ــــــــــــــــــــــــــــــــــــــــــ
خوش لعد روحي قبلي بس خلي اجيب موبايلي نسيته يم حسن
- تمام
رحت للغرفه بعدني مداخله
و انصدمت من الي سمعته و شفته
نفسها البنيه الي جانت تخزر بيه واكفه مقابيل الحسن و تحجي بصوت حزين على اساس
- ليش اتزوجت مو تعرف بيه احبك؟ ليش هيج تكسر بيه
الحسن: لا لهنا و وصلت حدها وياج رؤيا شنو احبك شنو تكسر شنو شتمسلتين انتِ، حجيتي وياي كلت خطيه بعدها مراهقه يوم يومين و تعقل كلما جاي يتقدم الوقت كلما جاي تنجلبين لج بابا شكد شفت ناس بلا كرامه مثلج ما شفت
رؤيا: مو بيدي احبك والله
الحسن: اكلج ليش ما تنجبين؟
هسه تخلي الواحد يطلع من اخلاقه كوه كوه يعني متفتهمين بالعيني و اغاتي اله واحد يهينج
انـه متزوج و احب مرتي انتِ شبيج؟ من البدايه كتلج يابه انتِ اختي مو مثل اختي شنو بعد هاي السوالف و محمد اكدر هسه اروح احجي لاخوج اخلي يكسر ضلوعج امشي عدل احسن الج مو تشوفيني ساكت كمتي تتمادين
رؤيا: ليش هيج وياي شنو مسويتلك
الحسن: انتِ اختي و اعزج بمعزة خواتي شفتج انجرفتي للطريق الخطأ و الحب و ما حب حجيت وياج و فهمتج و كلت هاي هيَ افتهمتي غلطج شفتيني سكتت تماديتي و هسه يلا اطلعي منا احسن الج
رؤيا: بس…
الحسن: بلا بس و لا ابد بررره
أشر باتجاهه الباب و انتبهه الي
جنت واكفه متكتفه على طرف الباب و همَ ثنينهم باتجاه عكسي
التفتت رؤيا و شافتني اتقدمت تريد تطلع و تباوعلي صفح باوعت الها بنضرات قرف
التفتت للحسن أشرلي اجي يمه
رحت يمه حجيت بهدوء
- بس نسيت موبايلي يمك ممكن تنطينيا اريد اطلع يم البنات
- خلي افهمج
- فاهمه و عادي مصار شي بس انطيني موبايلي البنات ينتضروني
من شافني مستعجله انطانيا و كال
- بعدين نحجي من تجين
- خوش
عفته و رحت للحديقه جانو خوات حسن و كم بنيه كرايبهم مسويات كعده تجنن ابتسمت الهن من توجهت انظارهم تجاهي
صاحت فاطمه بصوت تعززلي
- هلا هلا بضوه بيتنا
كعدت يمها و حجيت
أنت تقرأ
الحَسن
Pertualanganمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
