فداء: ادم وش فيه؟
ادم يسوق: الحين بتعرفين
فداء: افف تعرفني فضوليه قول
ادم: فداء لاتحاولين بقول مره وحده وقدام الكل لحظه بتصل بخالتي
فداء ب استغراب: وش دخل خالتي؟
ادم: بعد شوي تعرفين دق على خالته
ادم: خالتي لازم تجين بيتنا
خالته منى: وش فيه؟
ادم: انتي تعالي وبتعرفين
خالته منى: تمام بجي
سكر من خالته وتوجهه لبيتهم
ـــــــــــــــــــــــــــــــــــــــــــــــــــــــــــــــ
~عند لارا~
ابو نواف دخل غرفتها مع نواف
لارا عدلت جلستها: هلا عمي في شى؟؟
ابو نواف بحنيه: لا يعيون عمك بس ابي اقولك على موضوع
لارا استغربت: وش هو؟؟
ابو نواف جلس على الكنبه ونواف جلس معاه وتنهد: يابنتي احنا عرفنا مين اهلك
لارا طالعت فيه وتجمعو الدموع في عينها: انتو اهلي
ابو نواف بحنيه: طبعا احنا اهلك واحنا يلي ربيناك بس انا اقصد
لارا: لاتقول شى عن ناس رموني
ابو نواف: يابنتي اسمعيني
لارا بصراخ: عمي وش اسمع وش لهدرجه ماتبوني على طول لقيتو اهلي طبعا ماتبون لاني لقيطه وبسبب فضيحه لكم ويمكن مثل ماقالت زوجة عمي انا بنت حر***م
ابو نواف قام وعطاها كف: اخر مره اسمع منك زي الكلمه انتي مو كذا اهلك يلي جوني هم يلي دوروك وهم كانو قريبين منك ابوك هو السبب هو يلي راماك حتى كان بيقتلك بس تركك واخوي لقاك امك المسكينه كانت تحبك وكان ابوك يهددها اذا مانزلتك بموتك بس هي تمسكت فيك صح للحين ماتاكدنا بس انا حاس انهم اهلك هي طول عمرها تدور عليك بس مالقتك
لارا بكت: مين هم؟؟؟
ابو نواف هدا: انتي بنت خالة ادم وصاحبتك فداء
لارا توسعت عيونها: ايششش عمي انت صاحي كيف بنت خالة فداء كيف يعني هم اهلي كيف كذا مو معقول انت اكيد غلطان
نواف اخيرا تدخل : ابوي ممكن تتركنا انا بفهمها
ابو نواف تنهد: لاتطول وطلع تركهم
نواف تقدم ومسك اكتافها: لارا اسمعيني كويس وانتي توثقين فيني صح واني مستحيل اكذب عليك صح؟
لارا طالعته وبصوت مبحوح: اي اثق فيك
نواف ابتسم: ياعيوني ادم كان هنا وسمعنا كلام امك هو كان شاك لانك تشبهيها بس اليوم تاكد لماكلمتي اخته وهي قالت له وهو على طول جا هنا عشان يقول لنا احنا للحتياط بنسوي تحاليل امك كانت تعاني مع ابوك لما سمعت كلامه بغيت ابكي مالها ذنب عشان كذا لاتفكرين انك بنت*** او لقيطه لا امك لسنين تدور عليك بس مالقتك وبس يثبت انك بنتها بتروحين بتسكنين عندها بس بترجعين هنا لاني احبك وابيك وشاريك مستحيل تتخلي عني صح؟
لارا ناظرته: مابتخلى انت وقفت معي وماتركتني وحتى لو رحت سكنت معهم ابيك
نواف ارتاح وحضنها: الحمدلله احبك ياعيوني جعلني ماانحرم منك
لارا استحت: كاني سمعت صوت عمي
نواف فهمها وضحك: اي صرفي باس راسها وطلع
ـــــــــــــــــــــــــــــــــــــــــــــــــــــــــــــــ
~بيت ابو ادم~
تجمعو كلهم الا ابو ادم
الجد: ادم تكلم ليش جمعتنا؟
ادم تنهد: خالتي ممكن تتكلمين عن بنتك
الخالة منى دمعت عيونها: لقيتها صح؟
ادم ابتسم: اي لقيتها
فداء كانها عرفت: لاتقولها
ادم: كنت دائما اقول عنك ذكيه بس مو لهدرجه المهم خالتي تكلمي
منى: طليقي ليث رمى بنتي حسبي الله عليه ومعرف عنها شى كانت رائحتها زي الورد الياسمين ماشبعت منها واخذها وصارت تبكي
الهنوف بكت وحضنت اختها: مين هي ياادم
ادم: لارا صديقة فداء
الهنوف وانفال والجد وفيصل انصدمو: ايششششش
