ككااييززز صوتو شني السالفه المشاهدات 150 والتصويتات 27؟؟؟؟؟؟
تفاعلو مع الحوار بتعليق
اسف على الاخطاء لان ماعدلت
وبس استمتعو♡
ــــــــــــــــــــــــــــــــــــــــــــــــــــــــ
گاعد يفرك بأدي وعاض شفته تقدم منه سالار واگف گدامه رفع راسه يباوع بعيون سالار لزمه من ايده وجره مخلي يوگف گدامه شهق احمد وسالار ضحك باستهزاء: ها شو هسه چنك فرخ لا تحجي ولا تگول مو جان لسانك بطولك شو هسه ساكت.
احمد باوع بعيون سالار بثبات: مو سالفة خايف منك بس انطيك على گد عقلك.
مؤمن ابتسم ودنگ راسه
سالار لزم احمد من رگبته ضغط عليه مخلي يختنگ احمد لزم ادين سالار يحاول يوخره بس فرق القوه لا يقارن ضاق نفس احمد و وجهة صار احمر عقد حواجبه وغمض عيونه بقوه تركه سالار و وخر كم خطوه وگع احمد بلگاع لازم رگبته يلتقك انفاسه بسرعه: لاحسبالك الليهنا وخلصنه وراك كومة اله اخليك تتمنه لو ميت ولا جاي هنا.
اخذ السويج من مؤمن وطلع من البيت دقايق ولحگه مؤمن بقه بلبيت بس احمد وأياد
اياد ضل صافن على شكل احمد المبعثر: عبالك ما اعرف مو انت الي دعمت تيم.
احمد فتح عيونه بصدمه وباوع على اياد: عـ..عفواً؟
اياد بنص عين: باع صدك لا سالار ولا مؤمن يعرفون بس اني اعرف ومع ذالك ما اطيقك لان انت صديق ذاك الغبي الي دعم تيم.
احمد حاول يستوعب: وانت شنو الي مخليك هيج متأكد.
اياد عدل گعدته وخله رجل على رجل: صديق اخوي الي شافكم من دعمتو گلي وحته حجالي تفاصيل شكل صديقك وانت هم وكال مو انت الي جنت تسوق.
احمد نزل راسهة وعض شفته باوعله اياد وحجه: عود ليش هيج سويت.
باوعله احمد وهز راسه بمعنا شنو: ليش خليت المصيبه توگع براسك وعفت ذاك الغبي حر مستمتع بحياته بينما انت راح تتگطع على ادين سالار.
احمد تنهد: لان محمد ماجان غاصد وبعدين اذا انت تدري ليش تخلي هاذه المخبل هيج يسوي بيه؟.
ابتسم اياد بخفه: اذا دافعتلك شنو راح يكون عذري؟..اگول هاذه مو هوه الي دعم تيم صديقه الي دعمه؟ وانت مو عاساس ماتريده يوگع بمصيبه؟.
باوعله احمد ورجع دار عيونه بغير مگان: بطلت ماريد.......اي وهسه اني اضل بلهول لو شنو؟.
أنت تقرأ
"فصليه عراقيه"+متوقف
Randomبلهجه عراقيه~(gay)(ولد+ولد) بدأت2023/9/11 انتهت...................
