ــــــــــــــــــــــــــــ
نُهى::
مرت الايام و انطيت موافقتي بالخطوبه و شرط من شروطي جان الخطوبه مو اقل من سنه حتى اكدر اعرف السجاد شنو و منو
قررو الخطوبه تكون على الشهر الجاي و بلشت بالتحضيرات و تقوى وياي وياي ابد ما عافتني و قررت هي تجهز الكوشه مالتي و هي تجهز الكيك و الحلويات لان هذا شغلها و رفضت رفض قااطع بأنُ تاخذ حق تعبها بس هي كالت
تقوى: اعتبريهم هديه و اساسا مراح اتعب بيهم و لا راح احس لان بعدلي شويه و اطير من الفرحة
ضحكت عليها لان من صدك فرحانه و واضح عليها هل شي مااعرف ليش واني فرحانه لفرحتها
حجزت الصالون و الفساتين و خلصت كُلشي و بعد اسبوع و يتم كُلشي اكذب اذا اكول ما متوتره صديق طفولتي راح يصير خطيبي!
صعب استوعب الموضوع
مر الاسبوع و اجه يوم العقد توتر مو طبيعي كعدت الصبح و اجت تقوى بسيارتها و حالفه هي تسويلي كُلشي وصلت للصالون و بلشت اتجهز و تقوى هم سوت مكياج بس مو قوي خلصنا الضهر و رجعنا قبلها بالليل تقوى جهزت الكوشه و حرفيا تجنن و الكيكه هم تجنن و مسويه بعد اطباق حلويات ما تحملت و ركضت حضنتها
- لجج اروحلج فدوه شهل ابداع هذااا
تقوى: تستاهلين اكثر عيناي
رحت كعدت و شويه و بلشو يجون المعازيم لحد ما الكل اجه شويه و اجاني مسج
السجاد: جايج مسافه الطريق
كلبي اجه يطلع من مكانه من التوتر
بقيت على هل حال لحد ما اجت تقوى
خليت البركع على راسي و خليت رجليه بـ بالمي و الورد و كل هل اشياء جانت من تجهيز تقوى و خليت ايديه على القران و خلت بينهم هيل و بلش يعقدلنا الشيخ لحد ما تم كلشي
بقيت كاعده و متوتره لحد ما رفعت عيني و شفته مقابلي يمشي كمت وكفت و هو اجه باس راسي و اخذ الحلقه لبسنياها و ايديه ترجف واني حالي مو احسن من حاله من الغباء جاي البسه الحلقه و وكعت من ايدي بالكاع من الفشله اجيت ابجي بسرعه شلتها من الكاع و حتى الرجفه راحت من الفشله و لبستها اله بسرعه و هو بالشافعات حابس ضحكته لبسني باقي الذهب و كعد يمي اتقرب همس بأذني
- مـــنقــذج السجاد
صار زوجج شرعاً و قانوناً
ابتسمت مااعرفت شنو اجاوبه
شويه و طلع خلص كُلشي و الناس راحو بقو كم شخص قريبين علينا
نُهى: تقوى تعالي وياي للغرفه اريد تساعديني بالفُستان مااكدر
تقوى: ليش تبدلين شنو ميجي؟
حجيت بغباء
- منو؟
أنت تقرأ
الحَسن
Aventuraمُستمرة⭕ فتاة شرسه خُلقت بألف فتاة حاربت الجميع حتى شَريك حَياتُها لأجل ماذا يا ترُى؟ _تقربت للشباك صغير بس اني هم صغيره نتوالم جانت اكو عوده مكسرها على ضهري وباقي نصها مثل ما كسرها على ضهري كسرت بيها الزجاج بقت حواف الزجاج على طرف الشباك مهتميت اتج...
