_
تقوى:-
مرت الايام هادئة و ماكو شي جديد دخلت بشهر التاسع جهزت كُل الاشياء الي تحتاجهه بنتي شعور غريب و حلو هووايه حلو هم
اول ما دخلت شهر التاسع رحت للدكتورة جان عندي مراجعه يمها
غيرت ملابسي و خلصت دخل الحسن للغرفه
الحسن: ها كملتي نطلع؟
تقوى: اي كملت ماعندي شي بعد
الحسن: يلا لعد
وصلت للدكتورة اتطمنت على الجنين و بعدها بلشت توصيني على نفسي و الجنين و العلاج و غيرها و كالت لازم ابلش امشي هواي حتى اكدر اولد
و فعلاً بلشت امشي دائما بالليل نطلع اني و الحسن نتمشى لحد ما بيوم من الايام
جان الحسن طالع بشغله ضروريه و تأخر للوحده بالليل يلا اجه دخل للحمام يسبح و اول ما طلع سألني
الحسن: نطلع نتمشى؟
تقوى: بس تأخر الوقت
الحسن: مو مشكله عادي
تقوى: تمام هسه ابدل و اجي انتظرني
رحت غيرت ملابسي ولبست حجابي و طلعنه سوه الشوارع فارغه و هدوء الساعه 2بالليل
امشي و ايد الحسن حاضنه ايدي امشي و اسولف ويا و يستمعني بكل حُب و اهتمام
لحد ما دخلنه بفرع و سمعنه صوت نباح كلاب!
التزمنه الصمت و التفتت على الحسن فاتحه عيوني بخوف من سمعت اصواتهم تقترب باتجاهنه
حضني الحسن و كال
الحسن: اشش لتخافين و امشي بهدوء و لتلتفتين بس تركضين يركضون وراج امشي طبيعي
تقوى: مااكدر مااكدر اخاف والله
الحسن: افا عليج انـه وياج و تخافين!
تقوى: صوتهم يخوف والله
راح يجون النه
الحسن: معليج انـه راح
امشي بظهرج امشي كبالي
خليت ايدي وره ظهري و اتمسكت بأيده صرت امشي كباله و هوه متمسك بايدي و يمشي وراي بخطوة
صوت الكلاب و هيه داخله للفرع كلش عاليه
صرخت بخوف من سمعت اصواتهم صارت قريبه حيل لدرجه كلت هاهيه راح يهجمون علينه اتهسترت مادري شبيه جريت ايد الحسن و ركضت و اني اصرخ مثل المخبله
و هوه يركض ورايه يريد يوكفني و يصيح
الحسن: ولج يااابة اوكفي شهرتينةة
استمريت اصرخ و احس مااسمع اي شي غير صوت الكلاب يقترب
اخر شي من لمحتهم صرخت بقوه و ركضت بكل سرعتي و عفت الحسن وراية نسيت اني حامل و نسيت كلشي صوت الكلاب يرن بأذناني اشكالهم مخيفه من لمحتهم
أنت تقرأ
الحَسن
Pertualanganمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