ادم هز راسه: اي بنتها
منى نزلت عند رجول ادم: تكفى خذني عندها تكفى ابيهاااا تكفى
ادم قومها: خالتي الله يهديك وش تسوين باخذك عندها بس اول شى بنسوي تحاليل وبنتاكد انتي اهدي
منى بحرقه: كله بسببه حسبي الله عليه حرمني من بنتي الله يحرمه الراحة والنوم
الهنوف بصدمه: يعني زوجي تحرش ببنت اختي
الجد قام بعصبيه: ايششش وش سوى زوجك الحيوا**ن
ادم: الله يهديك يمه مو ضروري ذا الكلام
الجد: تكلميي زوجك وش سوى
الهنوف بكت وراحت عند اختها: منى سامحيني تكفين
منى بحرقه: الله لايوفقه الله ياخذه هو وليث دمرو بنتي حسبي الله عليهم
الجد قرب للهنوف: لمسها؟
الهنوف: لا يبه بس كان لولا ادم كان بيسويها
الجد بعصبيه: زوجك انا بموته موته على يدي عديم الشرف
فداء راحت غرفتها وهي مصدومه كيف يعني هي بنت خالتي ياربي وش بتكون حالتها الحين وانا اقول تشبه احد في اب يسوي كذا لاحول ولاقوة الابالله الهنوف جت وراها
الهنوف: يمه فداء
فداء بحنيه: لبيه يمه
الهنوف قربت وحضنت وجهها: كبرتي وبتصيرين عروس
فداء مغصها بطنها: مافهمت
الهنوف ابتسمت: بكرة جايك خطاب يبونك
فداء توترت: مين هم
الهنوف ب استغراب: نوره وبناتها بيخطبونك ل طليق اختك وابوك امس دق علي وقال انه وافق وعلمهم بالموافق قال انتي موافقه لانه سالك
فداء تماسكت: اي يمه موافقه
الهنوف: وانفال؟
فداء: لاتخافين اصلا هي قنعتني
الهنوف ارتاحت: اجل تجهزي بيضي وجهيي
فداء: ان شاء الله وراحت غرفتها رمت نفسها على السرير
كنت ابيك تكون انت يامهند بس خنتني اخخ وش بسوي الحين وش بلبس بكره افففف
دخلت انفال: لاتتافافين
فداء: كيف ماتافاف وامك توها تقول لي ان اهل الجلمود بكره جاين يخطبوني ترا قلت لامي انك انتي اقنعتيني
انفال: لاتسوين كذا بنفسك
فداء غمضت عيونها: انفال ممكن تطلعين وتخليني لوحدي
انفال تنهدت: طيب براحتك وطلعت وتركتها تتحلطم لوحدها وتندب حظها وتسب احمد ومهند
~عند ساره~
ساره تكلم امها بالجوال: يمه مالقيتو الا اختها انجنيتو!!!
نورة بحده: ساره تكلمي عدل
ساره: يايمه ياحبيبتي ماتصلح له ولاتنسين اختها يعني ممكن تسوي نفس يلي سوته اختها وتحرق قلب اخوي يايمه اذا اخوي مايعرف مصلحته ماتجون معه لازم توقفين ضده واخطبي له وحده تشرف
نوره تنهدت: اخوك عنيد ومااقدر اقنعه هو كبر وعارف مصلحته انا اليوم بروح انا وخواتك عندهم بتجين
ساره بخبث دامك ماتقدرين تقنعيه انا بفركشها: اكيد بجي
نوره بتهديد: يويلك لو فركشتيها اغضب عليك لاتتدخلين بشي مايخصك
ساره بقهر: بس يمه
نوره بحده: يعني كنتي ناويه وقسم بالله ياساره لو فركشتيها لا انا امك ولاتعرفيني اتبرا منك واغضب عليك
ساره بقهر: حاضر يمه مايصير الا يلي تبينه وقفلت وراحت عند زوجها: محمد قوم وديني عند اهلي
محمد ناظره: ليش؟
ساره: بنروح نخطب لاخوي احمد
محمد: اها الله يتمم له اجل انتظرك البسي وتعالي
ساره: طيب وشهد؟
محمد عقد حواجبه: ماتبين تاخذينها معك؟
ساره: محمد احنا رايحين نخطب ماينفع ياعيوني
محمد تافاف: طيب باخذها عند امي اصلا خالد اشتاق لها
ساره باسته على خده: شكرا حبيبي وراحت تلبس
محمد حط يده على خده وابتسم: انا ظلمتها لساره صح هي كانت موافقه من الاول وتعرف حبي للعنود بس هذا الشى مو بيدي انا احبها وابيها ياربي صبرني وشيلها من قلبي
الهنوف تنادي: انفال
