مروان ــــــ قبل لا اصعد استوقفني صوت احد يبجي نزلت شفت اوليد فكرته تايه،،،، تعال يوليد شسمك
علي ــــــ اسمي علي
مروان ــــــ وين اهلك
علي ــــــ مدري هئ
مروان ــــــ اسكت وين راحو
علي ــــــ اني من جنت طفل خطفتني المجدايه و شحذت عليه بس من كبرت گالت ارجع لاهلك و جابتني اهين گالت همه يجون ياخذونك بس من الصبح ماكو
مروان ــــــ تعال يعني ماعندك احد
علي ــــــ لا
مروان ــــــ اني هم عمامي ذبوني هنا وراحو
علي ــــــ اي
مروان ــــــ تعال ويايه،،،، خاف مني طبعا علي جان عمره 11سنه اخذته ويايه جان متردد نمنا بالشارع و صرنا نشتغل ويا السيارات انزل حموله وهالشغل جمعنا افلوس ورحنه للجنوب عشنا رجعت اخذت نقل الي ولعلي طبعا هالمجدايه عدها ضمير اكبر من عمامي مخليه علي يدرس المهم گمنا ندرس و عايشين بالمكان النشتغل بيه وندرس هناك ليما الله مكنا و استأجرنا المخزن صار غرفتنا ونشتغل كلشي اشتغل عماله و خباز اشيل طحين شي كلشي جنت اشتغل وبنفس الوكت ادرس مرا السنين و صرت ضابط اول ماتخرجت اشتريت النه بيت وعلي جان حيل فرحان بيه گمت ادقق على دراسته گلت مادام اني كبرت وصرت ازلمه واشيل مسؤوليه خل ازوج ازوجت من اول يوم جانت مدري شلونها،،، شبيج
زهور ــــــ ماحبك اهلي غاصبيني عليك
مروان ــــــ ليش متحبيني
زهور ــــــ هئ احب غيرك
مروان ــــــ وليش ماگلتي اهلي غاصبيني
زهور ــــــ ماگدرت هئ
مروان ــــــ طلاگ ماطلگج انسي التحبيه مو كل من حب اخذ عفتها ورحت نمت بغرفة علي مرا السنين واني وياها مشاكل بمشاكل صار عندي طفل و علي كبر اتخرج صار ضابط نقلو دوامي للانبار جنت راجع من الدوام والالتحاق الجاي بالانبار اداومه بس اني مقرر اذا انتقل دوامي هناك انقل سكني هناك عرضت الكلام على زهور تخبلت اني گلتلها مشكلتج اني اروح اعيش اهناك تريد تجين اهلا وسهلا متجين ضلي ابيت اهلج
زهور ــــــ و ابنك الك
مروان ــــــ اتعصبت ضربتها راشدي طير شرار وجها گامت من بعد ماوگعت بسبب الراشدي راحت لمت ملابسها اني جنت افكرها تهدد بس جانت جديه بكلامها راحت بدون لا يرفلها جفن ابنج شلون عفتي جانت بوكتها حسينيه ماسويت شي ورما انتهت الحسينينه اجت طلبت الطلاگ طلگتها والحضانه الي اكيد طلعت بعد احسن ازوج وحدا سنيه مثلي مو اني وياها مشاجره عالدين هيه تگولي انته غلط واني اگللها انتي غلط بعد ماتعارك وياها ولا انقهر من شخص يصلي لغير الله تا انشوف حبيبها يزوجها ابني عمره سنه
علي ــــــ تروح لعمامك
مروان ــــــ مادري
علي ــــــ اي
مروان ــــــ صار دوامي اقل من دوام علي من رجعت لعب براسي الشيطان رحت لبيتهم طلعلي عمي حاتم،،،،، سلام عليكم
حاتم ــــــ وعليكم السلام امر خدمه وين مدرعم منو سمحلك اتفوت
مروان ــــــ ليش اصحاب البيوت اله بأذن،،،، استوقفني بنيه مربوطه بالسجرا،،،، منو هاي
حاتم ــــــ اطلع لا اخبر الشرطه
مروان ــــــ اتعصبت لزمته من دشداشته،،،،، خبر ابو الشرطه هذا بيتي ويحقلي اطب بكيفي وهسه هاي منهاي،،، رحت يمها،،،،، منو انتي جاوبي لا تخافين
دحام ــــــ حاتم منو هذا
مروان ــــــ تؤ تؤ ذبيتوني و نسيتوني فكركم اموت و مارجعلكم وهسه جاوبو منو هايه
حاتم ــــــ مروان
مروان ــــــ اي مروان تؤ عمي الغالي ليش انصدمت جاوبو منو هايه لا اطلع برواحكم،،، گنبصت يمها،،، منو انتي شسمج
ملاك ــــــ اسمي ملاك
