تجاهلو الاخطاء
استمتعو~♡
♡~♡~♡~♡~♡~♡~♡~♡~♡~♡~♡
ــــــــــــــــــــــــــــــــــــــــــــــــــــــــ
گعد احمد وراسه يوجعه غمض عيونه بقوه ورجع فتحهم خله ايده على راسه وباوع للغرفه باستغراب
مايتذكر شصار لو شجابه للغرفه أصلاً عقد حواجبه وباوع بصفه
سالار جان غاط بلنوم ومومهتم بلي حوله ابتسم وقرب عليه وگام يمسح على شعره بخفه
ابتسم وهوه يباوع على وجه سالار الي ملامحه حاده عيونه حاده وشويه مسحوبه وفكه مرسوم بدقه وحواجبه كثاف ومرفوعات وبيهاً كسره والطبره تزين حاجبه الايمن زايدتهم جاذبيه بس مع ذالك اذا عصب ملامحه تصير تخوف بشطل غريب.
ضل يباوع عليه وفز من صوت سالار الي حجه وهو لازال مغمض عيونه: اخذتلي صوره لو بعدك.
خله ايده على گلبه: الله لا ينطيك وگف گلبي.
قهقه بخفه وجره من خصره مقربه اله ودافن وجهة بصدره حجه احمد وهو يباوع عليه: لا تگول تريد ترجع تنام؟.
فتح عيونه بخفه وباوعله: وانتَ تدري الساعه بيش هسه؟.
باوع على الشباك بس جان مسدود وعليه برده رجع نضره لسالار: لا...بيش؟.
غمض عيونه ورجع على وضعه: الساعه بلاربعه ونص.
صفن شويه ورجع حجه باستعجال: صدگ سالار البارحه شوكت اجيت ومن اجيت اني جنت نايم هنا لو شنو؟.
حجه سالار وهوه على نفس وضعه: حقك متذكر شي اذا انت شربت القوطيه مالت العرگ كلهة.
فتح عيونه بصدمه: شنوو؟؟؟.. لا بربك شوكت عيني اشفتني گدامك مخبل اشرب عرگ لو اشون؟؟.
ابتسم باستهزاء: دسكت اسكت لا تگوم تجفص وانت متكمع بلعرگ لما الله گايل بس.
حجه بعدم تصديق: ووللكك والله مشارب شي.......لحضه غصدگ القوطيه البلثلاجه؟.
رد عليه: لا خيالهة.
ــــــــــــــــــــــــــــــــــــــــــــــــــــــــ
اخذ تلفونه ومحفضته وخلاهم بلجيب مال القمصله الجلد الي لابسهة
نزل من الدرج وطلع من البيت باوع على الساعه الي بأيده وجانت تشير لل5:07 ما اهتم كلش وكمل طريقه
أنت تقرأ
"فصليه عراقيه"+متوقف
Randomبلهجه عراقيه~(gay)(ولد+ولد) بدأت2023/9/11 انتهت...................
