(الي ميعرف للهجه العراقيه لا يقره احسن)
كعد الصبح على صوت اخوانه بلمطبخ كام من جربايته وهوه يتثاوب راح للكنتور وطلع فانيله نص ردن بيضه وبنطرون جينز ودخل للحمام سبح ولبس ملابسه وفرج اسنانه ونشف شعره ورتبه وطلع وكف كدام المرايه تعطر وكل عاده خله شويه حمره على شفايفه (هواي يحجون عليه بن وره الحمره بس)(مايبطل صارت سوله متعود عليهة)
المهم لبس نضارته الشمسيه ونزل للطابق الارضي سلم على اخته الزغيره وباس راس امه وايد ابو وكعد علسفره يتريك كمل ريوكه وصعد لغرفته اخذ محفضته وتلفونه وطلع من البيت وكف علرصيف وطلع تلفونه من جيبه واتصل على صديقه: الو
___: هلو عيني اشونك حمدمد
احمد: محمد موكت تفاهتك راح الوكت
محمد: امداك مو صوجك صوج الي يدلعك
احمد: دلع ومنك ماريد شكراً بس يلا فضني تره راح الوكت شوكت نوصل!
محمد: هسه اني بلطريق وبعدين على شنو مستعجل ماشبعت من وجه معلم الجغرافيه الخايس
احمد (بضحكه: اي اي ماشبعت جا غير كليوميه يصلخنه لان نتأخر بس خلصني
محمد: هسه ديلا سد الخط جلبت اني جاي اسوق بلسياره عيني على الطريق جان هسه سديته بوجهك بس شسوي
احمد: ديلا باي
محمد: باي عيني
.........................................
سد الخط ودخل التلفون بجيبه وكف يباوع على الشارع شويه واجه محمد بلسياره بدون مقدمات فتح باب السياره وركب بصفه بلسدر
محمد: شو لا سلام لا كلام
احمد: قبل شويه جنت احجي وياك شعندي قابل
محمد: اكلك شو انت ضعفان حيل وصاير ناعم تنوكل (بضحكه باخر كلامه)
احمد: اكلك محمد سوق ولاتخلني اكسر خشمك ابوكسي
محمد: على كيفك يعني هسه احنه شكنالك بس صدك انت امبين ناعم بهذني الملابس كل مره ملابس اسود ومعريض ومدري شنو يطلعنك اااششككببرر!!
احمد (ابضحكه: هسه ديلا خلصني راح الوكت
بدون ميرد عليه محمد شغل السياره وانطلق بطريقه لمدرسه الاعداديه هوه وبلطريق كام يسولف ويضحك ويه احمد وما انتبه الى وشخص اجه كدام السياره باوع محمد وصرخ باعلا صوته وحاول يوخر عن الشخص الي اجه كدامه بس مكدر وضرب الشخص وخلاه يوكع على الشارع والدم حوالي من قوه الاصتدام طلعو من السياره بسرعه وتوجهو للشخص الي مرمي بلكاع محمد يباوع ويرجف واحمد يصرخ ويضرب بچتف محمد احمد: محمد محمد شنو راح نسوي محمد احجي محمد احنه راح ندخل السجن من وراك والله اذا هيج صار متلوم اله نفسك!
ما لكه رد منه وضل يباوع وادموعه تنزل سمع صوت واحد يصيح باعله صوته باوع ويده كامت ترجف اجه شخص يركض وكعد بلكاع وشال الجثه وكام يصيح بصوت ذخين وعالي
____: انتو شسويتو بصديقي الله لا يوفقكم ولاد العار اني الكم بس خل الحك على صديقي والله العظيم مراح اعوفكم ترتاحون
وشال الصديقة واتوجه لسياره شوي بعيده دخل السياره وتحرك واحمد باوع على محمد لكا على نفس وضعه ضربه على راسه بجف ايده حط محمد ايده على راسه وباوع على احمد
احمد: امشي خل نلحكه نشوف شصار للولد!
محمد: احمد والله اخاف احمد اني راح يذبحني ابوي والله العظيم احمد اني شسوي والله راح اموت!
باوعله احمد وحجه بهدوء: الي يسألك او وريدون يعرفون شصار كول احمد جان يسوق بس خلصني فقدنه اثره
باوعله محمد وراد يرد بس دفعه احمد للسياره كعد احمد بمكان السايق ومحمد بصفه باوعله محمد: ليش انت الي تسوق!
احمد: حته لحد يشك ان مو اني الي دعمته وحته تصير بصماتي على الستيرن
______________________________
نهاية البارت ادري ان البارت قصير بس كبدايه وراح اطول البارتات الجايه انشالله وباي♡
أنت تقرأ
"فصليه عراقيه"+متوقف
Randomبلهجه عراقيه~(gay)(ولد+ولد) بدأت2023/9/11 انتهت...................
