شريعه العشق

تكملة بارت٣٢

ﻭﺍﺟﻪ ﺩﻳﻜﻮﻣﻨﻲ ..
ﻣﺪﻳﺖ ﺍﻳﺪﻱ ﻟﻮﺟﻬﻪ ﺍﺗﺤﺴﺲ ﺣﺮﺍﺭﺗﻪ : ﺷﺒﻴﻚ ﺻﻔﺎﺀ ﻣﺼﺨﻦ ؟
ﻭﺧﺮ ﺍﻳﺪﻱ ﻣﻨﻪ ﻭﻇﻞ ﻳﺴﺤﺐ ﺑﻴﻪ ﻳﺮﻳﺪ ﻳﻜﻮﻣﻨﻲ ﻣﻦ ﺍﻟﺴﺮﻳﺮ .. ﺩﻓﻌﺘﻪ :.. ﻭﺧﺮ ﺣﺒﺎﺏ ﻣﺎﺍﺭﻳﺪ
_ ﻫﻮ ﺷﻨﻮ ﻣﺘﺮﺩﻳﻦ ﺩﺍﺍﻛﻮﻟﺞ ﻧﺎﻣﻲ ﻉ ﺍﻟﺠﺮﺑﺎﻳﻪ
_ ﺍﻱ ﻣﺎﺍﺭﻳﺪ ﻛﻮﻩ ﻫﻲ ﺧﻮﻣﺎ ﻛﻮﺓ ﻣﺮﺗﺎﺣﺔ ﻫﻨﺎ ..
_ ﺑﻠﻲ ﻛﻮﺓ ﻳﻼ ﻛﻮﻣﻲ ﺷﻜﻮﻟﺞ ﺗﺴﻮﻳﻦ ..
ﻛﻤﺖ ﻣﺠﺒﻮﺭﺓ ﻭﻣﻌﺼﺒﺔ ، ﺧﻔﺖ ﺧﺎﻑ ﻳﻜﻮﻡ ﻳﺼﻴﺢ ﻭﻳﻔﻀﺤﻨﺎ ﻛﻌﺪﺕ ﻉ ﺍﻟﺠﺮﺑﺎﻳﻪ ﺍﻣﻨﻴﺎﺕ ﺣﺒﻴﺴﺔ ﺻﺪﺭﻱ ﺍﺗﻤﻨﻰ ﺍﻗﺮﺏ ﻣﻨﻪ ﻭﺍﻋﻴﺶ ﻭﻳﺎ ﺣﻴﺎﺓ ﻃﺒﻴﻌﻴﻪ ﻟﻜﻦ ﻭﻛﺒﺮﻳﺎﺋﻲ ﺍﻟﻲ ﻳﺮﻓﺾ ﺍﻟﺘﻨﺎﺯﻝ .
ﺍﻧﻘﻬﺮﺕ ﻣﺎ ﺍﻋﺮﻑ ﺷﺴﻮﻱ ﻇﻠﻴﺖ ﺍﺩﻋﻲ ﻉ ﻧﻔﺴﻲ : ﺍﻥ ﺷﺎﺀﺍﻟﻠﻪ ﺍﻣﻮﺕ ﻭﺍﺧﻠﺺ ﻣﻨﻚ
ﺍﻟﺘﻔﺘﻠﻲ ﺑﺴﺮﻋﻪ ﻭﺍﺟﻪ ﻳﻤﺸﻲ ﺳﺮﻳﻊ ﺧﻔﺖ ﻋﺒﺎﻟﻲ ﺣﻴﻀﺮﺑﻨﻲ ﺣﻤﻴﺖ ﻭﺟﻬﻲ ﺑﺄﺩﻳﻪ ﻭﻗﻠﺼﺖ ﺟﺴﻤﻲ ﻗﺪﺭ ﺍﻟﻤﺴﺘﻄﺎﻉ ﻭﺭﻋﺸﻪ ﻣﺴﺘﻤﻴﺘﻪ ﻋﺼﻔﺖ ﺑﺄﻃﺮﺍﻓﻲ
ﺍﺟﻪ ﺣﻂ ﺍﻳﺪﻩ ﻉ ﺣﻠﻜﻲ ﻭﺧﺰﺭﻧﻲ : ﺍﺷﺸﺸﺸﺶ ﻟﺘﺪﻋﻴﻦ ﻋﻠﻰ ﻧﻔﺴﺞ ﻟﺠﺠﺠﺠﺞ ﺣﻴﻮﺍﻧﻪ
ﺣﺴﻴﺖ ﺑﻄﻤﺄﻧﻴﻨﻪ ﻭﺍﻣﻨﺖ ﺍﻧﻮ ﻣﺤﻴﻀﺮﺑﻨﻲ
ﻛﻤﻠﺖ ﻛﻼﻣﻲ ﻣﻦ ﺳﺎﻋﺔ ﺍﻟﺴﻮﺩﺓ ﺍﻟﺤﺒﻴﺘﻚ ﺍﻧﻲ ﺷﻨﻮ
ﺷﻔﺖ ﺑﻴﻚ ﺣﺘﻰ ﺣﺒﻴﺘﻚ ﻫﺎﺍﺍ ﻛﻮﻟﻲ ﺷﻨﻮ ﺷﻔﺖ ﺑﻴﻚ
ﻛﺎﻡ ﻳﻀﺤﻚ : ﻭﺍﻟﻠﻪ ﺷﻤﺪﺭﻳﻨﻲ ﺍﺳﺄﻟﻲ ﻧﻔﺴﺞ ﺷﻜﻮ ﺗﺴﺄﻟﻴﻨﻲ ﺍﻧﻲ ﻫﻢ ﺍﺗﻌﺠﺐ ﻋﻠﻴﺞ ﻉ ﺷﻨﻮ ﺣﺒﻴﺘﻴﻨﻲ
ﻭﻟﺞ ﺍﻧﻲ ﻣﺮﺍﺕ ﻣﺎﺍﻃﻴﻖ ﻧﻔﺴﻲ ﻭﺍﻛﺮﻩ ﺭﻭﺣﻲ ﺷﺤﺒﻴﺘﻲ ﺑﻴﻪ ﺍﻧﺖ ﺷﻜﺪ ﻓﺎﺭﻏﻪ ﻭﺑﻄﺮﺍﻧﻪ !
