تجاهلو الاخطاء
ــــــــــــــــــــــــــــــــــــــــــــــــــــــــ
نزلو من السياره يسولفون بهدوء عن طمع ميثم واشون بيوم وليله صار ماينطاق وتغير هواي على احمد
دخلو للبيت وتوجهة لغرفة محمد نزل الجنطه وارتما على جرباية محمد باوع عليه وتجتف: خيو تزحزح تره اني هم اريد انام مو بس انت.
باوعله احمد واعتدل بنومته قرب محمد وريح جسمه على الجربايه بصف احمد الي حضنه من ورا ابتسم محمد على تصرفه الي حبه بحكم حبه للملامسات السطحيه
غمض عيونه براحه بحكم اعز الاشخاص بين احضانه ما اخذ منه وقت طويل الى وهوه غاط بسبات عميق
ــــــــــــــــــــــــــــــــــــــــــــــــــــــــ
الساعه6:15 ص
طلع من الحمام ينشف بشعره بلمنشفه الصغيره والثانيه لافها على خصره دخل الدولاب لبس ملابسه الي هي عباره عن قميص ابيض مع بنطرون كحلي مدخل القميص داخل البنطرون مع حذاء ابيض طلع من الدولاب و وگف گدام المرايه واخذ السشوار والمشط شغله على حراره متوسطه وضل يسوي بشعره
ماطول سبع دقايق وكمل شعره نزل السشوار والمشط اخذ العطر الي موجود بلجرار ورش على رگبته وراسه رجع العطر ولبس الساعه الجلد السوداء
طلع من غرفته متوجه للمطبخ لگى مؤمن گاعد على الطاوله يشرب بگهوته المعتاده وبأيده تلفونه
قرب عليه بهدوء صاگعه على راسه مخلي يفز باوعله مؤمن وتنهد وهز راسه: الناس تبدي بصباح الخير لو السلام عليكم انت منين جاييني تجي تصگعني من صباحيات الله؟.
ضحك سالار بخفه متوجه للطباخ مطلع طاوه وكاسه وخاشوگه مخلي الطاوه على النار مخلي بيهة شويه دهن فتح الثلاجه وطلع بيضتين طگهم بلكاونتر وفتهم من الگشر بلكاسه شمر الگشر بلسله وخله فوگ البيض ملح وضل يخلط بيهم
باوعله مؤمن وحجه بتحذير: نصي النار لما تخلط البيض لو ناوي تحرگ الدهن وتترس البيت دخان....لحضهةة ولك شغل الساحبه بلاولل.
دار عيونه بملل توجه للطاوه مفرغ البيض بيهة ضل واگف يم الطباخ يگلب بلبيضه متجاهل مؤمن الي گام شغل الساحبه ورجع گعد كمل البيض وطلع ماعون مخلي البيض بي شغل الطباخ مخلي القوري مالة الجاي عليه ماسوه جاي جديد بحكم مؤمن مسوي قبل مايقارب النص ساعه
طلع گلاصه وخله بي شگر وگعد وصب لنفسه جاي واخذ الماعون والگلاص مخليهم على الطاوله طلع خبز من الثلاجه وگعد گدام مؤمن مسمي وبادي ياكل
أنت تقرأ
"فصليه عراقيه"+متوقف
Randomبلهجه عراقيه~(gay)(ولد+ولد) بدأت2023/9/11 انتهت...................
