"فصليه عراقيه"+متوقف

part 40

تجاهلو الاخطاء

لا تنسو التصويت والتعليقات!.

استمتعو~

ــــــــــــــــــــــــــــــــــــــــــــــــــــــــــ

يمشي على الرصيف ومدنگ راسه وگف شويه وطلع تلفونه ودگ على اول شخص احه بباله ثواني ورد عليه

اسر: هلا يابهةة.

اياد: عوفنه من الهلا والكلان خرا مالتك اني گدام الحديقه الي گلت قريبه على بيتكم يلا تعال.

قهقه بخفه: الحلو مزعوج اليوم وميگدر الى يشوفني اويلي يابهةة.

تنهد يحاول يحافض على هدوئه: تجي لو لا من الاخير.

گام من الجربايه: لا لا اجيت اعصابك حبحب.

..............

سد المكالمه بوجهة ورجع تلفونه لجيبه وضل واگف التفت على الحديقه ولوهله لمح شخص ضيق عيونه يريد يتأكد من هويته ومن تاكد انه ايهاب  ضل واگف بمكانه ويباوع عليه وهوه يضحك ويه مجموعه من الشباب عددهم 7 وهو الـ 8

تنهد بانزعاج بحكم ميريد يبقه بمكان بي شخص يكرهة ضل واگف لاربع دقائق ينتضر بأسر طگت روحه لان ميحب ينتضر احد لوقت طويل وفوگاها الشمس بوجهة راد يمشي بس استوقفه صوت اسر

اندار بعقده بحاجبه راد يشتمه بس انصدم شويه من اسر الي فوراً حضنه وخله شفايفه على رگبته يبوسها ببطأ انزعج اياد واحمرار خفيف انتشر على خدوده بس مو واضح كلش دفعه بخفه: دوخر لزگت!.

قهقه بخفوت وانفاسه خلت جسم اياد يقشعر دفعه مخلي يوخر منه وباوع عليه بانزعاج: على شنو تحضني اني لحد الان ممنطيك جواب اذا قبلت لو لا.

ابتسم بخفه: حتلو مقبلت هسه بعدين تقبل لان من صدگ صاير ولهان بحبك!.

باوعله اياد بهدوء: زين انت غير تدور الشخص الي يحبك؟....افرض اني گلتلك اي احبك وطلعت اضحك عليك؟.

باوع عليه بابتسامه غريبه شويه على اياد: اياد...صدگ انت مو من النوع السهل بس صدگني لو تضل ترفضني منا لاخر يوم بعمري وهم اضل احاول!....مو سالفة كرامه ولا سالفة طمع بس الحب مو مجرد شخص شفته وحبيته لو جماله جذبك لو والله گالك احبك!....الحب بلمشاعر الحب بلافعال التصرفات والكلام والابتسامات هي الي تجيب الحب مو العكس!.

اياد ضل ساكت ويباوع عليه شويه وميل راسه ورفع حاجبه: خلصت؟....يلا نولي.