مروان ــــــ شنو تشتغل
ملاك ــــــ ربة منزل
مروان ــــــ خوش بس اتخلص السبعه نروح نخطب
ملاك ــــــ
مروان ــــــ صديت عنها صرت اسمع شهگاتها صديت عليها تعض بأصابعها وخرت الشعر العلى وجها،،، شبيج
ملاك ــــــ مشتاگه لابويه
مروان ــــــ ادري بيها تجذب بس جاريتها مسحت دمعاتها من مسحت دموعها انهارت بالبجي ضميتها بحضني،،،، لتبجين اني هنا وراح اجيبلج ام اتحبج
ملاك ــــــ ماريد ماريد هئييييئ ماريد لتزوج هئ عل عليه
مروان ــــــ بست گصتها وضميتها بحضني
ملاك ــــــ اريد جهال
مروان ــــــ نتطلگ ومن تكبرين تزوجين واجيبين جهال،،، صارت تبجي ابتسمت عليها ضليت احرگ دمها،،، هسه باجر عگبه نتطلگ و يجي من يخطبج و اجيبين احلى الاطفال
ملاك ــــــ ماريد هئ ماريد
مروان ــــــ زغلت نفسها بحضني،،،، ليش متريدين
ملاك ــــــ هئ
مروان ــــــ قررت اتأكد اكثر،،،، هسه نتطلگ و،،،، خلت ايدها على حلگي وخرت ايدها،،،، ويصير عندج طفل وتسمينه عمر
ملاك ــــــ مايصير اخوه اسمه عمر
مروان ــــــ ها اتحبين واحد وابنه عمر
ملاك ــــــ اي
مروان ــــــ اي
ملاك ــــــ هوا حيل حلو وابنه يشبها هم حلو
مروان ــــــ اي
ملاك ــــــ هئ
مروان ــــــ كافي بجي اف ربي شلون طفل
ملاك ــــــ منو
مروان ــــــ ابني عموري
ملاك ــــــ اي
مروان ــــــ والبنيه سألتيها عادي تاخذ واحد عمره 30 مطلگ وعنده ولد و ضخم و طويل
ملاك ــــــ اي و حتى موافقه على العصبيه والغضب و الحواجب المعگوده
مروان ــــــ اي بس وين اسويلها غرفه
ملاك ــــــ
مروان ــــــ غفت ونامت گعدت الصبح حسيت خاله ايدها على صدري باست خدي بوسه برقه ضحكت بداخلي همست بأذني احبك گامت وراحت مر اليوم متنا من التعب بليل وتعاركو العرسان طلعت بالگوه فاككناهم علي يتهدد يذبحها وهيه هم لسانها لايط اذانها
علي ــــــ كلبه اتگلي اهلي جبروني عليك من ايدحگ بوجهك قابل هيه وجه السوبايه
مروان ــــــ استهدي بالله استهدي بالله،،،، راح نام ثاني يوم گعدو عالريوگ و عيونهم بيهن شر رجعت لغرفتها و صار البيت توم وجيري واحد يخبث على واحد اما اني كل يوميه اسمع كلمة احبك من مريتي جنت مبدل واريد اروح للدوام اجت تركض ورايه فرح
فرح ــــــ الله يخليك يمروان انقذني
علي ــــــ والله اليوم لا اكل منج لحم
مروان ــــــ لزمته،،، اهده اهده
علي ــــــ اليوم جايبتلي جاي گلت منها من الله ااشو شربته حاطتلي ملح بيه الكلبه
فرح ــــــ هههه تستاهل منو موصخ فستاني الابيض بالصبغ تغار لان اني اطلع احلى منك
علي ــــــ شلون عقليه
مروان ــــــ تكاونو وكتلها هيه داست على رجله و انشال الجلد وانهزمت اخذته للطبيب ضمدله اصابعه رجع اجت يمه وخايفه وتعتذر هوا موت نفسه من اول العام الجذاب ذب حيله عليه تويته جنه الحصان وديته للغرفه مالته ورحت لغرفتي اضحك على سوالفهم لگيت ملاك واگفه گدام المرايه ودموعها بخدها جانت حيل مخوفتني وگفتها من الصبح ماشفتها ماحاجيتها رحت على الفراش سويت نفسي نايم صرت اسمع شهگاتها رحت وگفت وراها،،،،، شبيج
ملاك ــــــ مابيه شي
مروان ــــــ لا شبيج
ملاك ــــــ لگيت مرا علي گال
مروان ــــــ حزنانه لان لگيت مرا
ملاك ــــــ لا كيفتلك بس مشتاگه لاهلي لابويه وجدو
مروان ــــــ اي،،، طلعت لگيت علي طالع ومرته تهتم بيه الجذاب يگدر يمشي و اصلا مامتأثر بس يسوي هيج تاتهتم بيها غمزلي سويتله بسيطه
