الشروط ماتنفذت مع العلم المشاهدات فوق ال70 بس رح اتغاضه عن الموضوع
شروط بارت 7
10 تصويتات
20 كومنت
تقدرون عليها والله العظيم
______المهم استمتعو بلبارت_____
ميثم: راح نسوي كعدة عشاير بعد ثلاث ايام
باوع محمد على احمد بصدمه
احمد: هاي صدك تحجي تره السالفه مو لهاي الدرجه جبيره وبعدين الولد كلشي مابي بعد على شنو هلمبالغه؟؟؟!!.
ميثم: احمد..الولد الي دعمته دخل بغيبوبه.
باوع احمد على ابوه بصدمه بدون ميحجي
محمد: عمي هاي صدك تحجي؟!.
ميثم: اي والله ومن وراكم راح تصير كعده والله يعلم شنو نهاية هاي السالفه.
من سمع محمد هذا الكلام بلع ريكه
ميثم: يلا انا راح ادخل للبيت وانتو لا تضلون واكفين هنا.
تركهم ميثم ودخل للبيت لزم محمد ايد احمد وجره
احمد: ها خير وين انوب.
محمد بعدم صبر: اريد اروح المستشفى.
باوعله احمد وهز ايده: يعني فوك كل هاذه الي سوينا وتريد نروح نكابل ام الولد؟.
محمد: ادري الي سوينا مو شويه بس يعني ما ادري اريد اروح اتأكد واشوف شكو ماكو.
تنهد احمد وجره محمد وطلعو ركبو السياره جاي يسوق محمد واحمد جره باوعله محمد بمعنا نعم؟
احمد: خليني اني اسوق.
باوعله محمد بستغراب: ليش؟.
احمد: خاف واحد يشوفك من اهل الولد وتصير شويه اشكال لان هيه سيارتك وانت الي تسوق اني اشون الي دعمته؟ مافكرت بيهة لو مطفي.
ضحك محمد بخفه: ما ادري للصراحه بس يلا.
وكفو السياره وتبادلو الاماكن واحمد صار هوه الي يسوق شويه و وصلو المستشفى نزلو ومحمد ضل يدور بلسياره باوعله
احمد: ها شدور؟.
محمد: يمكن طاحن سماعاتي هنا شو قبل شوي جاناً بصفي.
تنهد احمد ودار وجهة وشاف سياره طبكت شوي قريب عليهم ركز بيهة وتذكر
احمد: ولك محمد باوع هنا.
باوعله محمد وشافه يأشر على السياره شوي ونزل الرجال الي قبل لا يروحون هوه سبقهم ومشه
احمد: هاذه مو نفسه الي شفنا ذيج المره؟.
محمد: اي...هوه شكله هم ينسي أصلاً.
قهقه احمد على حجي محمد نزل الرجال وقفل باب السياره باوع باتجاهم وشافهم يباوعون عليه احمد رأستاً دار وجهة مسوي روحه مجان يباوع عليه بس محمد بقه على وضعه لحد مضربه احمد على راسه تأوه محمد وحط ايده على راسه وباوع على احمد ضحك الرجال بخفه ودخل المستشفى
محمد: ولك شبيك تره توجع والله.
احمد: بگبر شبيك ضليت تباوع عليه هسه شيكول عليك امداك؟؟!!!.
محمد: يكول معجب.
رفع احمد حاجبه: عفواً؟.
ضحك محمد وهوه يحك راسه من وره لزم احمد ايد محمد وجره: يلا خلصني
دخلو المستشفى ودخلو للمصعد شوي وانفتح المصعد طلع محمد وباوع على احمد
محمد: يلله تعال.
احمد: اني ما اجي روح انته.
حاول يجره من ايده بس احمد كدر يفلت ايده محمد فقد توازنه وراد يوكع ليوره بس انضرب بشخص باوع ورا
مؤمن: انت مو طفل هيج تسوي بلمستشفى.
محمد ضل ساكت وماحجه
احمد: وانت شعليك شدخلك مأمور ماتعنيك.
باوعله مؤمن بكل برود وتقدم من المصعد جره مخلي يطلع من المصعد وهو صار بمكانه ضغط على الدكم وانسد المصعد حاول احمد يوكفه بس مكدر ضرب احمد برجله بلكاع
باوع على محمد: ياحيوان ارتاحيت وانت شبيك ماردين انكص السانك؟!.
محمد: اكلك خل نرجع بطلت ماريد اروح.
باوعله احمد بطرف عينه: موهيه بكيفك جايبني من بيتنه اليهنا وهسه تكول بطلن دمشي!!.
لزمه مم ايده وجره متوجهين لغرفة تيم.
______________________________
نهاية البارت اشوفكم بالبارت ال7
أنت تقرأ
"فصليه عراقيه"+متوقف
Randomبلهجه عراقيه~(gay)(ولد+ولد) بدأت2023/9/11 انتهت...................
