ـــــــــــــــــــــــــــــ
كعدت باوعت على مكاني النايمه عليه لكيت نفسي فوك الحسن غميت نفسي بخفه و كمت بهدوء، عفت الاماكن كلها نمت عليه واني جنت حاضنته شجابني فوكا، رحت للمطبخ شربت مي و اتصلت بـ نُهى
نُهى: يا صباح الحُب
- صباح الخير عيني
- صباح النور
- بشريني كُلشي تمام؟
- اي اي، شوكت تجيبين الريوك؟
- كملته هسه راح نطلع اني و ايمن
- تمام انتظرج
اتفقنا اني و نُهى ريوك صباحيه عرسي هي تجهزه و تجيبه
اتصلت على امي بسرعه جاوبتني
- صباح الخير
غسق: صباح الانوار حبيبتي
- شلونكم
- بخير احنا انتِ بشريني شلونج؟
- الحمدلله بخيير
- جهزتلج الريوك لو بعد؟
- كالت هسه مسافة الطريق
بقيت احجي وياها شويه و غلقته
شويه و اتصلت نُهى
- ها عيني
- غرفتكم يا رقم؟
- 110
- يبووو وين الكاها هسه
- بنهاية الطابق الثاني شبيج
- ديلا
شويه و اندكت الباب بخفه فتحتها و هي دخلت باوعتلي من فوك ليجوه و حجت
- شنو ما لبستي ملابس النوم الي خليناهم الج؟
- لبست لبست بس هسه من كعدت لبست هذا التشيرت
- خوش عوود بعدين نحجي، هسه هاج هذا الاكل و يلا باي ايمن ينتظرني جوه
- عاشت ايدج
- و ايدج عيني
طلعت و سديت الباب
جانت مجهزه اطباق و فوك كلهذا مغلفتهن شكلهن يجنن و ترتيبهم هم يجنن خليتهم على الميز صورت قبل لا افتحهن من التغليف و بعدها فتحتهم من التغليف و رتبتهم
رحت للغرفه و صفنت هم راح ابقه بهالتشيرت رجعت للجنطه انتبهت بيها سحاب ثاني فتحته و الضحكه شكت حلكي جان بيها كم قطعه ينطلع بيهم اخذت قميص نوم و ويا شورت بدلت بثواني و رحت للجربايه اكعد الحسن
- حسن، حسن
- عينه؟
- صباح الخير عيناي
التفت الي و كال
- شلون صباح حلو هذا؟
- كوم نتريك يلا
أنت تقرأ
الحَسن
Aventureمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