ﻟﻜﻤﺖ ﺍﻟﻤﺨﺪﻩ ﺑﻘﺒﻀﺔ ﺍﻳﺪﻱ ، ﺍﺣﺲ ﺑﻮﺧﺰ ﺑﻘﻠﺒﻲ ﺍﻟﻤﻮﺟﻮﻉ ﻭﺍﻟﻤﺘﺸﺒﻊ ﺑﺎﻻﻟﻢ ﺗﻤﺪﺩ ﻭﻏﻄﻴﺖ ﺣﺘﻰ ﺭﺍﺳﻲ
ﺳﻤﻌﺘﻪ ﻳﺤﺠﻲ ﺑﺼﻮﺕ ﻧﺎﺻﻲ : ﻭﻟﺞ ﻫﻴﺞ ﺗﺨﺘﻨﻜﻴﻦ
ﺷﻮﻳﻪ ﺍﺗﺮﻛﻲ ﻣﺠﺎﻝ ﺗﺘﻨﻔﺴﻴﻦ ﺷﻜﺪ ﻓﻄﻴﺮﺓ ﻟﺨﺎﻃﺮ ﺭﺑﺞ
ﺗﺠﺎﻫﻠﺘﻪ ، ﻭﺍﻧﻲ ﺍﺳﻤﻊ ﺧﻄﻮﺍﺗﻪ ﻳﻤﺸﻲ ﺑﺎﻟﻐﺮﻓﺔ ﻭﺍﺳﻤﻊ ﺻﻮﺕ ﺑﺎﺏ ﺍﻟﻜﻨﺘﻮﺭ ، ﻭﺑﻌﺪﻫﺎ ﺍﺟﻪ ﻛﻌﺪ ﻳﻢ ﺭﺟﻠﻴﻪ ﺑﺴﺮﻋﻪ ﺍﺑﺘﻌﺪﺕ ، ﺛﻨﻴﺖ ﺭﻛﺒﻲ ﻭﺭﻓﻌﺖ ﺭﺍﺳﻲ ﺑﺎﻭﻋﺖ ﻋﻠﻴﻪ
ﺣﺎﺟﻴﺘﻪ ﻣﺮﻋﻮﺑﻪ : ﺷﻜﻮ ﺷﺒﻴﻚ ﻭﺍﻟﻠﻪ ﺣﻨﺎﻡ ﺑﻌﺪ ﻣﺎﺍﺣﺠﻲ
ﺍﺑﺘﺴﻢ ﻣﺪ ﺍﻳﺪﻩ ﺟﺮ ﺭﺟﻠﻲ ﺳﺤﺒﺘﻬﺎ ﻣﻨﻪ ﺑﺎﻭﻋﻠﻲ : ﺑﺲ ﺍﻫﺪﺋﻲ ﻣﺎﺍﺳﻮﻳﻠﺞ ﺷﻲ ﻭﺩﺍﻋﺘﺞ
ﺻﻔﻨﺘﺖ ﻫﺬﺍ ﺷﺒﻲ ﻳﺤﻠﻒ ﺑﺪﺍﻋﺘﻲ ﺷﻮ ﻣﻦ ﺷﻮﻛﺖ ﻫﺎﻱ
ﻟﻮ ﺍﻧﻲ ﺑﺤﻠﻢ ﻟﻮ ﻭﺍﺣﺪ ﻣﻨﻪ ﻣﺼﺨﻦ ..
ﺍﻧﺘﺒﻬﺖ ﻋﻠﻴﻪ ﺩﻳﺘﻠﻤﺲ ﺑﺮﺟﻠﻲ ﻋﻄﺖ ﺑﻲ : ﻭﺧﺮﺭﺭﺭﺭﺭ
ﺣﺒﺎﺏ
_ ﻫﺴﻪ ﻏﻴﺮ ﺗﺴﻜﺖ ﺍﻧﻄﻲ ﺻﺒﺮ ﺷﺒﻴﺞ ﻣﺨﺒﻮﺻﻪ ﺍﻧﺘﻲ
ﻭﺣﺠﻪ ﺑﺼﻮﺕ ﻧﺎﺻﻲ ﻫﺴﻪ ﻗﺎﺑﻞ ﺳﻮﻳﺖ ﺷﺴﻤﻪ ﻭﻳﺎﺝ
ﺧﺰﺭﺗﻪ ﻭﻫﻮ ﻛﺎﻡ ﻳﻀﺤﻚ ...
ﺣﺴﻴﺖ ﺑﺎﺩﻳﻪ ﻋﻠﻰ ﺭﺟﻠﻲ ، ﺣﺴﻴﺖ ﺑﺎﻟﺪﻡ ﻳﺘﺪﻓﻖ ﺑﻘﻮﺓ ﺑﺸﺮﺍﻳﻴﻨﻲ ﻭﺍﻭﺭﺩﺗﻲ ، ﻟﺒﺴﻨﻲ ﺣﺠﻞ ﻭﺍﺟﻪ ﺗﻘﺮﺏ ﻣﻨﻲ ﻟﺰﻡ ﻭﺟﻬﻲ ﺑﻴﻦ ﺍﺩﻳﻪ ﻭﺍﻧﻲ ﺍﺑﺎﻭﻋﻠﻪ ﺑﺒﺮﺍﺀﺓ ﻭﻋﺘﺐ ، ﻏﻤﻀﺖ ﻋﻴﻮﻧﻲ ، ﺳﺮﺕ ﻗﺸﻌﺮﻳﺮﻩ ﺑﺠﺴﻤﻲ ، ﺍﻧﻔﺎﺳﻪ ﻟﻔﺤﺖ ﻭﺟﻬﻲ ﻓﺘﺤﺖ ﻋﻴﻮﻧﻲ ﻇﻞ ﺻﺎﻓﻦ ﺑﻌﻴﻮﻧﻲ ﻗﺮﺏ ﻭﺟﻬﻪ ﺑﺎﺳﻨﻲ ﻣﻦ ﻛﺼﺘﻲ ﻭﻃﻮﻝ ﺑﻮﺳﺘﻪ .. ﻋﻄﺮﻩ ﺍﻟﺮﺟﻮﻟﻲ ﺍﻟﻘﻮﻱ ﺗﻐﻠﻐﻞ ﺑﺎﻋﻤﻖ ﺍﻋﻤﺎﻗﻲ ..