انفال نزلت: لبيه يمه
الهنوف: اختك جهزت؟
انفال: اي لبست بس رافضه تحط ميكب تقول انا حلوة على الطبيعه
الهنوف: ياربي انتو بتجننوني؟ خليها تحط شى على وجهها وتعالي ساعديني
انفال: يمه بنتك عنيده صار لي ساعه اقنعها بس رافضه
منى: خلاص انا بروح لها استعجلو الناس بتوصل
وطلعت عند فداء يلي كانت لابس فستان ناعم لونه اسود وله فتحه من تحت وكات وديّق ماسك ع جسمها وطويل ومفتوح عند الرجل ورافعه شعرها مع كعبها الأسود العالي لفو وشوفو
منى: فداء وش هذا؟
فداء: فستان
منى: ادري انه فستان بس مايصلح ل هذه المناسبه
فداء بعدم اهتمام: يصلح ولا مايصلح انا حبيته
منى: يابنت رايحه عزا ترا جاين يخطبونك وتطلعين لهم لابسه اسود خير؟
فداء: خالتي تكفين ماعجبك الحين افسخه وانام
منى خافت تنام: لا لا يجنن اجلسي
فداء عقدت حواجبها: لييييه؟
منى: اجلسي بحط لك ميكب
فداء هزت راسها بنفي: مابيي احط
منى قربت بشك: ليكون مغصوبه؟
فداء خافت تعرف: لا مومغصوبه حطي لي بس ماتكثرين ابيه ناعم
منى بتريقه: اجلسي ياناعمه
جلست وحطت لها خالتها ميكب ناعم برز ملامحها
منى: بسم الله ماشاءالله تبارك الرحمن تف تف بس حصني نفسك بتجيك عين والله
فداء ابتسمت: حاضر ونزلت هي وخالتها
الهنوف شافت بنتها ودمعت عينها: بسم الله عليك يمه تجننين تهبلين حصني نفسك متى كبرتي كنتي امس تركضين من لعبه للعبه
فداء: يمه تكفين لاتبكين ترا ابكي ويخرب الميكب يلي عملته خالتي
الهنوف مسحت دمعتها: لا خلاص ماببكي الله يوفقك ويحفظك بس ليش لابسه اسود؟
فداء: يمه تعرفيني احب الاسود
الهنوف: لو لبستي خيشه تطلع عليك حلوة
فداء ضحكت: شكرا على المدح
جت انفال كانت لابسه بنطلون لونه بيج فاتح وتيشرت لونها ابيض وعليها طباعة زهور مفتوحه من عند الرقبه وضيق عند الصدر واكمامه طويله وعريضه شويات لفو وشوفو
الهنوف: بسم الله على بناتي تهبلون م شاءالله
انفال ابتسمت وراحت عند فداء: تجننين بتاخذين عقولهم بغصه وعقله
فداء ناظرتها: ماله داعي تكابرين واصلا انا برفض الشوفه ومابي يشوفني
انفال: تبين تفضحينا مايصير وش بتقولين لجدي
فداء: مدري بفكر
انفال: فداء للحين عندك فرصه ترفضين
فداء تذكرت تهديده: لا خلاص اخذت قراري مابتراجع
انفال ابتسمت بالم : لما قالك برساله قولي لانفال انك حبيتيني كان يبي يحرق قلبي وكان يبي يخليك خاينه بنظري وانك خنتيني وحبيتي يلي احبه
فداء حضنتها: وانا ممكن اخليه يحرق قلبك باحلامه انتي اخت فداء ومستحيل اخليه ينال مراده
انفال باستها: فديتك اجمل اخت يحظي فيك
فيصل دخل وصفر باعجاب: اوووووو وش هالجمال انفالو وش هالحلاوة فدو عروستنا الحلوة بتطيرين عقل عريسنا
فداء ميلت فمها وبهمس: من زينه
انفال مسكت ضحكتها: وش انفالو اصغر عيالك انا
فيصل بسخريه: اي اصغر عيالي عندك اعتراض
انفال بثقه: اي
فيصل ضحك: مرفوض
انفال بقهر: مالت عليك صدق انك سخيف
فداء ابتسمت
أنت تقرأ
يَا مُلهِمَ الأشعَارِ كلُّ قَصِيدَةٍ فِي الحُبِّ كانَ خِطَابُها أهوَاكَ ٰ
General Fictionالنبذه ياحلوين..... احمد بعصبيه: بعدين معك فداء: اففففف ابي اكلم اخوي احمد قام وعطاها كف: قلت لا يعني لا فداء ناظرته بحقد وقامت: تدري انت انسان حقيرر ماالوم اختي وقت حبت غيرك ،، أردفت بعصبية :واحد مثلك يستاهل الخيانة. احمد فار دمه وضربها ورفسها و...
