باوعله محمد ومحجه بسبب الاكل الي تارس حلكه بي ضحك احمد بأعلى صوته بلع محمد لكمته وباوع على احمد: على شنو تضحك تدري بيه من اتوتر اجوع بعد على شنو الضحك.
احمد لزم بطنه من الضحك: ولك باوع شكلك اشلونه يالله.
باوع محمد على شكله بل امرايه وشاف وجهة ملطخ صاص(كاتشب) ضحك محمد على نفسه واخذ كلينس ومسح وجهة باوع على احمد الي سند ايده على الباب وضل واكف: ها خير بشر شصار شو انته ولا جن واحد اندعم تتمضحك صارلك ساعه ولا على بالك.
دار عيونه بملل وتنهد: والله يمحمد شو حاس راح تصيرلنه سالفه شطولهة شعرضهة.
باوعله محمد بهدوء: احمد زين شراح نسوي اذا مات؟.
باوعله احمد ومد ايه من الجامه وضرب راس محمد: يعني انته ما تفاول اله بشر ياعار.
ضحك محمد واحمد ضل صافن عل شارع انتبه احمد لواحد طلع من المستشفى ركز عليه زين: محمد محمد باوع هذاك الرجال هاذه اعتقد اخو الولد الي دعمنا لان اجه ويه اهله.
باوعله محمد وصوفر: يمعود شو هاذه هلكد حلو خرب يومه.
ابتسم احمد بجانبيه: عيني اكو واحد احلا منه وهم اخو بس هوه مسوي روحه زلمه مدري شنو وعنده اخو ثاني والله العظيم لو شويه جان كفرني.
ضحك محمد وضل يباوع لحد مدخل الشخص للسياره وشقلها وتحرك: اكلك اني راح اروح للبيت.
باوعله احمد وفتح حلكه: خاب ما تسكت دعمتلك واحد وراح تطيح براسي وفوكاها متونس ويريد يروح للبيت تره غير شغله هاي.
سمع احمد صوت خطوات من ورا اندار وباوع على سالار الي اجه وكف كدامه: اخوي حالته استقرت بس لا عبالك نسكت عن حق اخوي لا والله اله اشوفك نجوم الضهر.
ضل احمد ساكت ومحمد كلع راسه من الجامه يباوع على احمد ويرد يباوع على سالار: انت شكد طولك شو انت عامود واكف كدام احم... اخ.
ماكمل كلامه بسبب احمد الي ضربه على راسه باوعله سالار بطرف عينه: انتو شنو اسم عشيرتكم.
مالحك يحجي احمد بسبب محمد الي اندفع بلكلام: عشيرتنه هيه*........* بس ليش تسأل؟.
باوعله سالار: لان اريد اعرف حته اذا صار شي لاقدر الله اعرف شسوي.
ضحك احمد وحط ايده على جتف سالار بس جان شبه واكف على طرف رجليه: لنفرض صار شي شراح تسوي يا استاذ..
حجه سالار مقاطع احمد: لو نكتلك لو ناخد فصليه.
وخر احمد ايده عن جتف سالار وضحك بصوت عالي وانتبه محمد على تعابير وجه سالار الي عقد حواجبه والي فهم انه يتضايق من الصوت العالي
رجع احمد يباوع على سالار ويبتسم: اول شي ماعدنه بنات ثاني شي تريد تصير دم بدم يلا اكتلني شعندك منتضر.
تقدم احمد واكف كلش قريب من سالار ورفع راسه: تره عود اني لا خايف منك ولا من اكبر واحد لذالك لا تهدد تفتهم لو لا.
ـــــــــــــــــــــــــــــــــــــــــــــــــــــــــ،
نهاية البارت اعرف ان البارت مره قصير بس لاني ادرس والدروس متراكمه على راسي وابي دعم يشجعني اني اكمل رجائاً.
أنت تقرأ
"فصليه عراقيه"+متوقف
Randomبلهجه عراقيه~(gay)(ولد+ولد) بدأت2023/9/11 انتهت...................
