تجاهلو الاخطاء
استمتعو~
ــــــــــــــــــــــــــــــــــــــــــــــــــــــــــ
الساعه 7:00ل
گاعد اياد وتيم ومحمد ومؤمن واحمد وسالار على الطاوله يتعشون وسوالف وضحك بيناتهم
سالار مخلي حنجه على ايده وبأيده الثانيه خاشوكه يكلب بيهة بلماعون الكزاز وتركيزه ويه احمد الي يسولف ويه اياد ويضحك
ومؤمن يسولف لمحمد عن الشركه مالتهم وتيم ساكت ويباوع عليهم
لحد ما حمحم تيم جاذب انتباهم: أ..اريد اگللكم شغله بخصوص حياتي الجايه.......بس سالار لا تكمز من يمك خليني اكمل حجي وانوب انطي رأيك خوش؟.
باوعله سالار ورفع حاجبه واعتدل بگعده: ليش لازم السالفه مبينه طافره.
ضحك مؤمن وندسه محمد بكوعه، باوع تيم عليهم وحجه: هيه مو طافره بس يعني يجوز متتقبلوهة شويه.
من شاف صمتهم تنهد: اني ارتبطت برجال...
قاطعه سالار وكام على حيله وأشر بأيده عليه: اوگف اوگف شجاي تهبد شنو ارتبطت شنو برجال وانت شوكت كمت تطلع واشوكت صرت تحب شجاي تمضرط انتَ؟!.
باوعله احمد وجر سالار مخلي يگعد وحجه: ترا مو ربه وحد يجوز يحب الرجال من فتره حلال عليك حرام عليه؟.
باوع تيم على مؤمن الي تعبيره عادي عكس سالار الي عاقد حواجبه بانزعاج واياد الگالب خلقته بس ساكت: مؤمن....تتذكر الرجال الي شفنا بمدينة الالعاب الي عنده بنت؟...هوه نفسه.
ضرب سالار الطاوله بأيده ورفعهم شويه يحجي بنتر: ايي مو هيه هاذي الناقصه انوب عنده بنيه اي وبعد ومتزوج عشر نسوان وانت ماخذك احتياط خاف مايشبعنه نسوانه!.
باولعه تيم بانزعاج: سالار تره مصختهة ترا هوَ ماعنده احد بس هوه وبنته ومرته متوفيه.
باوع احمد على سالار ولزم ايده: گبر شبيك كل شويه تگب من يمك بعدين شدخلك حياته لو حياتك؟؟.
اياد هز راسه شويه واخذ گلاص المي يشرب منه، سالار تنهد وخله ايده على گصته وباوع على مؤمن: اي انت مدد واستريح ولا جن اخوك راح يناج.
اياد بج المي من حلگه وكام يكح قرب عليه احمد يتطمن عليه ومحمد عاض شفته مانع ضحكه وباوع على تيم الي مقلتم ومتجتف
أنت تقرأ
"فصليه عراقيه"+متوقف
Randomبلهجه عراقيه~(gay)(ولد+ولد) بدأت2023/9/11 انتهت...................