علي ــــــ فروحتي اريد شربت لو بس طيرتيلي اصابعي
مروان ــــــ راحت اتجيبله عصير،،،،، ولك يالجلب گايللها مروان لاگي مرا ولگيتها اتذب كل دمعه هالكبرها
علي ــــــ شسويلك اريدها تتنحنح شويه اريد اشوف جهال اخويه گبل ماموت
مروان ــــــ اليشوفك عمرك تسعين سنه وجه النعل
فرح ــــــ اتفضلو عصير
مروان ــــــ اخذت گلاص
فرح ــــــ اخذ لملاك وياك
مروان ــــــ رجعت اخذتلها لگيتها گاعده وخاله ايدها على خدها واتهدب بهالدموع استخطيتها،،،، احم هاج عصير،،، اخذته من ايدي وشربته گعدت احجي وياها واضحكها خليتها تنزل ناديت علي مشا طبيعي مايدري ورا فرح ماحسينه غير دفرته حيل
علي ــــــ انتي اليوم متعيشين قليلة ادب
مروان ــــــ شفته اتعصب سحبته واخذته برا
علي ــــــ قليلة ترباه قليلة ادب مو خوش ادميه والله لعيد ترباتها الكلبه الحقيرا
مروان ــــــ استهدي بالرحمن وكل بشر خطاء هيه تكبر وتعگل
علي ــــــ شتكبر عمرها 18سنه شتكبر من انعل ابوها لبه حضي الخلاني احبها واخطبها ندمان ندم گد شعر راسي
مروان ــــــ مر اليوم مشاكل علي و فرح ثاني يوم گعدت انتضرتها تگعد تأخرت تا گعدت باست خدودي وحضنتني همست بأذني
ملاك ــــــ احبك احبك مروان ليش متحس بيه وبحبي الك ليش
مروان ــــــ حضنتها حارت شتسوي سوت نفسها نايمه،،،، شلون ماحس بيج اني احس واحبج بست خدها رادت تگوم،،،، مو جنت سمين وماتحبيني
ملاك ــــــ انته مو سمين عضمك خشن و جسمك ضخم و انته طويل
مروان ــــــ يوميه اگعد سعيد واني اسمع كلمة احبك من مريتي،،، خنست عرفتها خجلت ضحكت عليها وبوستها من خديداتها رفعت وجها المنگلب احمر،،،، تحبيني
ملاك ــــــ اي
مروان ــــــ واني هم احبج
ملاك ــــــ
مروان ــــــ يالله انگوم
ملاك ــــــ اي
مروان ــــــ گمت بدلت وطلعت هيه هم اجت شفت فرح تحط ملح بالجاي اجه علي،،،، الجاي بيه ملح ديربالك
علي ــــــ اصلا بعد ماثق بيها من تنطيني جاي بس نلعب مثلها ليش لا
مروان ــــــ اجت انطته جاي
علي ــــــ فدوا لله للتجيب جاي لرجلها ياعيوني انتي
مروان ــــــ دحگت لملاك ميته من الخجل ضحكت على خجلها
عمر ــــــ ليود
ملاك ــــــ هسه اسويلك ماما
علي ــــــ ماما اييييععععع شنننهااااييي
مروان ــــــ من صدمته شرب الجاي احس طرت من الفرح من گالتله هيج ابتسمتلها وهيه ماتت من الخجل فرح ركضت لغرفتها شويه ونسمع اتكسر نزل علي وهوا مبتسم بأنتصار ملاك سوت ريوگ راح علي يناديها بس شو راح وهيه الروحه دزيت ملاك تناديهم وبقت هناك خفت لا صاير شي رحت دگيت الباب لگيت فرح گاعده وهوا يتأسفلها اثاري كاسر هديه من ابوها ضلت تبجي استخطيتها خليت علي يعوفها ملاك نضفت الغرفه صعد جاب الهديه طلعت فرح اتصيح ورا،،،،، عيب هيه هديه لا تصيحين امشي طبي جوا يالله،،،، استحت مني وطبت اخذها علي ثاني يوم التحقنا من رجعنا جان فرحان و يدحگ للصندوگ فتحته جان مصلحه رجعنا للبيت لگيت ملاك برا ابتسمت من شفتها ماتصلت عليها طول ماحنه بالدوام ولا رديت على اتصالاتها ردت اشوف ردة فعلها من ارجع فتنا علي ذب السلام وطب
ملاك ــــــ بخجل،،،، ليش اتصل عليك ترفض
مروان ــــــ مو مرتي تزعل
ملاك ــــــ لا مروان ليش مترد
مروان ــــــ هذا السبب
ملاك ــــــ لا تؤ
مروان ــــــ انتضرتج تخطبيلي ماخطبتي گلت عليش اني ازوج وازوجت من رحت للدوام