ﻫﻤﺲ ...
_ ﺍﺳﻒ ﻻﻥ ﺿﺮﺑﺘﺞ ﺑﺲ ﺍﻧﺘﻲ ﻃﻠﻌﺘﻴﻨﻲ ﻋﻦ ﻃﻮﺭﻱ
ﺍﻥ ﺷﺎﺀﺍﻟﻠﻪ ﺗﻨﺬﻛﺮ ﻭﻣﺘﻨﻌﺎﺩ
ﺿﻢ ﺭﺍﺳﻲ ﻟﺼﺪﺭﻩ ﺍﺗﻤﻨﻴﺖ ﻣﻴﺒﺘﻌﺪ ﻋﻨﻲ ﺗﻤﻨﻴﺖ ﺗﺴﺘﻤﺮ ﻫﺎﻟﻠﺤﻈﺔ ﺳﻨﻮﺍﺕ ﻭﻗﺮﻭﻥ ، ﺍﺳﺘﻨﺸﻘﺖ ﻋﻄﺮﻩ ﺍﻻﻋﺸﻘﻪ ، ﻭﺍﺣﺲ ﻗﻠﺒﻲ ﻳﻀﺮﺏ ﻋﻠﻰ ﺟﺪﺭﺍﻥ ﻗﻠﺒﻲ ﺑﻘﻮﻭﺓ ﻭﻛﺎﻧﻪ ﻻﻳﺤﺘﻤﻞ ﺍﻟﺒﻘﺎﺀ ﺣﺒﻴﺲ ﺍﺿﻼﻋﻲ ، ﺻﺎﺭ ﻳﻨﺒﺾ ﻭﻳﻨﺒﺾ ﻭﻳﻨﺒﺾ ﺑﻜﻞ ﻗﻮﺓ .
ﻭﺧﺮ ﺭﺍﺳﻲ ﻣﻦ ﺻﺪﺭﻩ ﻭ ﻛﻌﺪ ﺑﺼﻔﻲ ..
ﺣﺠﻪ ﺑﺎﻟﻜﻮﺓ ﻭﺍﻧﻔﺎﺳﻪ ﻣﺘﺨﺮﺑﻄﻪ ..
_ ﺯﻫﻮﺭﻩ ﻧﺴﻴﺖ ﺍﻛﻮﻟﺞ ﻃﻠﻊ ﻗﺒﻮﻟﺞ ﺗﺤﻠﻴﻼﺕ ﺍﻥ ﺷﺎﺀﺍﻟﻠﻪ ﺍﻻﺣﺪ ﺍﺧﺬﺝ ﻧﺴﺠﻞ ﺑﺎﻟﻜﻠﻴﺔ ﻭﻧﺸﻮﻑ ﺷﻮﻛﺖ ﺩﻭﺍﻣﺞ
ﺍﻭﻛﻲ؟
_ ﺗﻤﺎﻡ .. ﺣﺠﻴﺖ ﺑﺘﺨﺪﺭ ﻭﻟﺴﺎﻧﻲ ﺍﺣﺲ ﺍﻧﻌﻜﺪ ﺍﺭﻳﺪ ﺍﻋﻴﺶ ﻫﺎﻟﻠﺤﻈﺔ ﻻﻃﻮﻝ ﻭﻗﺖ ﻣﻤﻜﻦ . ﻭﺍﻥ ﻛﺎﻧﺖ ﺣﻠﻢ ﻣﺎﺭﻳﺪ ﺍﺻﺤﻰ ﻣﻨﻪ .
ﺑﺎﻭﻋﺖ ﺑﻌﻴﻮﻧﻪ ﻣﺘﻮﺗﺮﺓ . ﻭﻛﻮﺓ ﺍﺳﺘﻨﺸﻖ ﺍﻟﻬﻮﺍﺀ
ﺍﺑﺘﺴﻢ ﻫﻮ ﻭﻣﺴﺢ ﻉ ﺭﺍﺳﻲ ﻭﻛﺎﻡ ﻣﻦ ﻳﻤﻲ ..
ﻋﺒﻴﺮ : ﺍﻧﺪﻛﺖ ﺍﻟﺒﺎﺏ ﺭﺣﺖ ﻓﺘﺤﺘﻬﺎ ، ﺻﺎﺭ ﻛﺪﺍﻣﻲ ﻗﺴﻮﺭ ﺑﻬﺘﺖ ﻭﺣﺴﻴﺖ ﻧﻔﺴﻲ ﻣﺠﺮﺩ ﺟﻤﺎﺩ ﻣﺎﻛﻮ ﺍﻱ ﺗﻌﺒﻴﺮ ﻋﻠﻰ ﻭﺟﻬﻲ ..
ﺍﺑﺘﺴﻢ ﻭﺣﺠﻪ ﺑﺮﻗﻪ : ﻟﺞ ﻓﺪﻭﻭﺓ ﻟﻬﺎﻟﻄﻮﻝ ﺍﺩﺭﻱ ﺍﻟﻠﻪ
ﻣﻦ ﺧﻠﻘﺞ ﻣﺎﻓﻜﺮ ﺑﻌﺒﺪﻩ ﺍﻟﻔﻘﻴﺮ ﻗﺴﻮﺭ
ﺭﻓﻌﺖ ﺣﺎﺟﺒﻲ : ﺍﻟﻮﺍﺣﺪ ﻻﺯﻡ ﻳﺴﻠﻢ ﻣﻮ ﻳﺪﺧﻞ ﺑﺎﺣﻤﺎﺀ ﺑﻌﺪﻳﻦ ﺷﻮ ﺟﺎﻱ ﻭﺣﺪﻙ ﻭﻳﻦ ﺍﻧﻮﺳﻪ ﻟﻌﺪ ؟
_ ﻧﺎﻳﻤﻪ ﻭﻣﺎﻟﻲ ﺧﻠﻚ ﺍﻧﺘﻈﺮﻫﺎ ، ﺑﺲ ﺍﻧﺖ ﻋﺒﻴﺮ ﺷﺒﻴﺞ ﺣﺴﻲ ﺑﻴﻪ ﺗﺮﺍ ﺣﺮﺍﻡ ﻋﻠﻴﺞ .
