راحت المره و بقيت كاعده ابجي بعدها مسحت دموعي و طلعت من الضريح لكيت الحسن ينتضرني بره
الحسن: ها نروح؟
تـقوى: يلا
طلعنا و بعد طريق مُتعب رجعت جانت الساعه 11باليل سبحت و نمت من التعب
مر كم يوم و ابويه كال
محمد: راح اعزم عمي على الغده باجر والله فضل الحسن علينه مااكدر ارده رجعلي بنتي كلت اعزمهم
غسق: اي والله زين تسوي اني هم اجيت اكُلك
امُي بلشت تحضر الشغلات حتى ثاني يوم بس تطبخ و سيلين راحت لعيالها و بقت يمنه تالين نمت و كعدت ثاني يوم الصبح
سبحت و بدلت و بلشنا نحضر للغده
و اندك الباب
ركضت لبست شالي و همَ دخلو
عمو علي و خاله ندى "ابو و ام الحسن"
اما اخوانه
حسين اكبر من الحسن بكم سنه
و الحسن و سند و رحاب و ريام و فاطمه.
رحاب متزوجه قبل كم سنه تعرفت على زوجها بالجامعه كُليه طب اسنان و حبها و اتزوجها الي هو احمد
سلمت و قدمت المي صبينا الغده و خلصنه قدمت الچاي و رحت للمطبخ المطبخ مفتوح على الصاله بس المطبخ الحار ممفتوح على الصاله رحت اسوي بعد چاي لان اعرف استكان ميكفي لان همَ يدخنون اسوي بالچاي اصواتهم عاليه فـ اسمعهم
علي: بـ مناسبة هاي اللمه اريد اطلب منكم طلب
محمد: اذا اكدر من هاي العين قبل هاي العين
علي: احنا طالبين ايد بنتكم الابنه الــحسن
بقيت مصدومه هاي شديحجون؟ يا بنتكم اني؟ بس خواتي متزوجات و اني الجبيره بعدهن يعني اكيد اني شهل غباء سكتت اسمعهم شيححون
محمد: والله احنا نتشرف بيكم و انتوا مو غربه بس بنتي بعدها صغيره و تريد تكمل دراستها مو مال زواج هسه؟
علي: اذا موافقين علينا فـ كتلك احنا طالبينها و حتى لو تبقى تكمل دراستها و تكبر بعد يمكم بس احنا نريدها كدام الكُل بأن هيه النا فـ كلت اذا موافقين طبعا مجرد يخطبون و تصير بأسم ابني و حتى لو بعد عشر سنين يلا تتزوج هم قابلين مااعدنه مشكله
محمد: والله اذا هيج اني مااعندي مشكله بس يبقى القرار الها و بعدهل ننطيكم خبر
علي: اكيد براحتكم بعد
يمه ياربي شنو هاي اني وين اعرف الحسن حتى يريد يخطبني بس من چنه صغار واحد يعرف الثاني بس بعدين كبرنا و اتفرقنا؟
__________
عودة الى الماضي:
قبل سنين طويله عمري جان ٦سنوات
أنت تقرأ
الحَسن
Aventuraمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
