عمر ــــــ ماما ماما ماما ملوته ماما ملوته
ملاك ــــــ ها يعيون الماما
عمر ــــــ بابا
ملاك ــــــ الو
مروان ــــــ وينج وين رحتي
ملاك ــــــ رحت اسوي فواكه لعموري شوفله مصعلك
مروان ــــــ فدوا لليهتم لضناي
ملاك ــــــ هوا هم ابني
مروان ــــــ عجل شلون مو ابنج
ملاك ــــــ احبك مروان
مروان ــــــ اموت عليج
علي ــــــ احم اني موجود ترا
مروان ــــــ فكرتك مو موجود
ملاك ــــــ ها ويامن تحجي
مروان ــــــ الضابط علي
ملاك ــــــ علي
مروان ــــــ اي هوا
ملاك ــــــ تراضيتو
مروان ــــــ لا بس نقلو ويايه
ملاك ــــــ تراضو
مروان ــــــ من سابع المستحيلات اني جان عندي اخو ومات ويه اهلي وبعد مايجي غيره
ملاك ــــــ ياروحي لا تنقهر حبيبي
مروان ــــــ تسلمين يالغاليه
ملاك ــــــ احبك
مروان ــــــ اعشقج اموت عليج
ملاك ــــــ ماگدر اعيش من دونك استمد طاقتي من صوتك
مروان ــــــ ياروحي انتي يالله حبيبتي اريد اناملي شويه قبل لا اصل
ملاك ــــــ نوم العوافي
مروان ــــــ الله يعافيج
مروان ــــــ انتبهتله يمسح بدموعه سويت نفسي مغلس وغمضت عيوني صرت ادحگله شويه واخذ راحته بالبجي والله گلبي انحرگ عليه شسوي يارب سكت وهدا نفسه اتصل بمرته
علي ــــــ الو انعل ابوج لبه ردي زين لا اجي انعل والديج حيوانه خابري اخوج خل يجي ياخذج لا مطول اتتي شعليج شيخصج انتي رايح للموصل ازوج عليج مناك وارجع اي اسويها شنو مو رجال اسويها لو ابالي وازوج دروحي من شفتج ماشفت غير الحزن و الهم روحي الله لا يسعدج انگلعي مع السلامه
مروان ــــــ سده وساق السياره سويت نفسي گعدت،،،، ملازم علي تگدر تنزل اني اسوق
علي ــــــ لا حضرة الضابط اني اسوق انته كمل نومتك
مروان ــــــ لا گعدت بعد،،، خليته ينزل گعدت بمكانه وسقت ورا ساعات طبينه الموصل بطريقي للمركز سلمت عليهم واخذت مكتبي بصفي مكتب علي كملت شغل ونمت عالمكتب گعدت لگيت احد يرتب شعري انتبهتله علي سحب ايده
علي ــــــ نام هناك لا ضهرك يشنج
مروان ــــــ شكرا عالنصيحه استاذ تگدر تطلع
علي ــــــ جبتلك عشا
مروان ــــــ تسلم موجوعان
علي ــــــ مروان
مروان ــــــ مالي خلگك روح اطلع
علي ــــــ شبيك مروان
مروان ــــــ ارتاجيت عالمكتب راح جابلي بندول شربته فترا وراسي طاب طردت علي گعدت ارتب شغلي طلعت سألت على علي گالو طالع طلعت اتعشيت اذن العشى اتمشيت للجامع توضيت وصليت هناك ورجعت للمركز كملت شغلي وخابرتها حجينه خابرني علي رديت عليه صوته مو عاجبني اثاري سكران طلعت قبل لا يصل ويفصلو لگيته صعدت وياه ورحنه اتعدا مسافه خليته ينزل واني اسوق
علي ــــــ بلحضة غضب بلحضة غضب يا اخي شنو مالازم نغلط
مروان ــــــ انته سكران
علي ــــــ واسكر و اموت عادي
مروان ــــــ تربيه سز
علي ــــــ ههه والله بس گلاصين فكرت ماسكااار
مروان ــــــ ضل يحجي ويمسلت اخذته لشقه وديته للفراش لزم ايدي
علي ــــــ والله ماهدك اله اتگول اني مسامحك يخويه ورجعنا اخوان
مروان ــــــ وخر
علي ــــــ ندمان حيل ندمان والله ندمان وداعتك ندمان حيل ندمان والله ندمان والله اني احبك واعزك واحترمك بس بلحضة غضب گلتلك انته يتيم بس لا تزعل اني اخوك و امي امك وابويه ابوك
مروان ــــــ نام
علي ــــــ لا ماغفي تذكر هههه من جنت تشتغل علمود تعيشني ههه اني ناكر الجميل مو هههههه
