز اغراضها وتحطهم بشنطه شافت هدية انفال لما دخلت ١٨ ضحكت وتذكرت وش سويت فيها وقتها
~فلاش باك~
انفال: وهذه هديتي انا
فداء تفاجأت بالهديه وحضنتها بقووة: انفالو كيف عرفتيي اني ابيه (الهديه كانت كتاب فداء كانت تتمنى تجيبه)
انفال ضحكت: خنقتيني وخري
فداء وخرت: جد كيف عرفتي اني ابيه ولا مره قلت لاحد
انفال: الا قلتي ل لارا وهي ساعدتني
فداء صارت زي الايموجي ذا 🥺وحضنتها مره ثانيه: احبك ياشيخه
انفال: وخري عني طيب
ادم: صار دوري ومد يده : هذه هديتي
فداء فتحت الهديه كانت عقد فضه لان يعرف اخته ماتحب الذهب حضنته: شكرا يااجمل اخ
فيصل تنحنح: احم احم تراني موجود
فداء ضحكت: وش جبت لي؟
فيصل: والله ماعرفت وش اجيب لك قولي لي وابشري
فداء: ترا بفلسك
فيصل ابتسم: فداك ياعيوني
فداء: ابي ايفون
فيصل: تم
~نرجع للواقع~
حطت الكتاب بشنطتها وشافت العقد اخذته وفتحت العلبة وتمت تتامله بعدين قررت تلبسه اخذته ولبسته على رقبتها وبعد ماخلصت من تقفيله اتجهت للمرايا وشافته ابتسمت اندق عليها الباب ودخل ادم: ياحلوة
فداء: عيونها
شاف العقد على رقبتها: من جبته ولامره لبستيه ليه اخترتي اليوم تلبسيه؟
فداء: عشان احس انك دايم معك
ادم ابتسم لاخته: انا دايم معك وبجنبك مستحيل اتركك انتي اخت ادم اعطيك روحي بدون تردد قرب وحضنها: تذكرين لما كنا صغار لما طحتي من على الشجره يلي بمزرعة جدي تذكرين وش قلت لك؟
فداء ناظرته وهزت راسها ب اي وبكت
ادم حضنها: قلت لك وقتها في كل مره بتطيحين انا بكون معك وبداويك ومابتركك تعيشين الالم وحدك لاتنسي هذا الشى ياعيوني وابي منك دائما تكونين قويه ولاتضعفين ابيك تهتمي بصحتك ونفسك وبيتك وزوجك لاتهملين الحين صار عندك مسوؤليه وانا عارف انك قد المسوؤليه ولاتنسي مهما صار معك دقي على طول بتشوفيني معك وجنبك
فداء انهارت على كلامه: الله لايحرمني منك يااخوي
ادم مسح دموعها: خلاص بلا دموع وكتغير للموضوع: وش بتلبسين اسود؟
فداء ضربته على كتفه: انا احب اللون الاسود وبلبسه
ادم بضحكه: ياعزتي لااحمد
فداء رمت شعرها لورا: قول ياحظه فيني
ادم ابتسم: بهذه معك حق البيت بدونك بيكون خايس وممل
فداء زمت شفايفها تعلن انها بتبكي
ادم: لا لا خلاص لاتبكي يلا بتركك تكملين وتجهزين نفسك مو باقي كثير حتى يوصل احمد وياخذك بس ابي افهم شى نواف ليه راز نفسه تحت؟
فداء ضحكت: عشان يشوف حبيبة قلبه ويقنع جدي عشان ياخذها ويتعشو
ادم ب استهبال: خلاص ياخذها طفشنا منهم كل يوم جاي
فداء: هو يبي ياخذها بس هي معذبته
ادم: مابي اتشمت فيه واصير زيه يلا انا بطلع باس راسها وطلع
فداء تنهدت: الله يستر حاسه حياتي مع احمد جحيم بس زي ماقال ادم بكون قويه ومابضعف حطت دواها بشنطه وسكرت عليها وراحت تجهز نفسها لفو شوفو اطلاتها
نزلت لهم وماسكه عبايتها بيدها
التفتو على صوت الكعب
الهنوف شافت بنتها وحاولت تمسك دموعها بس ماقدرت
فداء حطت عبايتها على الكنبه وراحت لها وحضنتها: يمه تكفين لاتبكين
الهنوف مسحت دموعها وبصوت مبحوح: لا خلاص ماببكي الله يوفقك ويسعدك يارب الله يرضى عليك ياعيون امك انتبهي لنفسك
فداء: ان شاء الله وراحت عند انفال وحضنتها وبهمس: لاتخافين علي بكون بخير ترا ادم جالس يناظرنا واحسه بدا يحس تكفين الا ادم لايعرف لو عرف يمكن يذبح احمد خففي من نظرات الخوف
انفال هزت راسها ب اي وصوت عالي: بشتاق لك البيت بدونك خايس
فداء ب استهبال: مابخليكم تشتاقون بكرة بجيكم
