ــــــــــــــــــــــــــــ
تقوى::
واكفه مقابيل المرايه بالبدله البيضه الدمعه بطرف عيني ممستوعبه كُل الي ديصير لحضات زواجي و عرسي بدون ابويه؟ ما بقى شي و اطلع من بيت ابويه مسحت دموعي و قررت ابدي حياة جديده و يه الشخص الي احبه و يحبني
تمعنت بتفاصيل البدله عجبتني بدلت ملابسي و عدلت شالي و طلعت
غسق: ها عجبتج؟
تقوى: اي اريد اخذها
جانت وياي امي و خاله ندى و ريام و فاطمه اشترو فساتينهم و خلصنا كُلشي و رجعنا
مر نص الشهر تقريبا و جنت يوميه اطلع اجهز غراضي و شغلاتي اشتريت هوايه شغلات و خلصت سالفه البدلات لان مبقى غير اسبوع على زواجي
رجعت ميته تعب لان بصعوبه لكيت البدله الي ببالي سبحت و اجيت انام و اجه صوت مسجات على جهازي:-
الحسن: شلونها حلوتي؟
- بخير اذا انت بخير
- بشري لكيتي الي تردي؟
- بالشافعات يلا لكيتها
- بيها الخير، ممصدك بعد اسبوع واحد بس من بعد انتضار دام سنين اخيرا راح تصيرين يمي دائما و زوجه الي
- ولا اني مصدكه تتذكر من رفضت؟ و مقبلت و اللحضه الي قبلت بخطوبه بس و جان احتمال كبير بأنُ ننفصل لان مااعندي مشاعر تجاهك بس صار العكس و صارت مشاعر حلوه بكلبي تجاهك و كلشي صار لا اني جنت متوقعه و لا انتَ ابد مجنت متوقعه راح اتزوج قبل لا اداوم جامعه جنت دائما اكول اكمل جامعتي يلا عود اتزوج بس هسه راااح ادرس يم زوجييي
بقينا نحجي لحد ما غفيت و الخط مفتوح
كعدت ثاني يوم رحت حجزت الصالون و اكيد حبيت اشتغل الكيك بنفسي و المسكه اني اشتغلتها لان ما لكيت الي يعجبني و ببالي فـ اني سويتها رسمياً خلصت كُلشي و الايام الاخيره الي كلها اني انام يم امي وين متروح افتر وراها
كعدت بالصاله يم امي و اخواني
اجه كعد يمي امير
امير: راح ترحين يم عمو حسن؟
- اي حبيبي بس اكيد مااعوفكم و راح ابقى اجيكم و تجوني
امير: صُدك؟
- اي حبيبي
راح الغرفته و شويه و كامت ورا مريم همَ غرفتهم سوه
امي جاي تحجي اتصال مااعرف ويه منو عفتها و كمت دخلت الغرفتهم امير جان كاعد يلعب بالايباد و مريم على المكتب ترسم
رحت كعدت على السرير و حجيت
- شنو رأيكم اليوم نسهر على فلم؟
أنت تقرأ
الحَسن
Pertualanganمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
