_______________
حسين: مشتاقلها حد الموت بس هيَ ما تحاجيني
بقيت واكفه يم الباب استحي ادخل و اقاطعه مبين كاعد يخابر
ثواني و سد الاتصال دخلت اول ما شافني ابتسم
رديتله الابتسامه اخذت كلاص و رحت اشرب ماي اول ما خلصت حجه
حسين: عادي نحجي شويه؟
اتقربت سحبت كُرسي من الميز صرت مقابيله بس بينه هواي مسافه حجيت
- اي عادي تفضل
حسين: اطلب منج طلب؟
- اذا اكدر عليه تدلل
ابتسملي و حجه
حسين: مريم زعلانه مني
و حتى اتصالاتي متجاوب عليهن و صار اسبوعين على هل حال و بعد مااكدر طكت روحي
- انتَ مزعلها يعني؟
حسين: اي بس مو بقصد
- سهله اعتذر منها
حسين: اعتذرت بس ماقبلت اعتذاري
- شلون اعتذرت؟
- شنو شلون هوَ اعترفت بغلطي و كلتلها اعتذر
- بَــس!!
- لعد شنو اسوي
- يااخي شنو هل جفاف سويلها حركات و سبرايز اهديلها ورد او اشياء تحبها اوصفلها حُبك بين الها ندمك على الغلط و اعتذارك و لو جنت فعلا ندمان راح يبين
و تصالحك
حسين: صدك يعني؟
- وداعتك جرب و شوف
حسين: اروح هسه؟ ها اي اي خلي اروح مااكدر اصبر
- لا يابه هسه غير اهلها يلزموك و يكتلوك و حتى بنتهم بعد مينطوها الك
حسين: شيصبرني
- روح نام و الله كريم
حسين: ان شاء الله
راح الغرفته و اني هم صعدت للغرفه و نمت
بعدها مرت الايام هدوء وبنفس الوقت كئابه الحسن مااتصل ابداً و لا نعرف شي عنه
لحد ما وصلت حدها صارله فتره مختفي و كُلنا بعد منكدر نتحمل هيج قلق
كاعدين كُلنا بالصاله و نحاول نوصل للحسن بأي طرريقه
حسين: هاي اخر محاوله
اتصل وره شويه انغلق
حسين: ماكو ماكو مغلق
علي: اني هم نفس الحاله
جربت اني اتصلت مره و مرتين بالثالثه اجاني صوته متت طرت من الفرح حتى نسيت شلون احجي من شافو ملامحي فرحانه عرفو اجتي خاله سحبت الموبايل من ايدي
اخذته اني و فتحت سبيكر
ندى: الوو
الحسن: هلا يمه
أنت تقرأ
الحَسن
Aventuraمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
