المدرع

1

مروان ــــــ دحگت للساعه الساعه بتلاثه ونص حسيتها گعدت سويت نفسي نايم ورا فترا ضربتني على خدي بخفه وكركرتني وگامت لبست قبوط وشال افترچت (افترت) غمضت عيني نزلت بهدوء گمت وراها وصلت الباب،،،، تعالي وين تريدين
ملاك ــــــ هئ اسم الله بسم الله الرحمن الرحيم
مروان ــــــ چتفت اديه جانت بيناتنه مسافة مترين دحگتلي وايدها راحت عالسرگي فتحته وتوها تا تطلع لزمت ايدها وسحبتها بقوا
ملاك ــــــ ايدي ايدي
مروان ــــــ وين تريدين
ملاك ــــــ لبيت عمي اني ماعيش وياك افهم ماريدك زوجي افهم ماحبك ماطيقك اكرهك هوايه
مروان ــــــ ماطيقيني لا اطيقيني
ملاك ــــــ مروان الله يخليك هئ ايدي الله يخليك
مروان ــــــ ايدج توجعج مو
ملاك ــــــ ايدي يمعود حتكسرها
مروان ــــــ وتنكسر فدوا الي
ملاك ــــــ اااايي اايييدددييي الله يخلليييك
مروان ــــــ افهمي روحه من هالبيت ماكو وروحه لعمامج انسيها نهائيا فهمتي انسي عندج عمام خوال فهمتي،،،،، من عصبيتي لويت ايدها
علي ــــــ عوفها لا اتخبل عوفها بعدين ماتستحين صياحج يجيب التايهين متگولين جيران
مروان ــــــ هديت ايدها،،،، شفت يعلي تريد ترجع للمذله
علي ــــــ بهالوكت
مروان ــــــ اي بهالوكت اتحسبالي عايشين بأوربا لو طلعت بهالوكت محد يتعرضلها ولج والله احرگج بس تطلعين بس يشوفون حاجبج احرگج فمو بالج تطلعين بتلاثه ونص
ملاك ــــــ طلگني ماحبك
مروان ــــــ لا تحبين يالله لغرفتج
علي ــــــ الله يعينك يالمدرع شيصير بيك بعد اكثر
مروان ــــــ انجب
علي ــــــ فوگما گعدتوني من نومي و كسرتو واهسي بعد شينومني
مروان ــــــ طلعت جگارتي وادخن
علي ــــــ جوعان
مروان ــــــ جوع البلوع هذاك مطبخ و بيه ثلاجه و الثلاجه بيها كلشي روح اكل
علي ــــــ اي بس متعاجز يالله راح اروح انام
مروان ــــــ شوكت اتبطل عادتك هاي يا اعجوزي
علي ــــــ من اموت
مروان ــــــ انجب يومي قبل يومك يالله اروح اطگلك بيض عيون تا يكبرن عيونك
علي ــــــ انجب
مروان ــــــ انجب انته اكبر منك احترم
علي ــــــ بالمشمش
مروان ــــــ لا بالبرتقال
علي ــــــ يالله يمعود سويلنه اكل مو متت من الجوع
مروان ــــــ رحت طگيتله بيض و سويتله جاي وجبن وهالامور و اكل وراح نام غسلت المواعين وصفنت اذكر
ام روان ــــــ تعال ييمه خل اشمك وابوسك اشو حيل اليوم مشتاگتلك
مروان ــــــ هههه يمه كبرت صار عمري 15 سنه
ام مروان ــــــ ييمه الابن يبقى بعين امه طفل مايكبر
مروان ــــــ حضنتني وبوستني وشمت شعري
ام مروان ــــــ الله ريحتك يوليدي ماتنشبع منها
مروان ــــــ ههه يمه مو من عادتج
ام مروان ــــــ مشتاگتلك حيل
مروان ــــــ ضليت ساكت وامي تبوس بيه وتحضن وتشم راحت بدلت بعد مابالگوه ابويه خلاها تبدل بدلت وراحو عمي وابويه وهيه لوحتلي بيدها واني ابتسمت مادريت هذا الوداع الاخير راحو و من بعدها رجعو جنايز جنت رايح اجيب الشهاده مالت الثالث لگيت الدنيا مطبوگه عدنا من شفت هيج خاراً رجليه وجني حاس راح يصير شي طبيت والگاهن تلث توابيت شهگت و نسوان عمامي يصيحن وجدتي گعدت يم تابوت امي،،،،، يمه جبتلج الشهاده ناجح يابه اگعد نجحت وراح اساعدك بالصرف يابه اگعد لا تشاقون ويايه هيج هههههه شقاكم ثگيل عمي مو گلت اخذك ويايه تشتغل بس تتخرج گوم كافي شقا يمه تدرين بيه روحي ازغيره ماتحمل شقه يمه اگعدي،،،، جنت فاصل واحجي وياهم بهدوء عكس الخوف البداخلي والصدمه و الحزن و الوجع والكسر البگلبي سحبني عمي وهزني من اجتافي
