‼️
من اليوم ماكو شروط لان الشروط شبه الوعد واني ما اكدر اكتب كليوميه واتأخر لذالك راح يصير كل ما اكمل كتابة بارت انشره وشكراً
بس لا تبخلون بلتفاعل رجائاً
«استمتعو»
ــــــــــــــــــــــــــــــــــــــــــــــــــــــــــ
اليوم الثالث
احمد ببيت محمد يقرون لان امتحانات نصف السنه على الابواب ولازم يقرون زين لان لازم يطلعون معدل يرفع الراس لان يريدون يدخلون تخصص يجيب نتائج حلوه
ميثم كاعد ويه عامر(ابو محمد)
يتناقشون بلورطه الي صايره واولادهم ولا على بالهم واشلون راح يتصرفون
الساعه 3:21 ض
تثاوب احمد بيناما محمد يجمع الكتب المتناثره علارض نتيجه لدراستهم من الصبح لحد الان
احمد: اكلك محمد مو اليوم الكعده لو اني غلطان؟.
تنهد محمد بينما يعدل الكتب الي بأيده: اي اليوم بليل راح يجي شيخ العشيره مالتهم واهل الولد.
كام احمد واكف على حيله بينما محمد مدله الكتب مالاته اخذهم احمد متوجه لباب الغرفه
محمد: داصبر خل اجيب السويج شبيك مستعجل والله بيتكم مراح يطير.
ضحك احمد بخفه مستند بضهره على الباب بيناما يباوع على محمد الي خله كتبه على الميز الزغير الي بصف الجربايه وماخذ السويج
محمد: يلا خل نروح.
طلع احمد و ورى محمد يمشي بخمول بينما يفر بالسويج بأيده طلعو من البيت ركبو بلسياره وانطلقو ماطولو ربع ساعه ووكفو السياره كدام بيت ابو احمد نزلو يضحكون ويسولفون فتح احمد باب الطرمه وصاح بصوت عالي: ننوورر.
ثواني وطلعت نور تركض وقفزت ولزمهة احمد وكام يفتر بيهة ويتمضحكون ومحمد مايفرق عنهم ضل احمد شايل نور ويتمشون داخلين للبيت
نور بأبتسامه مشرقه: احمد اخذت 10 من 10 بلاملاء.
احمد سوه نفسه مصدوم ومتعجب حط ايده على گلبه بادراميه: اااهه اختي نوير تاخذ عشره واني اخذ سته لعد اني شكد كسلان يم نوير الشاطره اخخ على الحض.
ضحكت نور بفخر وباوعت على محمد: وانت شكد اخذت.
محمد حط ايده على وجهة منزل راسه مسوي نفسه يبجي: اخذت اربعه تقبلين احمد يضحك عليه واني هلكد مسكين.
باوعت نور على احمد وعقدت حواجبها نزلهة احمد وراحت تركض لمحمد الي كعد بلكاع مسوي نفسه يبجي ضلت نور تواسي وتعززله بينما احمد ضل يضحك بخفه تاركهم وداخل للاستقبال
احمد: السلام عليكم.
ميثم وعامر بنفس الوقت: وعليكم السلام.
تقدم احمد كاعد وياهم على يمين ميثم: اي بشرو شصار ماصار.
تنهد عامر: شنبشر غير اليوم بليل يجون ونشوف شيصير شيقررون.
احمد بعدم مبالاء: تره احس السالفه مابيهة معنى يعني على شنو مكبرينهة.
ميثم خزر احمد: اي مابيهة معنى قابل ضارب ولد ومدخله بغيبوبه ماندري راح يعيش لو يموت.
احمد ماحجه شي وضل يباوع على ابو الي رجع يتناقش ويه عامر بأمور سطحيه
ــــــــــــــــــــــــــــــــــــــــــــــــــــــــــ
الساعه 6:54 م
احمد ومحمد يعدلون بلمخاد الي بلصاله ويسولفون وابداً ما يخلا كلامهم من المزح والضحك
اما نور كاعده تقره بغرفتهة
وميثم وعامر بره واكفين بره بلداير ينتضرون قدوم الزلم او بل احرى قدوم شيخ العشيره
ونوال بلمطبخ ويه شهد (ام محمد) يسوون جاي ويحضرون سراحيات المي والكلاصات ومن هل كلام
اندك الباب بصوت مسموع تقدم ميثم فاتح الباب والي اتضح كدامه شيخ العشيره و وياه مايقارب ال٢٧ رجال ومن ضمنهم سالار واياد سلمو على ميثم والسلام قائم بيناتهم
بينما احمد جر ايد محمد طالعين من الصاله صاعد لغرفته احمد يرتب بشعره ومحمد يتعطر وحالتهم حاله
دخلت شهد للغرفه تباوع عليهم من راسهم لرجليهم: تره جايين يفصلونه مو يختارون عريس.
ضحك احمد بصوت مسموع للي كاعدين بلصاله وسالار ميز صوته من بين الحضور مستحقره بكل ثانيه تمر عليه
ــــــــــــــــــــــــــــــــــــــــــــــــــــــــــ
انتها البارت اتمنا عجبكم هالبارت
أنت تقرأ
"فصليه عراقيه"+متوقف
Randomبلهجه عراقيه~(gay)(ولد+ولد) بدأت2023/9/11 انتهت...................
