ملاك ــــــ اي
مروان ــــــ اني طالع
ملاك ــــــ وين
مروان ــــــ رفعتلها حاجبي ورفعتلي حاجبها،،، شدخلج
ملاك ــــــ مو زوجتك
مروان ــــــ اي بس لتدخلين
ملاك ــــــ بكيفي مزاجي مثل مانته حشري اني هم اتدخل
مروان ــــــ من عصبيتي لزمت ايدها اشو لحالها طگت بيدي وصارت اتصيح ايدها صارت خيط رحت جبتلها شال و رداء لبستها و اخذت عمر وديناها سحبوها وجبسوها ضلت تبجي رجعنه للبيت ضلت تبجي صرعت راسي طلعت لگيت مرا واگفه يم البيت القديم رحت اشوفها،،، سلام عليكم خاله
ام ملاك ــــــ وعليكم السلام خاله وين اهل البيت
مروان ــــــ هذا بيتي اتفضلي
ام ملاك ــــــ حاتم وين
مروان ــــــ شال لغير بيت
ام ملاك ــــــ وين شالو
مروان ــــــ مادري
ام ملاك ــــــ وين اخذو بنيتي
مروان ــــــ انتي ام ملاك مو
ام ملاك ــــــ اي ييمه اي
مروان ــــــ اني مروان
ام ملاك ــــــ مروان
مروان ــــــ اي و ملاك صارت زوجتي
ام ملاك ــــــ وشلونها
مروان ــــــ بأحسن حال
ام ملاك ــــــ الله عليك ييمه اريد اشوفها
مروان ــــــ اتفضلي اصعدي،،،، صعدت واخذتها للبيت طبينه اسمع بجيها،،،، ملاك ملاك
ملاك ــــــ هئ هئ
مروان ــــــ هاي امج
ملاك ــــــ
مروان ــــــ دحگتلي وصارت تبجي نست وجع ايدها وصارت تبجي بحزة خاطر راحت امها تا تحضنها اجت ورايه وگفت لزمت قمصلتي حيل
ملاك ــــــ طلعها ماريد اشوفها طلعها هئ هئ ماريد اشوفها هئيييييئ ماريد
مروان ــــــ جبرتها اتسلم عليها گعدت تحاجيها بس ملاك مترد اله اخزرها من خوفها مني اترد امها شافتها هيج عافت وطلعت ملاك صارت تبجي وتلطم على وجها حضنتها حيل،،،،، لتسوين هيج
ملاك ــــــ هئ فوگما تزوجتني وانته مطلگ وخربت حياتي وعندك اوليد وعمرك ضعف عمري وله انوب تدخل بحياتي اني اكرهك حيل اكرهك
مروان ــــــ حضنتها حيل ضلت تبجي وعمر يمسح على شعرها ابتسمت على طفوليته نامت بحضني صعدتها للغرفه من ذاك الان ملاك صارت تخاف مني وماترفع عينها بعيني تشتغل وتسمع الكلام ضوجني هالشي انقهر عليها بس هاي شبيدي عليها علي رجع حاله مو عاجبني بس يتبسم من حاله ويصفن هوايه عرفتها عاشگ،،،، منهاي تعيسه الحض،،، من گلتله هيج برگا عيونه وضحك،،،، ها عاشگ شلونك
علي ــــــ يخوي اتجنن
مروان ــــــ شسمها من وين وشسم ابوها
علي ــــــ من المنطقه البصفنه جبتهن من بغداد طلعا جيران اسمها فرح وابوها اسمه،،،،،،،،،،،،
مروان ــــــ اي تدلل باجر نروح نخطبها
علي ــــــ الله عليك
مروان ــــــ والله
علي ــــــ عجل انطي خبر لاهلي
مروان ــــــ عجل ننتضرهم يجون ونخطبلك،،،، حضني بقوا
علي ــــــ انته احلى اخو الله يحفضك الي
مروان ــــــ هههه ويحفضك حبيبي،،،،، صعدت لغرفتي لگيتها تبجي ماسألتها رحت لفراشي اگلب بالنت مدت ايدها على جتفي صديت عليها ضمت راسها،،،، علي اجه
ملاك ــــــ اي وينه
مروان ــــــ راح نام
ملاك ــــــ اي
مروان ــــــ رايح اجيب. عشى وارجع،،،، رحت جبت عشى بين ماسوو صارت بليل رجعت لگيت علي متعصب
علي ــــــ شلون تكسر ايدها يالحمار
مروان ــــــ دحگتلها بخزر نزلت راسها وصارت تبجي،،،، واكسرلها ايدها الثانيه العاندت اموتج فهمتي،،، راحت للغرفه تبجي
علي ــــــ هوا
مروان ــــــ الله عليك اسكت وخليني ساكت ،،، صبيت عشى رحت ناديتلها ماجتي رحت لزمت خصله من شعرها سحبتها،،،، تشكين مني مو اني اعلمج گومي يالله گومي
ملاك ــــــ م م ما اريد
