ــــــــــــــــــــــــ
يوماً ما ، سـﺎحكي روايتنا ﺑﺎسماء مُستعاره لـ احفادي.
ـــــــــــــــــــــــ
وصلنا للمطعم طلبنا الاكل بأثناء انتضارنا للأكل اجه شخص ضخم حيل حجه ويه الحسن بصوت خشن
: حضرتك الـحسن علي؟؟
الحسن: اي نعم اني
: تكدر تتفضل وياي خمس دقايق احجي وياك
الحسن: تمام
كامو على صفحه مو بعيدين فـ اسمعهم شنو يحجون
: صديقك غيث امير
الحسن: اي شنو شبي؟
: تصاوب و حالياً بالمستشفى و ميقبل يدخل العمليات اله يشوفك
الحسن: شنوو و حالته خطره لو شنو؟؟؟؟
: الاصابه بصدره
الحسن: بيا مستشفى؟؟؟
: مستشفى ****
الحسن: بس اودي مرتي و اروح للمستشفى مااكدر اخليها هنا
قبل لا يجاوب الشخص
اجاني الحسن و كمنا صعدنا بالسياره
تقوى: خير شنو صاير؟
جان يرجف بشكل واضح و يسوق بسرعه
الحسن: تقوى بس ادعي اله مااكدر اعيش بدونه صديقي من ايام المتوسطه
طبطبت على متنه
- إن شاء الله يطلع منها سلامات
وصلني نزلت سلمت على الموجودين و صعدت بالغرفه بدلت و بقيت ادعي إن شاء الله مابي شي لان واضح حسن شكد يحبه من رجفته و توتره بقيت انتضر صارت الساعه 12
اندك باب الغرفه لبست حجابي و فتحت الباب جان سند
كال بابتسامه
سند: بهذيج المره انتِ و البنات سهرتو سوه و ما عزمتوني فـ اني احسن منكم و راح اعزمكم على فلم بالصاله و زوجج هم كولي اله
حجيت بابتسامه
- ياا شلون لطيف بس تكدر تأجلها لباجر؟
حجه باستغراب
- ليش
- اكلك بس لا دكول الاحد
- اي كولي
- من چنه بالمطعم… سردت السالفه كُلها
- وبعده لحد هسه ما اجه
- إن شاء الله خير
- إن شاء الله
- يلا لعد نأجل سهرتنا لغير يوم
- اي خوش
راح نزل جوه و مرت ساعه و ساعتيين و طلع الفجر و حسن ماكو صليت الفجر و بقيت ادعي خلصت صلاه رحت كعدت على الجربايه اهز برجلي من التوتر صارت الساعه 6 الصُبح و دخل و شلون دخل؟
أنت تقرأ
الحَسن
Aventuraمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