ﻣﺠﻨﺖ ﺍﺗﺠﺎﻭﺏ ﻭﻳﺎﻩ ﺍﺑﺪ ﻭﻫﺎﻟﺸﻲ ﻳﺰﻋﺠﻪ ﻭﻳﻌﺼﺐ
: ﻗﺴﻮﺭ ﺗﺮﺍ ﺍﻧﻲ ﻣﻜﺎﻳﻠﺘﻠﻚ ﺗﺤﺒﻨﻲ ! ﺗﺮﻯ ﺍﻧﺖ ﻣﻦ ﺣﺒﻴﺘﻨﻲ
ﻣﻄﻠﺒﺖ ﻣﻨﻚ ﻫﺎﻟﺸﻲ ﻫﻮ ﺷﻌﻮﺭ ﻭﺍﻧﻲ ﻣﺎﺍﺣﺲ ﺍﺗﺠﺎﻫﻚ ﺍﻱ ﺷﻲ
_ ﻟﺞ ﻫﻮ ﺑﻴﺪﻱ ﻏﻴﺮ ﺑﻴﺪ ﻫﺬﺍ ﺍﻟﻜﻠﺐ ﺍﺑﻦ ﺍﻟﻜﻠﺐ ﻣﻦ ﻳﺸﻮﻓﺞ ﻳﻜﻮﻡ ﻳﺮﺟﻒ ﻟﺞ ﻭﺣﻖ ﺍﻟﺨﻠﻘﺞ ﺍﺧﺎﻑ ﻋﻠﻴﺞبيج قصص عراقيه حقيقيه من واقعنا.روعه الطائي
ﻣﻦ ﺍﻟﻬﻮﺍﺀ ﻟﻴﺄﺫﻳﺞ ﺍﻧﻄﻴﻨﻲ ﻣﺠﺎﻝ ﻭﺍﻟﻠﻪ ﻣﺘﺄﻛﺪ ﺗﺤﺒﻴﻨﻲ
ﺍﻋﺮﻑ ﺑﺪﺍﺧﻠﺞ ﻳﻤﻜﻦ ﺗﻜﻮﻟﻴﻦ ﻣﺎﻋﻨﺪﻩ ﻛﺮﺍﻣﻪ ﻻﺯﻙ ﺑﻴﻪ
ﻫﻤﺴﺖ ﺑﺪﻭﻥ ﻗﻨﺎﻋﻪ : ﻻﺣﺸﺎﻙ
_ ﺧﻠﻴﻨﻲ ﺍﻛﻤﻞ ﻭﺩﺍﻋﺔ ﺣﻠﻴﺐ ﺍﻣﻲ ﺍﻧﻲ ﺭﺯﻥ ﻭﻳﺎ ﺍﻟﻜﻞ ﺑﺲ ﻳﻤﺞ ﺍﺻﻴﺮ ﻃﻔﻞ ﻭﻳﺮﻛﺾ ﻭﺭﺍ ﺍﻣﻪ
ﻣﻦ ﺣﺠﻪ ﻫﻴﺞ ﺍﻧﻘﻬﺮﺕ ﻋﻠﻴﻪ ﺑﻌﺪﻩ ﺩﻳﺤﺠﻲ ﻃﻠﻊ ﺑﺎﺑﺎ
ﺻﺎﺡ ﻫﻼ ﻗﺴﻮﺭ .. ﺳﻮﻳﺖ ﻣﺠﺎﻝ ﻟﺒﺎﺑﺎ ﻭﺍﻧﻲ ﺗﺮﻛﺘﻬﻢ ﻭﺩﺧﻠﺖ ..
ﻭﺳﻴﺒﻘﻰ ﻋﻨﺎﻗﻚ ﺇﻃﻤﺌﻨﺎﻥ
ﻳﻬﺪﺃ ﺑﻪ ﻛﻞ ﻭﺟﻊ .
ﻛﺎﻋﺪﺓ ﺑﺎﻟﻐﺮﻓﺔ ﻭﺑﻴﺪﻱ ﻣﻮﺑﺎﻳﻠﻲ
ﻭﺻﻔﺎﺀ ﻣﺘﻤﺪﺩ ﻉ ﺍﻟﺴﺮﻳﺮ ، ﺭﻏﻢ ﻳﺠﻤﻌﻨﺎ ﺍﻟﻤﻜﺎﻥ
ﺑﺲ ﻫﻮ ﻣﻮ ﻭﻳﺎﻱ ﺍﺑﺪ ، ﺍﺣﺴﻪ ﺑﻐﻴﺮ ﻋﺎﻟﻢ ﺻﺎﻓﻦ
ﻭﻣﺎ ﺍﻋﺮﻑ ﺷﻨﻮ ﺍﻟﻲ ﻳﺪﻭﺭ ﺍﺑﺎﻟﻪ ﻭﺍﺗﻤﻨﻰ ﺍﻋﺮﻑ ..
ﻣﻠﻞ ﻭﺿﻮﺟﺔ ﺑﺎﻭﻋﺖ ﻟﺼﻔﺎﺀ ﺑﺲ ﻣﺠﺎﻱ ﻋﻠﻰ ﺑﺎﻟﻲ
ﺍﻛﺴﺮ ﺍﻟﺠﻠﻴﺪ ﺍﻟﻲ ﺑﻴﻨﻨﺎ ، ﺍﺫﺍ ﻣﻮ ﻫﻮ ﻳﺒﺎﺩﺭ ﻣﺴﺘﺤﻴﻞ ﺍﻧﻲ ﺍﺗﻨﺎﺯﻝ ..
ﻃﻠﻌﺖ ﺭﻗﻢ ﺻﺪﻳﻘﺘﻲ ﻭﺩﺍ ﺍﺣﺎﻭﻝ ﺍﺗﺼﻞ ﺑﻴﻬﺎ
ﺑﺲ ﻣﺪﺗﻀﺒﻂ ، ﻣﻮﺑﺎﻳﻠﻲ ﻣﺎﺍﻋﺮﻑ ﺷﺒﻲ ﻛﻞ ﻣﺎﺍﺭﻳﺪ ﺍﺗﺼﻞ ﻣﺎﺍﻛﺪﺭ ...