فيصل راح لها: ياربي نشبه هالبنت
فداء ناظرت فيه وضربته على كتفه: تف عليك اخر شخص يشتاق لي
فيصل حضنها وابتسم: وانتي الصادقه اول شخص مع مين بستهبل كل يوم مع مين بتهاوش ها؟
الهنوف: نزوجك عشان تستهبل على زوجتك وتفك اختك منك
فيصل بهمس: امك بدت بموالها
الهنوف: ترا سمعتك
فيصل: اسف اسف
دق باب البيت فداء غمضت عيونها واخذت عبايتها ولبستها ولبست النقاب
ادم فتح الباب: حياك الله احمد تفضل المجلس
احمد شال نظاراته: الله يحيك وراح معه
ادم: اخبارك عساك بخير
احمد: بخير ي ادم وانت اخبارك
ادم بجديه: اذا فداء كانت بخير انا بخير
احمد رفع حاجبه وحس كانه تهديد: ان شاء الله انتو الانثين على طول بخير
ادم: اتمنى وش تحب اضيفك
احمد: ماتقصر بس انا مستعجل اذا فداء جاهزه خلنا نمشي
ادم: اي جاهزه بس بقول لك كم كلمه فداء اغلى شى عندي انا اعتنيت فيها من وهي صغيره كنت معها بالصغيره والكبيره هي مو زي انفال انا احب انفال لانها اختي بس مو زي فداء هذه عيوني اعطيها روحي بدون تردد اختي الصغيره لو تاذيها او تخليها تبكي يوم من الايام وتحزنها اعتبر نفسك ميت وتحلم تشوفها مره ثانيا كل شى الا فداء ابيك تحطها بعيونك اختي مريضه ويبغى لها عنايه لاتضغط عليها بشئ واذا من الحين ماتقدر تستحمل تقدر تطلقها وتمشي
احمد بتمثيل : لاتخاف اختك بعيوني قبل مااذيها بكون اذيت نفسي
ادم: ان شاء الله تكون عند حسن ظني رجال كفو بروح اناديها
احمد: خذ راحتك
وراح عند فداء: يلا فداء زوجك منتظرك
فداء مغصها بطنها من كلمة زوجك وراحت بعد ماودعت جدها وخالتها ولارا ودخلت المجلس مع ادم وفيصل: السلام عليكم
احمد وقف: وعليكم السلام يلا جاهزه
فداء هزت راسها والتفت على فيصل: فيصل ماقدرت انزل اغراضي ممكن تنزلهم
فيصل باس راسها: ابشري وراح
احمد: يلا نمشي
فداء مشت معه بس حست ان في شخص ناقص بهمس: ابوي
احمد التفت لها: وش قلتي
فداء التفت لادم: ابوي وينه؟
ادم ابتسم: بغرفته حابس نفسه
فداء: ادم الله يخليك ناده ابيه يرضى علي
ادم: بس احمد مستعجل
فداء ناظرت احمد برجاء
احمد تنهد بصبر وجلس: لجل عين تكرم مدينه انتظرها
ادم راح ناد ابوه طبعا بعد محاولات ابو ادم نزل ودخل المجلس وشاف بنته راح لها وباس راسها وحضنها وفداء بكت: ليه مانزلت ودعتني حتى هالحظه بتحرمني منها؟
ابو ادم مسح دموعها وبحنيه: لا يعيون ابوك ماقدرت انزل واشوف بنتي الصغيره تروح وتترك البيت ماودي اخليك تروحين ودي اعوضك عن كل شي انحرمتي منه بسببي ودمعت عيونه ومسحها
فداء باست راسه: يبه ارضى علي وادعيلي هذه تكفي لي
ابو ادم: الله يرضى عليك يابنتي ويسعدك ويعوضك عن كل شى التفت على احمد: مااوصيك يااحمد على فداء ابيك تحطها بعيونك
احمد قام وتقدم وباس راسه: ابشر ياعمي بنتك بعيوني
فداء ناظرت احمد بطرف عينها وبنفسها الله يستر منك
احمد مسك يدها قدامهم: يلا تسمحون لنا نبي نمشي
فداء بهمس: اترك يدي
احمد رص عليها
ابو ادم: يلا امشو الله يسعدكم ويوفقكم
ومشو لسيارته وشافو فيصل واقف وحنبه اغراض فداء احمد فتح له صندوق السياره وحط هو الاغراض وسلم على فيصل
فيصل: اكيد وصوك داخل عليها وانا بعد بوصيك
احمد ب استهبال: فاضي لك انا بمشي تاخرت بسبب توصياتهم بحطها بعيوني لاتخافون
فيصل: اي شاطر راح عند فداء وفتح باب السياره يلي قدام: اركبي ياحلوة
فداء ابتسمت لاخوها وركبت وقبل مايسكر الباب: انتبهي لنفسك كويس اتفقنا
فداء هزت راسها ب اي: اتفقنا
وسكر الباب وركب احمد ومشى