تجاهلو الاخطاء
استمتعو~♡
ــــــــــــــــــــــــــــــــــــــــــــــــــــــــ
طلع يتمشه على الرصيف ومخلي اديه بجيوب بنطرونه العريض
يباوع على الشارع والسيارات الرايحه والجايه والشارع شبه مزدحم تنهد ومد ايده بجيبه وطلع تلفونه
وگف بمكانه وعقد حواجبه بسبب ضوء الشمس الي حاجبه عنه الرؤيه بلتلفون وگفت سياره سوده گدامه باوع على السياره ونزلو زلم ثنين ملثمين ركضو عليه
ركض وهوه مومستوعب الجاي يصير دخل لاحد الحدائق الموجوده بلمنطقه باوع يمين ويسار بس محد موجود تقدم خطوتين وحس بشخص جره وخله كنينس رطب على وجهة
لزم ايده يحاول يوخرهة بس شويه شويه وطاقته نفذت غمض عيونه وفقد توازنه باوع على الرجال الي شاله ولع من الحديقه ونزله بلسياره
غمض عيونه مو واعي على الي يصير حوله
ــــــــــــــــــــــــــــــــــــــــــــــــــــــــ
گاعد بلشقه وبأيده الحاسبه مالته يتنقل بين الملفات
من تفقد كل الملفات وتأكد انهة ماببهة اي نقوصات وجاهزه للطباعه تنهد براحه
اخذ تلفونه ودگ على صديقه ثواني وجاوبه بفرح بفرط: يهلاا!.
ضحك بخفه: هلا بيك يويو.
تحول صوته من الفرح لعتاب: ولك ليش متتصل لا تراسل شبيك انقمتت بصلاح الدين وسكتت؟؟.
تنهد وحجه: والله لو تشوف الشغل شلونه وشلون متراكم جان فلا تحجي.
سكت شويه ورجع حجه: المهم شوكت ترجع لبغداد؟.
عقد حواجبه: ومنو گال راح ارجع؟.
اجا صوته العالي من التلفون ووخره عن اذنه شويه بحكم صوته العالي: لك گواد شنو منو گال؟؟؟!..غير ترجع لمصقط راسك من خره براسك اي والله ياعار!!.
فتح السبيكر ونزله على رجليه المددهن: والله ما اعرف يايزن صدگ مشتاقلكم والله شاهد بس شسوي ماعندي وكت بس الجمعه والسبت.
تنهد يزن وحجه: محمد يسلم عليك.
ابتسم بخفه: الله يسلمك ويسلمه هوه يمك هسه؟.
باوع على محمد: اي گاعدين بلگهوه نشرب أرگيله اجواء تفوتك..رائد تتذكر من جنت تعزمنه بلبيت مالتكم وتسوينه نرگيله على ايدك؟..والله ايام.
أنت تقرأ
"فصليه عراقيه"+متوقف
Randomبلهجه عراقيه~(gay)(ولد+ولد) بدأت2023/9/11 انتهت...................