ﻛﻤﺖ ﻣﻦ ﺍﻟﺴﺮﻳﺮ ﻭﺗﻮﺟﻬﺖ ﻟﻠﺠﻬﺔ ﺍﻟﺜﺎﻧﻴﺔ
ﺍﺣﻮﺱ ﺑﻲ ﻣﺎﻛﻮ ﻓﺎﻳﺪﺓ
ﺳﻤﻌﺖ ﺻﻮﺕ ﺻﻔﺎﺀ -: ﺷﺒﻴﺞ ﺗﺤﻮﺳﻴﻦ ﺟﻨﺞ ﺩﻭﺍﻣﺔ ؟؟
ﻇﻠﻴﺖ ﺍﺷﺮ ﻉ ﺍﻟﻤﻮﺑﺎﻳﻞ : ﻣﺪﺭﻱ ﺷﺒﻲ ﻣﻮﺑﺎﻳﻠﻲ
ﺍﺷﻮ ﻣﺎﺟﺎﻱ ﺍﻛﺪﺭ ﺍﺗﺼﻞ ﺑﺼﺪﻳﻘﺘﻲ .....
_ ﺍﺷﻮ ﺟﻴﺒﻲ ﺍﺷﻮﻓﻪ
ﻣﺪﻳﺖ ﺍﻳﺪﻱ ﻭﺍﻧﻄﻴﺘﻪ ﺍﻟﻪ
ﺍﺧﺬﻩ ﻣﻨﻲ ﻭﻛﻌﺪ ، ﻧﺰﻝ ﺭﺟﻠﻴﻪ ﻉ ﺍﻻﺭﺽ
ﺗﻜﻠﻢ ﺑﺒﺮﻭﺩ ﻭﻫﻮ ﻳﺒﺎﻭﻉ ﻟﻠﻤﻮﺑﺎﻳﻞ ؛ - ﺷﺒﻲ ﺧﺎﻑ ﻣﺎﻋﻨﺪﺝ ﺭﺻﻴﺪ ؟
_ ﻻ ﺑﻲ ﺭﺻﻴﺪ ﺑﺲ ﺍﻱ ﺭﻗﻢ ﺍﺗﺼﻞ ﺑﻲ ﻳﻌﻠﻚ ﻭﻳﻄﻠﻊ ﻣﻦ ﺍﻟﻤﻜﺎﻟﻤﺔ ...
ﺿﻞ ﻳﺸﺘﻐﻞ ﺑﻲ ﻭﺍﻧﻲ ﺍﺑﺎﻭﻋﻠﻪ ... ﺗﺬﻛﺮﺕ ﺍﻟﻤﻼﺑﺲ ﺑﺎﻟﺤﻤﺎﻡ ، ﻃﻠﻌﺖ ﻣﻦ ﺍﻟﻐﺮﻓﺔ ﻭﻧﺰﻟﺖ ﺟﻮﺓ ، ﺩﺧﻠﺖ ﻟﻠﺤﻤﺎﻡ
ﺩﺍﺍﻃﻠﻊ ﺍﻟﻤﻼﺑﺲ ﻻﻥ ﻧﺸﻔﺘﻬﻢ ﻭﺷﺮﻳﺖ ﻗﺴﻢ ﻭﻗﺴﻢ ﺑﻘﻰ
ﺩﺍﺍﺭﻳﺪ ﺍﻃﻠﻊ ﻣﻦ ﺍﻟﺤﻤﺎﻡ ﻣﺎﺍﺣﺲ ﺍﻻ ﺻﻔﺎﺀ ﺻﺎﺭ ﻛﺒﺎﻟﻲ
ﺻﺎﺭ ﺣﺎﺟﺰ ﺑﻴﻨﻲ ﻭﺑﻴﻦ ﺑﺎﺏ ﺍﻟﺤﻤﺎﻡ
ﺑﺎﻭﻋﺘﻠﻪ ﻋﻴﻮﻧﻪ ﺻﺎﻳﺮﻩ ﺑﻜﺼﺘﻪ
ﺳﺘﺮﻙ ﻳﺎﺭﺏ ﺷﺼﺎﻳﺮ ﺷﺒﻲ ﻳﺒﺎﻭﻋﻠﻲ ﻫﻴﺞ
ﻭﺍﺣﺲ ﺑﻨﻈﺮﺍﺕ ﺍﻻﺗﻬﺎﻡ ﺗﺸﻊ ﻣﻦ ﻋﻴﻮﻧﻪ؟
ﺍﺟﻪ ﺗﻘﺮﺏ ﻋﻠﻴﻪ : ﺯﻫﺮﺍﺀ ﻣﻦ ﺷﻮﻛﺖ ﻫﺬﺍ ﺍﻟﺮﻗﻢ ﻳﺪﺯﻟﺞ ﺭﺳﺎﺋﻞ ؟ ﻭﻟﻴﺶ ﻣﻜﻠﺘﻴﻠﻲ؟ ﺗﻌﺮﻓﻲ ﺍﻧﺘﻲ؟
ﺍﻧﺼﺪﻣﺖ !!! ﺍﻧﻲ ﻣﺮﺩﺕ ﺍﻛﻮﻟﻪ ﺣﺘﻰ ﻣﻴﺸﻚ ﺑﻴﻪ
ﻭﺗﺎﻟﻲ ﺣﻈﻲ ﺍﻻﻏﺒﺮ ﺷﺎﻓﻬﻢ ﻣﻊ ﺍﻟﻌﻠﻢ ﺍﻧﻲ ﺩﺍﺋﻤﺎ ﺍﺣﺬﻓﻬﻢ ﺑﺲ ﻣﺮﺍﺕ ﻳﺪﺯ ﻣﺴﺠﺎﺕ ﻣﺎ ﺍﻛﻠﻒ ﻧﻔﺴﻲ ﻭﺍﺍﻗﺮﺍﻫﻢ
ﻓﻴﺒﻘﻮﻥ ﺑﺎﻟﺠﻬﺎﺯ ﻭﺍﻟﻴﻮﻡ ﺭﺍﺡ ﻋﻦ ﺑﺎﻟﻲ ﻭﻧﺴﻴﺘﻬﻢ ..