مروان ــــــ ملاك،،، حضنتها بقوا هاي بنيتي الربيتها،،،، هاي شمسوين بيج هالكلاب ياروح مروان تعالي ماخليج يمهم بعد،،،، فتحت اديها ورجليها و عمامي على صدمتهم من ردت اخذها تخبلو صارو يضربون لزمتهم شمال في يمين جريت ايدها وطبينه للسياره هيه خانسه وصلت بيتي لگيت عموري يلعب يم الجيران اخذته وطبينا للبيت
ملاك ــــــ ليش ماكو نسوان
مروان ــــــ ماكو بس انتي
ملاك ــــــ و و و ام هالوليد
مروان ــــــ طلگتها
ملاك ــــــ رجعني للبيت
مروان ــــــ گعدت يمها لزمت ايدها دفعتني،،، ملاك اني ابن عمج الماتو اهله ويا ابوج
ملاك ــــــ اعرف حاجيلي عنك جدي
مروان ــــــ و جدي ماكو
ملاك ــــــ جدي مات
مروان ــــــ الى رحمة الله
ملاك ــــــ وين جنت جدي جان دوم ينوح عليك
مروان ــــــ عمامج الفگر تيهوني ببغداد
ملاك ــــــ وليش مارجعت
مروان ــــــ انتضرت الفرصه المناسبه
ملاك ــــــ هذا ابنك مو
مروان ــــــ اي ابني
ملاك ــــــ عجل امه وينها
مروان ــــــ گلتلج طلگتها
ملاك ــــــ ها
مروان ــــــ اي روحي ارتاحي وديربالج تفتحين الباب لاي احد رايح اجيب ملابسج و المستمسكات مالتج،،، رحت جبتلهيا و اشتريتلها ملابس دگيت الغرفه
ملاك ــــــ نعم
مروان ــــــ جبتلج ملابس
ملاك ــــــ تسلم عليش معذب نفسك
مروان ــــــ لا عذاب ولا غيرهه احنه ولد عم وانتي مسؤوليتي
ملاك ــــــ شكرا
مروان ــــــ ملاك
ملاك ــــــ نعم
مروان ــــــ ترا صديقي عايش ويايه الحشمه الحشمه
ملاك ــــــ ماشي
مروان ــــــ عفيه،،،،،، طلعت من ذكرياتي على صوتها
ملاك ــــــ يالله گوم وديني للمدرسه
مروان ــــــ اسوي ريوگ
ملاك ــــــ ماريد گوم
مروان ــــــ لتأمرين لا لا
ملاك ــــــ
مروان ــــــ اخذت السويج وطلعنا وصلتها المدرسه ورجعت لگيت علي گاعد يلاعب عموري
علي ــــــ هالمشاغب گعد
مروان ــــــ اي
علي ــــــ اليوم محكمة الاستماع
مروان ــــــ ادري اروح اگضي هالمهزله والله البيت الطردوني منه مايبقون بيه مستحيل
علي ــــــ انته شرير
مروان ــــــ ادري اعلمهم الجشع شلون صاير
علي ــــــ روح بدل
مروان ــــــ تعال ويايه
علي ــــــ لا ابقى بالبيت
مروان ــــــ عود سوي للمحروسه غدا هاي الهيه مسويتلنه والله يالله زوجه عله
علي ــــــ من تجي اله اگوللها ههههه
مروان ــــــ دحگتله بطرف عيني رحت بدلت و رحت للمحكمه و بنص الحجي وجابو سيرة علي
حاتم ــــــ سيدي هذا معيش صديقه وياه ويه عايلته وزوجته
مروان ــــــ اي عندك مانع و بعدين هالامور مالها دخل بالقضيه عليك بالاوراق واسكت
القاضي ــــــ هدوء صح عايش وياك صديقك
مروان ــــــ اي حضرة القاضي بس مافهمت شدخل
القاضي ــــــ ومرتك تبقى يمه من تروح لدوامك
مروان ــــــ سيدي علي اخويه اني الربيته وكت عمامي تيهوني ببغداد علمود الورثه اني اللگيته واني الربيته مستحيل اتخلى عنه و مرتي صاينه نفسها ومؤدبه لو عمامي ماعدهم ثقه بتربيتهم؟؟
القاضي ــــــ شلون يعني تيهوك ببغداد
مروان ــــــ اخذوني لبغداد وگالو بعد لترجع فكرهم مارجع بس رجعت وهذا يعتبر عملية خطف لانهم خطفوني من بيتي وطلعوني خارج المحافضه اريد ماريد سيدي وهذي اوراق الفحص التعذيب العمامي مسوينه بمرتي،،،،، انطيتهيا شافه
القاضي ــــــ على كلن الحكم من زمان مقرر و حاتم و دحام لازم يشيلون من البيت وتفضونه خلال اسبوع