مروان ــــــ صار يبجي حضني ضليت ساكت گام يذكر ايام قبل خابرت اخذنه اجازه ضل يبجي و يتذكر ايام گبل ويگولي بس ارجع اخلي سبيلها ونرجع اخوان ضل على هالحال بالگوا نام طلعت ادخن خابرت ملاك ردت بس بصوتها النعاس غازلتها وراحت نامت رجعت نمت لان حيل تعبان گعدت على صوت علي يدگ باب غرفتي فتحت الباب
علي ــــــ سويتلك اكل
مروان ــــــ ماريد منك تسكر يعلي هاي الاخلاق العلمتك عليها تسكر؟؟
علي ــــــ والله من القهر مروان سكرت والله اني اسف والله بعد ماعيدها بس سامحني مروان الله يخليك سامحني
مروان ــــــ اي بس على شرط اسامحك
علي ــــــ اطلب روحي تريد اطلگها هسه اطلگها والله واخليك انته ادورلي مرا
مروان ــــــ لا بس ترجعون تسكنون ويانه بنفس البيت
علي ــــــ موافق بعد اكو شروط ثانيه
مروان ــــــ تعاملك ويه مرتك يقسى شوفلها ماترضا تحترمك لان مادلها الحبل المرا من ماتكون محترمه عاملها غير معامله بعدين
علي ــــــ شلون ابقى عصبي عليها
مروان ــــــ لا خليها تحبك
علي ــــــ شلون اخليها تحبني
مروان ــــــ مدري خليها اتحبك وبعديم دللها وعوضها عن المعامله السيئه
علي ــــــ ماريد كلشي بس سامحتني والله يوميه احترگ من اذكر اخوي كارهني
مروان ــــــ ماكارهك ولا اكرهك ازعل اي بس كره لا
علي ــــــ اي يالله نرجع
مروان رجعنه مرا الايام اخر يومين ماخابرتها لان جان عندي شغل وناسي اشحن الموبايل وبالطريق نمت ونصه كملت لان علي تعبان هوا راح لبغداد واني رحت كملت طريقي لمحافضتي رجعت الغروبيه لگيت البيت هادي طبيت صعدت فوگ عمر نايم وهيه نايمه گاعده بالگاع ومرتاجه عالجربايه ودمعتها بخدها وتناشغ مثل الطفل كتبها منثرا وموبايلها يمها لفت نضري اسم المريض واسمها موجود اخذت قريت فرحت من شفتها حامل طرت من الفرح شلتها تا انومها بالفراش گعدت وصارت تبجي نزلتها وصارت تضرب بيه
ملاك ــــــ وينك وينك هئيييئ وينك ها ليش مترد ها مليت مني مو هئيييئ مليت مترد مو مليت من اتصالاتي ضل بالي يمك وانته مرتاح مني مو
مروان ــــــ هههه اهدي اهدي حبيبتي الموبايل فاضي ومالگيت شاحن اشحن
ملاك ــــــ ردت اگلك حامل هئ بس ماجنت موجود
مروان ــــــ اي ياروحي،،،، شلتها وفريتها هيه غندبتها انگلبت ضحك بوستها وحضنتها حيل گلت يارب تطلع بنوته تشبها حضنتها وبوستها اوف ربي الله رزقني بيها نومتها عالفراش و نمت بصفها ضليت ادحگ بعويناتها الحلوات،،،،، اشتاگيتلج
ملاك ــــــ واني بعد اشتاگيتلك
مروان ــــــ ضميتها بحضني صار هجوم علينه من قبل عموري ذب زرگ علينه صرت اجقجقه واعض بيه و اضربه خفيف اكلت منه حته ضميته لحضيني حيل اذن العشى هيه گامت جابتلي ملابس بدلت وصليت هيه سوت عشى وصلت ورما كملت صبت تعشينا،،،،، باجر يجون علي وفرح سامحت علي
ملاك ــــــ خوش
مروان ــــــ هاي اخر مرا اسامحه اول مرا واخر مرا كسرني حيل
ملاك ــــــ المفروض ماتزعل منه انتو عشرة عمر والواحد بغضبه كلشي يحجي
مروان ــــــ شگد اغضب منه بس ماتصل بيه المواصيل اعيره
ملاك ــــــ انسه حياتي
مروان ــــــ انتي حياتي
ملاك ــــــ ماگلت عالمي الخاص
مروان ــــــ عالمي الخاص
ملاك ــــــ اغسل ملابسك اني
مروان ــــــ ماشي يعيوني،،،،، ضليت اللاعب بعموري وهيه تشتغل نام عمر وديته بفراشه وساعدتها مو عيب انساعد