ﺟﺎﻭﺑﺘﻪ ﺑﻨﺒﺮﺓ ﻣﺮﺗﻌﺸﺔ ﺗﻨﺬﺭ ﺑﺒﻜﺎﺀ ﻗﺮﻳﺐ
_ ﺻﻔﺎﺀ ﻭﺍﻟﻠﻪ ﻣﺎﺍﻋﺮﻓﻪ ﻭﻫﻮ ﻣﻦ ﺍﻭﻝ ﻣﺘﺰﻭﺟﻨﺎ ﺑﺪﺃ
ﻳﺪﺯﻟﻲ ﺭﺳﺎﺋﻞ ﻣﻮ ﺍﻧﻄﻴﺘﻚ ﺍﻟﻤﻮﺑﺎﻳﻞ ﺑﻮﻗﺘﻬﺎ ﻭﻛﺴﺮﺕ
ﺍﻟﺨﻂ ﻭﻏﻴﺮﺗﻪ ﻭﺍﻟﻠﻪ ﻣﺎﺍﻋﺮﻑ ﻣﻨﻴﻦ ﺩﻳﺠﻴﺐ ﺭﻗﻤﻲ
ﺑﻘﻴﺖ ﺍﻋﺼﺮ ﺑﻴﺪﻳﻪ ﻭﻣﺪﻧﻜﺔ ﻭﺍﻋﺾ ﺑﺸﻔﺘﻲ
ﺣﺴﻴﺘﻪ ﺗﻘﺮﺏ ﻋﻠﻴﻪ ﻟﺪﺭﺟﺔ ﺟﺴﻤﻪ ﻃﺦ ﺑﺠﺴﻤﻲ
ﺭﻓﻌﺖ ﺭﺍﺳﻲ ﺑﻘﻴﺖ ﺍﺑﺎﻭﻉ ﺑﻮﺟﻪ ﺃﺭﻳﺪ ﺍﺷﻮﻑ ﻟﻴﺶ ﻫﻴﺞ ﺩﻳﺘﻘﺮﺏ ﻣﻨﻲ ﻫﺎﻻﻳﺎﻡ ﺍﺭﻳﺪ ﺍﻗﺮﺃ ﻋﻴﻮﻧﻪ
ﺍﻟﻤﺸﻜﻠﻪ ﻣﻦ ﻳﺘﻘﺮﺏ ﻣﻨﻲ ﻛﻞ ﺍﺣﻮﺍﻟﻪ ﺗﺘﺨﺮﺑﻂ ﻭﻧﻔﺴﻪ ﻳﺘﺨﺮﺑﻂ
ﻫﻤﺲ : ﺗﻌﺮﻓﻴﻦ ﺷﻲ؟
_ ﻻﺍﺍ ﺷﻨﻮ .. ﺟﺎﻭﺑﺘﻪ ﻭﻋﻴﻮﻧﻲ ﺗﺘﺤﺮﻙ ﺑﺎﻻﺭﺟﺎﺀ ﺍﺭﻳﺪ ﺍﺧﻔﻲ ﺗﻮﺗﺮﻱ ..
ﺗﻜﻠﻢ ﺑﻨﺒﺮﺓ ﺣﺰﻡ ﻭﺍﻧﻔﺎﺳﻪ ﺗﻀﺮﺏ ﻭﺟﻬﻲ
_ ﺃﻧﻲ ﻟﻮ ﻣﺎﻭﺍﺛﻖ ﻣﻨﺞ ﻭﺍﻋﺮﻑ ﺍﻧﺘﻲ ﺧﺎﻡ ﻭﻓﺘﺤﺘﻲ ﻋﻴﻮﻧﺞ ﻋﻠﻴﻪ ﺟﺎﻥ ﺍﻟﺒﻴﺖ ﺣﺮﻛﺘﻪ ﻫﺴﻪ ﻭﺩﺍﻋﺔ ﺍﻣﻲ ..
ﺩﻧﻜﺖ ﻇﻠﻴﺖ ﺍﻫﺰ ﺑﺮﺍﺳﻲ ﻋﻼﻣﺔ ﺍﻻﻳﺠﺎﺏ ..
ﻧﺼﻪ ﺻﻮﺗﻪ ﻟﺪﺭﺟﺔ ﺑﺎﻟﻜﻮﻩ ﺍﺳﻤﻌﻪ : ﺯﻫﺮﺍﺀ ﺍﻧﻲ ﻣﻦ ﻣﺎﺍﺧﺬﺗﺞ ﺗﺮﻯ ﺍﻟﻲ ﻗﺼﺪ ﺑﻴﻬﺎ ﻣﺎ ﺭﺩﺕ ﺍﻃﺨﺞ ﻭﺍﻧﻲ
ﺑﺎﻟﻲ ﺑﻐﻴﺮ ﻣﻜﺎﻥ ﺃﺭﻳﺪ ﺍﻛﻮﻥ ﺑﺲ ﺍﻟﺞ ﺩﺗﻔﻬﻤﻴﻨﻲ ﺯﻫﻮﺭﻩ؟
ﺑﻌﺪﻧﻲ ﻣﺮﺗﺒﻜﺔ ﻗﺮﺑﻪ ﻣﻨﻲ ﻳﻮﺗﺮﻧﻲ
ﺟﺎﻭﺑﺘﻪ : ﺍﻣﻤﻤﻢ ﺍﻱ ﺍﻱ ﺩﺍﺍﻓﻬﻤﻚ ﺻﻔﺎﺀ
ﻫﻮ ﻃﻮﻳﻞ ﻛﻮﻟﺶ ﺩﻧﻚ ﻟﻤﺴﺘﻮﺍﻱ ﻇﻞ ﻳﺒﺎﻭﻉ ﻉ ﺭﻛﺒﺘﻲ ﻭﻉ ﺍﻟﺸﺎﻣﻪ ﺍﻟﺒﻴﻬﺎ ﺗﻠﻤﺴﻬﺎ ﺑﺎﻃﺮﺍﻑ ﺍﺻﺎﺑﻌﻪ
ﻣﺮﺭ ﺍﺻﺎﺑﻌﻪ ﻋﻠﻰ ﺭﻛﺒﺘﻲ ﺑﺮﻗﺔ
ﻟﺤﺪ ﻣﺎ ﻭﺻﻞ ﻟﺤﻨﻜﻲ ﺭﻓﻊ ﻭﺟﻬﻲ
ﺑﺎﻭﻋﺘﻠﻪ ﺍﺑﺘﺴﻤﺘﻠﻪ ﺍﺑﺘﺴﺎﻣﺔ ﻣﺮﺗﻌﺸﺔ
ﻭﻋﻴﻮﻧﻪ ﻣﺮﻛﺰﻫﺎ ﻉ ﻋﻴﻮﻧﻲ .. ﻋﺒﺎﻟﻚ ﻧﻈﺮﺍﺗﻪ ﺗﺮﻳﺪ ﺗﺴﺮﻗﻨﻲ
ﻧﺼﻪ ﺑﺎﺱ ﺍﻟﺸﺎﻣﻪ ﻭﻃﻮﻝ ﺑﺎﻟﺒﻮﺳﻪ ....