مروان ــــــ غصب عنج اتگومين
ملاك ــــــ اخ اخ شعري
مروان ــــــ گامت تعشينه رجعت تدرس نمت بصفها ادحگلها وهيه تدرس دحگتلي ودنگت بخوف صارت متوتره ونصت صوتها صديت عنها محروگ گلبي وحاير شسوي لا هيه متقبلتني ولا اگدر اطلگها ورثت جگارتي وصرت ادخن هيه كملت دراسه ورادت تنام سحبتها لحضني خنست ماحجت شي،،، شلونها ايدج خوما توجعج
ملاك ــــــ شويه
مروان ــــــ ماجنت قصدي اكسرها
ملاك ــــــ اي
مروان ــــــ صدي عليه،،، صدت ونزلت راسها،،، تخافين مني
ملاك ــــــ
مروان ــــــ ملاك اريد طفل
ملاك ــــــ ها
مروان ــــــ طفل طفل اريد طفل
ملاك ــــــ واني امه
مروان ــــــ لا جدج
ملاك ــــــ مو عندك عمر
مروان ــــــ اريد بنوته
ملاك ــــــ
مروان ــــــ ضلت ساكته مالحيت عليها اشو صرت اسمع شهگاتها،،، شبيج
ملاك ــــــ هئ ماريد جاهل
مروان ــــــ سحبتها لحضني،،،، لتبجين ماريد اسكتي
ملاك ــــــ مروان اتزوج
مروان ــــــ لا اني مزوج وانتي زوجتي
ملاك ــــــ تزوج وخلصني منك الله يخليك
مروان ــــــ تبقين مرتي حتلو تزوجت
ملاك ــــــ ميخالف بس تزوج
مروان ــــــ وتقبلين متغارين
ملاك ــــــ لا
مروان ــــــ صديت عنها مر اليوم مرا الايام واجو اهل علي ورحنه خطبنا ردولنا خبر موافقين بالمهر جان بنصف السنه طبيت للغرفه لگيت ملاك ترتب بشعرها سديت الباب
ملاك ــــــ شلون طالعه
مروان ــــــ حلوا اتجننين،،، ضحكت حسيت ضحكتها خطفت گلبي
ملاك ــــــ طالع حلو انته
مروان ــــــ شكرا،،،، اجت وگفت يمي صعدت عالجربايه وعدلت شماغي
ملاك ــــــ هيج احسن
مروان ــــــ شكرا عمر اخلي يمج لو يمي
ملاك ــــــ يمي
مروان ــــــ والگيلي عروسه بالحفله
ملاك ــــــ اي
مروان ــــــ اخذت الغراض وطلعت اجت هيه وديتهن لاهل العروس راح علي حتى يعقدون عرب بالطلعه وصلتها للبيت ورحت للمطعم اشوف شسسوو عالعشى ضگته لا طبخهم طيب رجعت للبيت دگيتلها جابتلي ملابس بدلت بالحمام البرا ثاني يوم راحو اهل علي لگيتها تغسل بملابسي وعلي يخابر ومتعصب سألته ماجاوب براحته طبيت دحگتلي وابتسمت ماهتميت طبيت سبحت وبدلت طلعت لگيتها نايمه عالجربايه وتبجي ماسألتها مشطت وطلعت بدا دوامها وديتها للمدرسه ورحت للدوام وصيت علي عليها رجعت التحق علي
ملاك ــــــ حضرتلك ملابسك
مروان ــــــ شكرا،،، سبحت وبدلت
ملاك ــــــ بارد الجو تعال نشف
مروان ــــــ ماعلي شي
ملاك ــــــ وين تريد اني اسفه
مروان ــــــ اخذت الملابس غسلتهن راحت نضفت غرفة علي وطلعت اجت يمي
ملاك ــــــ شتريد اسوي عشا
مروان ــــــ حي الله
ملاك ــــــ اي
مروان ــــــ راحت سوت اكل ماصار شي مهم امتحنت درجاتها اتسحگ بس ناجحه المهم تنجح ورا امتحاناتها سوينا عرس علي بيوم الحنه بدلت وكملت شفتها بالمرايه صافنه عليه سويت نفسي مامنتبه ردت اروح لزمت دشداشتي صديت عليها
ملاك ــــــ طالعه حلوا اني
مروان ــــــ اي حلوا
ملاك ــــــ حتى انته حلو.
مروان ــــــ اعتمد عليج تلگيلي مرا
ملاك ــــــ اي
مروان ــــــ شفتها انقهرت ضحكت عليها عفتها ورحت للحفله سويتله احلى حفله لان علي مو بس صديقي علي اخويه وابني و رفيگ دربي خلصت الحفله رحت لغرفتي لگيتها تبجي سكتت من انتبهتلي مسحت دموعها اني غلست ماسألتها فتت للحمام لگيتها محضرا ملابسي طلعت مشطت ونمت
ملاك ــــــ لگيتلك عروسه
مروان ــــــ
ملاك ــــــ حلوه حيل وعمرها 25 سنه
