سلكو على الاخطاء لان ماعدلت على البارت
استمتعو
ــــــــــــــــــــــــــــــــــــــــــــــــــــــــ
حس نفسه بي خموله طفة التلفون وعدل نومته ويريد ينام غمض عيونه وسمع صوت هورن مال سياره كعد على حيله ويباوع على الباب ثواني ودخلت نوال تركض: احمد وصلت السيارة!.
احمد بأستنكار: منو؟.
نوال جرته من ايده مخليته يلحكهة: ولك اخو الولد الي دعمته يمكن سمعت ابوك يگول اسمه مؤمن اذا ما جنت غلطانه.
احمد فتح عيونه بصدمه جانو بوسط بايات الدرج جر ايده وباوع على ابو الي دخل للبيت: احمد يلا بساع السياره واگفه بلباب.
احمد صرخ بصوت عالي: يعني انت ماحاجيتهم يابه اشون اني اروح فصليه شبيكم انتو ماتفكرون لو ماكو عقول براسكم؟!.
تقدم ميثم صاعد الدرج منطي صطره دار وجهة للجهة الثانيه راد يوگع بس نوال لزمته احمد عض شفته مانع دموعه تنزل باوع على ابو الي عيونه تشتعل نار: لك كلب ابن الكلب من شوكت صوتك يعله علي وتتجاوز بلحجي هاا.
نوال جرت ايد ميثم: ميثم كافي لا هيج تسوي الولد خطيه مگال شي عوفه بحاله!.
ميثم راد يريد على نوال بس قاطعته بحجيهة: احمد ابني لا هيج تحجي بعد اريدك شويه تخفف من عنادك وعصبيتك لان راح تروح يم وادم مانعرفهم خليهة تمر على خير بس جم يوم لما يصحه الولد ونخلص زين ابني؟...... احمد تسمعني؟.
احمد هز راسه بخفة تقدم متخطيهم متوجه للباب ركضت ورا نوال جارته لحضنهة احمد جان هادء غير عادتة نوال شدت على حضن احمد وره كم دقيقه بدأت تطلع شهقاتهة الخفيفة احمد حضنهة بقوه باسهة من راسهة و وخر مسح دموعهة ورجع باس خدهة طلع ميثم يم السياره
نوال باوعت على احمد وحجت بصوت مرتجف: احمد ابني فدوه الگلبك لا تسوي شي تكسر گلبي عليك فدوه يمه.
احمد رجفت شفته ودار وجهة نوال باوع على احمد: زين ابني؟.
احمد: احاول.
نوال سكتت لثواني: احمد لعد شو مامجهز لا جنطه لا ملابس لا تلفونك اشون تروح؟.
احمد رجع باوع عليهة: مايقبلون اجيب اي شي وياي موزين خلوني البس ملابس ماروح مصلخ.
نوال ابتسمت على كلام احمد ورجعت باوعت على الباب الي انفتح ميثم باستعجال: خلصوني الولد صارله ساعه واگف بلباب.
احمد اخذ ايد امه بايسفه وطالع ورا ميثم نوال من طلعو رجعت على نحيبهة
وگف يم الباب يباوع على السياره
(جي كلاس سوده مضلله) ثواني وانفتح باب السائق طالع منه مؤمن واگف گدام احمد وماد ايده باوع احمد على مؤمن ثواني وصافحه مؤمن وخر متجه للسياره فاتح الباب الخلفي وتكلم بصوته العذب: تفضل احمد.
احمد باوع على ابو وتقدم صاعد للسياره ودع مؤمن ميثم وصعد هوة الثاني للسياره تحركت السياره وطول الطيرق مؤمن جان هادء واحمد يفكر هاذه اشون صار اخو سالار واياد الي الوكت كله مكشرين اما مؤمن وجهة بشوش والضاهر انه محترم لابعد الحدود
وره ربع ساعه وكفت السياره فتح الباب مؤمن ونازل سد الباب وتوجه لجهت احمد فاتح الباب: تفضل.
نزل احمد يباوع على البيت الاشبه بلفيلا من جماله وكبره تكلم مؤمن بعد ما تأكد من ابواب السياره: ها عجبك البيت؟.
احمد ماحجه تقدم مؤمن و ورا احمد داخلين للبيت التقت اعين احمد واياد الي جان متمدد على التخم كام على حيله ويباوع عليهم مؤمن حجه بهدوء: اياد ارجع اگعد مابيه حيل مشاكلك.
اياد خزر احمد ورجع گعد باوع مؤمن على احمد: تفضل استريح.
احمد ما جان مرتاح بس ماحجه شي وگعد مقابل لاياد باوع احمد على سالار الي نزل من الدرج باستعجال: مؤمن انطيني السويج بساع اريد.....
سكت لمن شاف احمد فتح ادي وحجه بستهزاء: اهلا وسهلا بحضورك.
احمد نزل راسه متجنب النضر لعيون سالار
ــــــــــــــــــــــــــــــــــــــــــــــــــــــــ
يتمشه بلشارع وسماعات الهتفون بأذانه منسجم ويه الاغنيه فز من صوت الرنين مال التلفون الي سطره رد على المكالمه بدون مايشوف منو المتصل: الو.
......: الو حضرتك رائد جابر؟.
رائد بأستغراب من الصوت: اي تفضل منو حضرتك؟.
......: وياك غيث سكرتير الرأيس لشركة كريتيڤيدي(creativity)
رائد بعدم صبر: اي تفضل!.
غيث: حضرتك قدمت على وضيفة قبل اربع ايام وبعد التحقق من ملفك تم قبولك.
رائد سد السبيكر وگام يگمز ويصرخ
غيث: سيد رائد؟.
رائد فتح السبيكر: اي وياك شوكت اگدر ابدي بالشغل؟.
رائد: بعد يومين واذا تطول بلسفر ثلاث ايام.
رائد: لا انشاء الله يومين اني يمكم.
غيث: اتفقنه يلا اخذ راحتك.
رائد: مع السلامه.
(انتهى الاتصال)
ــــــــــــــــــــــــــــــــــــــــــــــــــــــــ
انتها البارت رأيكم ارائكم انطوني افكار للبارت الجاي بليز
وبس اشوفكم بلبارت الجاي مع السلامه.
أنت تقرأ
"فصليه عراقيه"+متوقف
Randomبلهجه عراقيه~(gay)(ولد+ولد) بدأت2023/9/11 انتهت...................