حاتم ــــــ انتتته ازلمه ومايصير تبجي گوم گوم عزب بفاتحة اهلك وادعيلهم بالمغفرا
مروان ــــــ يا اعزب يا دعاء هاي اهلي الماتو اهلي ابويه وامي واخويه البعدا ماجه للدنيا فهمت هذوله ماتو فهمت،،،،، انهرت خارا رجليه ووگعت بجيت بقهر وبحرگه وصيحت ذاك الوكت بجيت من كل خاطر مر اليوم گعدت بغرفة امي احس الغرفة تريد تاكلني صوت امي وهيه اتگولي مشتاگتلك بذني وحضنتها ودفوها صرت اصيح و اصيح و اجر بشعري انفتح الباب وفاتو عمامي وجدي لزموني واني اگوللهم،،،، عووووفففووونننييي عووووفففووونننييي مننننوووو وووولللكممممم منننننوووو ببببقااللللييي ااااهللليييي ررراااااححححووووو اممممييي ررراااحتتت
الجد ــــــ وخرو عنه وخرو
مروان ــــــ سحبني جدي وحضني صار يقرا قرءان ويقرا ايات،(كل من عليها فان ويبقى وجه ربك ذو الجلال والاكرام) و من سورة طه (منها خلقناكم وفيها نعيدكم ومنها نخرجكم تارة اخرى)
الجد ــــــ يوليدي الموت تراهو حق و كلنا نموت مو بس اهلك كلنا على هالدرب (كل نفس ذائقة الموت ونبلوكم بالشر والخير فتنه والينا ترجعون)(قل لن ينفعكم الفرار إن فررتم من الموت أو القتل وإذا لا تمتعون إلا قليلا) اهلك الله اخذهم لان انتهت خبزتهم لان الله قدرلهم الموت
مروان ــــــ واني شقدرلي اعيش هئ اعيش بهالعذاب
الجد ــــــ يا جدي الله مايحمل بشر فوگ طاقته واهلك عباد ربك هوا اقرب عليهم منك الله رحمهم يجوز لو باقين جان صار شي يقهرهم طول حياتهم الموت حگ وكل النفوس تموت
مروان ــــــ ادري والله ادري
الجد ــــــ اذا اتحبهم لا تأذي روحك ولا تبجي لا تعذبهم اگعد واقرا قرءان وصلي وادعي ربك يلهمك الصبر والسلون
مروان ــــــ هزيتله راسي رحت تمسحت وصليت واني دموعي بخدي و بگلبي ويه كل ايه اللفضها عتاب جبير ويه ربي كملت صلاة و گعدت اقرا قرءان ودموعي تنزل اخر شي غفيت ونمت گعدت مر الاربعين وعمامي صارو ايلمحون عالاملاك اني لو الله مبقيلي امي وابوي ماريد املاك الدنيا كلها جنت گاعد وفجأه اجت عمتي حطت ملاك بحضني
ام ملاك ــــــ ماكو غيرك يهتم بيها بهالبيت ادري بيك حنين على امك اني رايحه اكمل عدتي هناك يم اهلي
مروان ــــــ وماتاخذين بنتج وياج
ام ملاك ــــــ لا بعد مارجع
مروان ــــــ و ملاك اتخلينها اهين
ام ملاك ــــــ ديربالك عليها
مروان ــــــ راحت وعافتها مانصدمت بست ملوكه اجه جدو سألني عليها سولفتله تخبلو كلهم نومتها ورحت لغرفتي بالفعل محد اهتم بيها بس اني ورا كم شهر ولن عمي جامعنه ويريدني اوقع واتنازل عن حصة ابويه جدي ماقبل
دحام ــــــ يابه كل هالورث شله بيه عود ننطي گاع وملاك ابنيه مايروحلها شي
الجد ــــــ اشو يروحلها كل املاك ابوها و مروان كذلك و اليحجي او يعترض اسحب ورثكم فاهمين و هسه رايح لبيت اخوي احتمال اطول
مروان ــــــ راح جدي اسبوع بهالاسبوع عمامي سووني ثريد حتى الزغيرا يضربونها رجع جدي وتخبل و ثاني يوم رايح ناقلهن بأسمي و أسم ملاك اتخبلو انجنو رسمي جانت الوصيه كلشي الهم صار الي ولملاك جانت بالوصيه ماتنازل بس لملاك وملاك تتنازلي في حال متت يروح ورثي الها و اذا هيه فورثها الي عمامي استغلو الفرصه واخذوني تيهوني ببغداد يعبالوني مروان الغبي و مادبر نفسي جنت راجع للمحافضه بس قبل