"فصليه عراقيه"+متوقف

part 4

تجاهله سالار واستدار ودخل المستشفى واحمد باوع على محمد الي ضحك وسد الجامه واحمد ضل يضرب بل جامه ويسب ويغلط

..............
«بيت احمد»

ابو احمد جان كاعد بلهول ويشرب جاي ومرته كاعده يمه تلف دولمه(ورق عنب) شويه ودك تلفون ابو احمد سحب التلفون ورد بدون مقدمات: الو

المدير: السلام عليكم ابو احمد شلونك شخبارك.

ابو احمد: وعليكم السلام والله الحمدلله بخير تفضل خوماكو شي.

المدير: والله يابو احمد اتصلت عليك اريد اعرف ليش ولدك ما اجه للمدرسه اليوم؟.

باوع ميثم(ابو احمد) لمرته الي عافت الي ابأيدهة وتباوع على ميثم بمعنه شنو؟.
: اشلون ما اجه قبل نص ساعه طلع من البيت متوجه للمدرسه.

المدير: والله يابو احمد ما اجه للمدرسه واني اتصلت بيك بس ردت ابلغك او اعرف ليش غايب لا اكثر ولا اقل.

ميثم: يلا عيني اخذ راحتك.

-_-_-_-_-_-_-_-_-_-_-_-_-_-_-_-_-

نزل التلفون وباوع على مرته: هم كالج احمد وين راح؟.

باوعتله باستغراب: لا مكلي ميثم ابني ما يغيب بدون سبب ابني واعرفه يجوز تعطلت السياره بلطريق؟!.

اخذ التلفون مره ثانيه ودك على ابنه وفتح سبيكر

ميثم: الو

احمد: ها ابوي تفضل.

ميثم: احمد انت وين.

احمد: اني يم المستشفى.

ميثم من سمع هاذي الجمله كمز من مكانه وامه كامت وحطت ايدهة على حلكهة: شتسوي يم المستشفى شبيك عيوني بيك شي احجي!.

احمد: لا لا بابه على كيفك لا تخاف اني كلشي مابيه.

ميثم: لعد شتسوي هناك.

احمد: هسه شويه واوصل للبيت واكلك شسوي يلا باي.

سد لاتصال

كعد ميثم وكعدت مرته كدامه شويه وكامت نوال(ام احمد): اني راح اروح اشوف بنتي نور لان كالت تعبانه وما راحت للمدرسه لما يجي ابني احمد.

ميثم ماحجه شي وراحت نوال لبنتهة

-_-_-_-_-_-_-_-_-_-_-_-_-_-_-_-

محمد: ها عيني تريد تعوفني وحدي وتروح.

احمد: محمد بس اشوف اهلي واطمنهم وارجع لا تخاف ما عوفك.

محمد: احمد اكلك اني راح اروح منا ما ابقه خاف يطلعون اخوان الولد ويضربوني.

احمد: يمعود رحمه للأسلام هسه من عايفين اخوهم وجايين يضربوك هم براسهم عقل دولي.

محمد: لعد راح اجي وياك.

احمد: يعني بل حالتين اله تمشي مو.

محمد: اي.

_-_-_-_-_-_-_-_-_-_-_-_-_-_-_-_

(بلمستشفى)

طلع الدكتور واهل تيم كلهم تجمعو على الدكتور ام تيم: دكتور ابني شبي صار زين؟!.

ابو تيم: دكتور طمني ابني شبي؟!.

الدكتور: ابنك بخير...

ام تيم: الحمدلله يارب.

الدكتور: بس دخل بغيبوبه.

من سمعو بهاذي الجمله ام تيم فقدت الوعي وسالار لزم امه ويضرب على خدهة يريد يصحيهة واياد مايفرق حاله من حال ابو الي واكف مثل الصنم بدون تعابير.

ـــــــــــــــــــــــــــــــــــــــــــــــــــــــــ
نهاية البارت اعرف انه قصير بس انا عندي دراسه وبسبب شخصين علقو على البارت الثالث الهموني وخلوني اكتب هاذه البارت وشكراً اذا جاب تفاعل وتعليقات انشاءالله احاول انزل بارت عن قريب وشكراً باييي.