مرت الايام عاديه الحسن دائما يدز مسجات ارد على وحده و عشره لا جانت دنيا العصر كاعد اسوي كيك و اجاني مسج اخذت الموبايل المسج من الحسن:-
الحسن: جايج مسافة الطريق
تقُوى: كلفت نفسك عليمن انطيتني خبر حتى اذا اريد اسوي شي ماللحك ليش هسه جاي دكولي؟
الحسن: كلت هذا الوقت يكفيج تتجهزين الي
- لا بالله عليمن اتجهز الك؟ حتى تبديل ما ابدل يعجبك اهلا و سهلا ميعجبك ارجع منين ما اجيت
- بسيطه انـه اعلمج راح اوصل
سديت الجهاز خليت الكيكه بالفرن و رحت الامي ابويه جان طالع
تـقُوى: الحسن راح يجي بالطريق
غسق: هلا بي
رحت سبحت على السريع احس روحي عباره عن ريحة كيك وبدلت و تعطرت و اندك الباب امي فتحت الباب و دخلته بالاستقبال قدمت اله مي طلعت واني دخلت و سديت الباب
الحسن: يا هلا
تقُوى: يا هلا بيك
الحسن: شلونها تقُواتي
-بخير
- مشتاقلج بكد رحمة الله
-تشتاقلك العافيه
- يعني انتِ؟
- العافيه مو اني
- ما تفرق عندي انتِ العافيه
- لا هيج جاي تخجلني
ضحك بقوه و كال
- اول مره اشوفج خجلانه
- شقصدك؟
- هيج مااقصدي شي
-اوكف ثواني هسه اجي
رحت طلعت قطعت كيك و عصير و دخلت
خليتهم على الطاوله و كعدت يمه
الحسن: شوكت ناويه تحبيني؟
-صدك ذكررتني اريد احجي بخصوص هل موضوع قررت اطول خلك نبقى سنة سوه اتعرف عليك و تتعرف عليه و اذا مااحبيتك فـ ننفصل لان مااكدر اكمل ويه انسان مااعندي مشاعر تجاهه
- ميخالف لان اعرف راح تحبيني قبل لا تخلص السنه اصلا
- لا بالله واثق زياده
- اكيدد
- ترا مراح احبك
- رااااح تحبيننني واذكرج
- نشوووف
بقينه نحجي بأشياء عامه لحد ما اجاه اتصال و كال راح يروح
الحسن: قبل مااروح يصير اخذ قُبله؟
- لا والف لا
- وحده بس
- كلت لا يعني لا
- يلا راح ابقه اطلبج بوسه من تحبيني راح اطلعهن كلهن مال هاي الايام
أنت تقرأ
الحَسن
Adventureمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