ﺑﻌﺪﻫﺎ ﻇﻞ ﻳﺸﻢ ﺑﺮﻛﺒﺘﻲ ﺍﻧﻔﺎﺳﻪ ﺣﺎﺭﻩ ﺍﺣﺲ ﻗﻠﺒﻲ ﻣﺜﻞ ﻃﻴﺮ ﻣﺤﺒﻮﺱ ﺑﻘﻔﺺ ﻭﻇﻞ ﻳﺮﻓﺮﻑ ﺑﺠﻨﺤﺎﻧﻪ ﻳﺮﻳﺪ ﻳﻄﻠﻊ ﻣﻦ ﺳﺠﻨﻪ ... ﻭﺍﻧﻬﺎﺭﺕ ﻛﻞ ﺩﺭﻭﻉ ﺍﻟﻜﺒﺮﻳﺎﺀ ﺍﻟﻲ ﺣﺼﻨﺘﻬﺎ ﺿﺪﻩ ، ﺻﺎﺭﺕ ﻫﺸﻪ ﻭﺑﺴﺮﻋﺔ ﺗﺪﻣﺮﺕ
ﺍﻣﺎﻡ ﻫﺬﺍ ﺍﻟﺴﻴﻞ ﺍﻟﺠﺎﺭﻑ ﻣﻦ ﺍﻟﺤﺐ ﻭﺍﻟﺮﻏﺒﺔ ..
ﺟﻠﺪﻱ ﻛﺰﺑﺮ ﺩﺍﺍﺣﺲ ﺻﻔﺎﺀ ﻣﻮ ﻫﻮ
ﺍﻟﻲ ﺍﻋﺮﻓﻪ ﻓﻘﺪ ﻟﻤﺴﺎﺗﻪ ﺻﺎﺭﺕ ﺟﺮﻳﺌﺔ
ﺣﻄﻴﺖ ﺍﻳﺪﻱ ﻉ ﺻﺪﺭﻩ ﺍﺭﻳﺪ ﺍﺩﻓﻌﻪ ﻻﻥ ﺍﺣﻨﻪ ﺑﺎﻟﺤﻤﺎﻡ ﻭﺧﺎﻑ ﻋﻤﻪ ﺗﺪﺧﻞ ﻋﻠﻴﻨﺎ ﻟﺰﻡ ﺍﻳﺪﻱ ﻗﻮﻱ ﺧﺰﺭﻧﻲ
ﻭﻫﻤﺲ ﺑﻌﺼﺒﻴﻪ : ﻟﺘﺪﻓﻌﻴﻴﻴﻴﻦ ﻟﺠﺠﺠﺞ
_ ﺻﻔﺎﺀ ﻣﻮ ﺷﺴﻤﻪ
_ ﺍﺷﺸﺸﺶ ﻟﺘﻜﻮﻟﻴﻦ ﺷﺴﻤﻪ ﻛﻢ ﻣﺮﺓ ﻛﻠﺘﻠﺞ ﻟﺘﻜﻮﻟﻴﻬﺎ
_ ﺍﻭﻙ ﺑﺲ ﺍﺣﻨﻪ ﺑﺎﻟﺤﻤﺎﻡ ﻓﺪﻭﻭﺓ ﻭﺧﺮ ﻋﻴﺐ ﺧﺎﻑ ﺗﺠﻲ ﻋﻤﻪ ﺣﺒﺎﺏ
ﺍﺑﺘﺴﻢ ﻭﺍﺑﺘﻌﺪ ﻣﺴﺢ ﻣﻜﺎﻥ ﺍﻟﺸﺎﻣﻪ ﻭﺭﺍﺡ
ﺗﻨﻔﺴﺖ ﺍﻟﺼﻌﺪﺍﺀ ﻭﺍﻧﻲ ﺍﻣﺲ ﻋﺮﻙ ﻛﺼﺘﻲ
ﻫﻤﺰﻳﻦ ﻃﻠﻊ ﺑﺎﻟﻜﻮﺓ ﺳﻴﻄﺮﺕ ﻉ ﻧﻔﺴﻲ ﻭﺑﻘﻴﺖ ﻭﺍﻛﻔﻪ
ﻉ ﺭﺟﻠﻴﻪ ﺟﺴﻤﻲ ﺫﺑﻞ ﻭﻧﻔﺴﻲ ﺗﺨﺮﺑﻂ ﺑﻌﺪﻧﻲ ﻉ ﻧﻔﺲ ﻭﻛﻔﺘﻲ ﺟﺎﻥ ﺗﺠﻲ ﻋﻤﻪ
_ ﻳﺎﺍﺍﺍ ﻫﺎﻱ ﺑﻌﺪﺝ ﺑﺎﻟﺤﻤﺎﻡ ﻭﻟﺞ
_ ﻫﺴﻪ ﻋﻤﻪ ﺣﻄﻠﻊ
_ ﻻ ﻭﺍﻟﻠﻪ ﻋﻤﻪ ﺍﻟﻌﺘﺐ ﻣﻮ ﻋﻠﻴﺞ ﻉ ﺫﺍﻙ ﺍﺑﻨﻲ ﺍﻧﻮﺏ
ﻳﺘﺨﺘﻞ ﺑﺎﻟﺤﻤﺎﻡ ﺷﻨﻮ ﻳﻤﻪ ﻣﻤﻜﻔﻴﺘﻜﻢ ﺍﻟﻐﺮﻓﻪ
ﻣﺘﺘﺖ ﻣﻦ ﺍﻟﺨﺠﻞ ﺍﺣﺲ ﺩﻡ ﺟﺴﻤﻲ ﺗﺠﻤﻊ ﺑﺨﺪﻭﺩﻱ
ﻭ ﺣﺮﺍﺭﻩ ﺟﺴﻤﻲ ﺍﺭﺗﻔﻌﺖ ، ﺑﻌﺪﻫﺎ ﺗﺤﺠﻲ ﺭﺟﻊ ﺻﻔﺎﺀ
ﻣﺮﺓ ﺛﺎﻧﻴﺔ
