تجاهلو الاخطاء
استمتعو......
ـــــــــــــــــــــــــــــــــــــــــــــــــــــــــــــــــ
احمد بلمطبخ گاعد على الكرسي ومخلي راسه على الطاوله ومغمض عيونه
نزل سالار من الدرج ودخل المطبخ قرب من احمد ودنگ وباس خده فز احمد وشال راسه يباوعله شويه ورجع راسه على الطاوله مره ثانيه
جر الكرسي الي بصفه وگعد مد ايده وبعثر شعره: اگلك.
فتح عيونه بخفه وباوعله: نعم؟.
ابتسم ومرر ابهامه على خده: ليش ماتنطيني فرصه ثانيه واوعدك اذا ماتغيرت وصرت زين وياك اعوفك بحالك وما ازعجك؟.
باوعله احمد بهدوء بدون ميحجي سالار دنگ راسه شويه يباوع بوجهة: ها شگلت؟.
شال راسه من الطاوله وارتكز حنجه على جف ايده: واذا صرت اضرب من هيج بعد؟.
ابتسم ورسم باصبعه علامة اكس على مكان گلبه: توبهةة.
تنهد احمد وگام من الطاوله ماشي بخطوات معتدله طالع من المطبخ: موافق.
ابتسم سالار بوسع وركض وشال احمد وافتر بي واحمد يصيح ومجلب بركبته: ولكك مو گلت توبهةة بطل راح توگعنييي!.
ضحك بصوت عالي واحضنه: ولك جا غير مامصدگ ماطگت عندك وما رفضت!.
احمد تردد شويه بس بادله الحضن
نزل محمد من الدرج وباوع عليهم: هاي شكوو؟!.
باوعله سالار وماخله احمد يوخر عنه: سلامتك ماكو شي بس مرتي رجعتلي.
محمد ضل واگف مو مستوعب نزل مؤمن من الدرج: اي مبروكك واني هم عرسي عن قريب!.
وخر احمد من سالار وباوع على مؤمن: سلامات من شوكت شبساع وهية منو ومنين عرفتها؟؟.
محمد باوع على مؤمن بعقدة حاجب ضحك مؤمن وقرب من محمد محاوط خصره: هاذي العروسه گدامكم واسألوهة!.
احمد باوع على محمد بنضرات عجز مؤمن يفسرها دار وجهة وطلع من البيت لاحگه سالار لزم ايده وجره مخلي يباوع عليه: ها احمد شكو شبيك؟!.
راد يدفعه بس تذكر اتفاقهم وضل ساكت باوعله سالار بتفحص: انت متريد محمد يصير ويه مؤمن؟.
أنت تقرأ
"فصليه عراقيه"+متوقف
Randomبلهجه عراقيه~(gay)(ولد+ولد) بدأت2023/9/11 انتهت...................
