مرة ساعه و هو نايم على كتفي لازم اكعده حتى يروح
- حسن حسن
- اممم
- يلا كوم اكعد
- حضنج مثل حنان امُي، عطرج حلو مااريد اكوم
- كوم عيني بلا حجي راح تتأخر
- اتمنى ابقى نايم عُمري كله هيج نومه
- الحياة حلوه ليش متريد تشوفها و تعيشها؟
- مو احلا من حضنج
- ترا راح اكوم اني و انتَ ابقى
- كومي
ردت اكوم سحبت روحي نايم على ايدي مااكدرت احركها و مااحس بيها خدرانه
- وخر خل اكوم
- مااكوم
- ارييدد اكووم
- اي كومي شعليه
- و رااااسك
- مشكلتج هاي
- راح تتأخر
- ميخاالف
- اوكي لعد خل انام
- اااي عفيه
تمددت انام حسيت راسه صار بصدري
عطت
- حسنننننن
- ولجج شبييج
- راسك راح افلشه
- اذا انتِ قابل
- تمام تأخر معليه اني
غمضت عيوني شويه و كام
فتحت عيني اتقرب باس خدي و راح دخل للحمام كمت الساعه بـ 11 بالليل
طلعت ملابسه و هو طلع
- و يكولون ليش تحبها
- هسه شسويت اني
اخذهم و دخل يسبح
بقيت اباوع على الغرفه جبيرره و بيها حمام و صاله صغيره سويت يعني و اثاثها حيل حلو نظيفه تفتح النفس كمت فتحت مجرات الميز واباوع عباره عن ساعات و عطور شفت كلاده حيل حلوه هو زنجيل فضي لزمته اباوع عليه و طلع لابس ملابسه و منشف شعره التفتت عليه النوب جاي اضمها و كال
- عجبتج؟
- اي حلوه
- اخذيها
- لا مالتك شنو اسوي بيها
ماحجه شي اتقرب اخذها من المجر وخر شعري و لبسنياها سدها و كال
- كلما شفتيها اتذكريني، جان ببالي اشتريلج شغله بس مالحكت اذا رجعت بسلامه اول شي اسوي اجيبها الج
- ارجع و هذا هو ما مطلوب شي ثاني
- چنج كمتي تحبيني؟
- ياااا شبييك ترا مااكرهك ولك تحسسني بتأنيب ضمير عبالك تنام و تكعد على كلمة اكرهك مكايلتلك اصلا
أنت تقرأ
الحَسن
Aventuraمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