ﻟﺰﻣﺘﻪ : ﻭﻟﻚ ﻳﻤﻪ ﺑﺲ ﻻ ﺣﺒﻠﺘﻬﺎ ﺑﺎﻟﺤﻤﺎﻡ ﺍﻧﻮﺏ ﻳﺠﻴﻨﻲ ﺣﻔﻴﺪ ﻣﺴﻜﻮﻥ ﺻﺨﺎﺍﺍﻡ ﺑﻌﻴﻨﻚ ﻛﻮﻥ
ﺻﻔﺎﺀ ﺿﺤﻚ ﺑﺼﻮﺕ ﻋﺎﻟﻲ ﻭﺟﺎﻭﺑﻬﺎ ﺑﻌﺪ ﻣﺎﻛﻤﻞ ﻧﻮﺑﺔ ﺍﻟﻀﺤﻚ : ﺍﻟﻠﻪ ﺍﻛﺒﺮ ﻫﻢ ﺍﻭﻝ ﺑﻮﺳﻪ ﻭﺍﻭﻝ ﺷﻤﻪ ﻭﺍﻧﻠﻜﻔﺖ ﺑﻴﻬﺎ ﻫﻮ ﺍﻟﺤﻈﻪ ﺍﻋﻮﺝ ﻳﺒﻘﻰ
ﺍﻋﻮﺝ
ﻳﺒﻮﻭﻭﻭ ﺍﻧﻮﺏ ﻫﺬﺍ ﻭﻻﻳﺨﺠﻞ ﻳﺤﺠﻴﻬﺎ ﻃﻚ ﺑﻄﻚ
ﻫﻤﺰﻳﻦ ﻋﻤﻪ ﻣﻔﻬﻤﺖ ﻛﻼﻣﻪ ﺗﺮﻛﺘﻬﻢ ﻭﺻﻌﺪﺕ ﺭﻛﺾ
ﻟﻠﻐﺮﻓﻪ ﺣﺘﻰ ﺍﻟﻤﻼﺑﺲ ﺗﺮﻛﺘﻬﻢ ﻭﺭﺍﻱ ﻭﻣﺎﻛﻤﻠﺘﻬﻢ
ﺻﻌﺪﺕ ﻭﺍﺳﻤﻊ ﻋﻤﻪ ﺗﺤﺠﻲ ﻭﺗﻀﺤﻚ : ﺍﻧﻮﺏ ﺣﺘﻰ ﺍﻟﻤﻼﺑﺲ ﺗﺮﻛﺘﻬﻢ ﺍﻟﻌﻮﺑﻪ ﺍﻧﻲ ﺻﺤﺘﻬﺎ ﺗﺸﺮﻫﻢ ﻟﻮ ﺻﺤﺘﻬﺎ ﺣﺘﻰ
ﺗﺨﺘﻞ ﺑﺎﻟﺤﻤﺎﻡ
ﺻﻔﺎﺀ ﻳﻜﻮﻟﻬﺎ : ﺩﻳﻼ ﻳﻤﻪ ﻫﺴﻪ ﺍﻧﻲ ﺍﺷﺮﻫﻢ ﺍﻟﺞ
ﻭﻫﻴﻪ ﺗﻜﻮﻟﻪ ﺩﻳﻠﻠﻪ ﻋﻴﻨﻲ ﺍﻟﺪﻛﺘﻮﺭ ﺩﻧﺸﻮﻑ ﺷﻮﻥ ﺗﺸﺮﻫﻦ ..
ﺩﺧﻠﺖ ﻟﻠﻐﺮﻓﺔ ﻭﺧﻠﻴﺖ ﺍﻳﺪﻱ ﻋﻠﻰ ﻗﻠﺒﻲ
ﺗﺬﻛﺮﺕ ﺍﻟﺼﺎﺭ ﺑﺎﻟﺤﻤﺎﻡ ﻗﺒﻞ ﺷﻮﻳﻪ
ﻻ ﺍﺭﺍﺩﻳﻪ ﺍﺑﺘﺴﻤﺖ ﻭﺧﻠﻴﺖ ﺍﻳﺪﻱ ﻋﻠﻰ ﻗﻠﺒﻲ
ﻏﻤﻀﺖ ﻋﻴﻮﻧﻲ ﻭﺍﻧﻲ ﺍﺣﺲ ﺍﻟﻤﻮﻗﻒ ﻳﻨﻌﺎﺩ
ﺑﻜﻞ ﻟﺤﻈﺔ ، ﺍﺣﺲ ﺍﻧﻔﺎﺳﻲ ﻣﻠﻴﺎﻧﻪ ﺑﻌﻄﺮﻩ
ﻭﻟﺬﺓ ﺑﻜﻞ ﺟﺴﻤﻲ ﻭﺟﺴﻤﻪ ﻗﺮﻳﺐ ﻣﻨﻲ ...
ﺣﺴﻴﺖ ﺑﻴﺪﺓ ﺍﻟﺒﺎﺏ ﺗﺤﺮﻛﺖ ﻃﻜﻴﺘﻬﺎ ﺭﻛﻀﺔ
ﻟﻠﺤﻤﺎﻡ ﻣﺎﻝ ﺍﻟﻐﺮﻓﺔ ، ﺩﺧﻠﺖ ﻭﺳﺪﻳﺖ ﺍﻟﺒﺎﺏ ..
****
ﻋﺒﻴﺮ : ﺩﻧﻴﺎ ﺍﻟﻌﺼﺮ ﺟﻨﺖ ﺑﻐﺮﻓﺘﻲ ﺻﻌﺪﺗﻠﻲ ﻣﺎﻣﺎ ﺗﺒﺎﻭﻋﻠﻲ ﻣﻦ ﻭﺭﺍ ﺧﺸﻤﻬﺎ : ﺃﺳﻤﻌﻲ ﻋﺒﺮﺓ ...
ﻃﻔﺮﺕ ﻣﻦ ﻣﻜﺎﻧﻲ ﻭﺻﺤﺖ ﻳﺎﺳﺘﺎﺭ ﻣﺘﻜﻮﻟﻲ ﻋﺒﺮﺓ ﺍﻟﻪ ﺍﺫﺍ ﺻﺎﻳﺮ ﺷﻲ !!!!

ﻳﺘﺒﻊ